Aston Villa captain Stiliyan Petrov chuan thisen cancer (Acute Leukemia) a vei tih hriatchhuah a ni !!!
Kum 32 a upa Petrov hi Inrinni a Arsenal an hneh loh hnu lawk khan a khua a sik ṭan a, test hrang hrang lâk a nih hnuah Zirtawpni khan thisen lama doctor thiam bikten an endik a, thisen cancer rang chi a vei tih an hmuchhuak ta a ni. Hmun hrang hranga Aston Villa fans leh football ngainatute thin a ṭhâwng khawp ang le.
Petrov-a khelhna Aston Villa chuan thuchhuah an siam nghal a, “Inrinni kaltaa Arsenal nen an inkhelh hnuah Stiliyan hi a khua a sik ṭan a, Dr Ian McGuinness enkawlna hnuaiah test chi hrang hrang neihpui nghal niin, Haematology mithiam te chuan thisen cancer a vei ngei tih hi vawiin (Zirtawpni) ah an tichiang a ni.
“Tun aṭanga reilote-ah Stiliyan-a natna hi hriatchian zel kan inbeisei a, a nupui leh a chhungte kan tawrhpui takzet a ni. Stiliyan-a privacy zahsak turin kan inngen a, a chanchin kan hriatbelh ang ang kan tarlang zel dawn a ni.
“Stiliyan hian ngainat leh lawm a hlawh em em a, Villa aṭanga ṭanpuina leh duhsakna a dawn theih zawng zawng a dawng vek ang tih kan tiam a, hlim takin a hmawr kan bawk ang tih kan ring tlat a ni.” tiin club website ah an tarlang.
Bulgarian midfielder hian kum 2006 ah Celtic aṭangin Aston Villa a zawm a, kumhnih leh a chanve vel chu club captain a ni tawh. Premier League-ah, a thiam ang hu a player fak hlawh lo pawl tak a ni ngei awm e.
Hmanni lawkah ‘heart attack’ vangin Muamba a tlu tawh a, tunah thisen cancer vangin natna khumah Petrov a awm mek bawk. Acute leukemia hi thisen cancer ah pawh a rang chi a ni a, thihpui pawh an tamin, thawh pawh a thawk chak viau a ni. Kan ngaihsan em em footballer te pawh hi keimahni ang tho a na tuara mangang ve thei, hmangaihna leh duhsakna mamawh ve tho an lo ni e. Aston Villa captain hi field chhungah kan hmu tawh dawn lo niin a lang ta ?
source: sports.yahoo.com
A thiam ag hua fakhlwhlo,th khi keipwh kalo gaihdan ciah,apwi hlemai,thu thinthwng ava tam vele tnlai cu,akhelh beiseiwm twhlo mhs dam lh tura ka duhsak thu tal hi hn hre pha vese kava t em
A va han pawi lungrun thin em! A inkhel kan hmuh hmel ta lo ve. Kum 32 lai a lo ni tawh bawk nen… thi mai lo se aw…
@xavi fanai: midfielder zawk kha a ni e. Gareth Barry nen inkawp ṭhin kha.
Van jia lo ve o,khel thy toh dwn lo mahse damleh hram se …
k van kongaih em..anva tuar dwn v w..chhungte leh fans chuan
ka khawngaih lutuk…
Petrov pahnih an wm sia,tu zwk kha ge kan siat loh tlat cu le..khwgaih hle maia..
A va’n pawi ve aw.. Dam leh vat beisei ang..
a khawngaihthlak khawp mai a.
zia lo veee.. dam leh vat beisei phot mai ang aw
A poi hle mai.. Chelsea nen kan in tum dawn lai taka.. an khelh that loh phah viau ang tih te pawh hlauhawm lawm le
Khawngaihthlak khawp mai. Thisen cancer vei te chu a inkhelh theih pawh ka ring tawh lo.
Ava mak zozai ve mawle. Tunlai chu footballer ho an vanduai riau mai a ! Damchhuak ngei turin duhsakna ka hlan e.
van pawi ve aw
Ava zialo ve aw..a game hi a fing takzet ka ti…Dam leh mawlh teh se