Thla thar atangin M28 Football Academy

Mizo football legend S.Malsawmtluanga (Mama) chuan April, 2018 atangin Republic Veng khelmualah M28 Football Academy a kalpui dawn.

He academy hi Republic Veng khawtlang leh an veng chhunga sawrkar school pahnih – Govt. Aizawl High School leh Govt. Republic Middle School te nen tangruala din tur a ni a, heng school pahniha naupang thlanbikte hnenah hian an school banah football zirtir thin an ni ang.

Aizawl FC tan a khel mek Mama hi Republic Veng khawtlangin an buatsaih Upa Lalrinliana Memorial Trophy final vawiina khelhah khualzahawm atan sawm a ni a, veng mipui kalkhawm hmaah thusawiin Mama chuan,” Football hmang hian mi tam takin eizawnna an hmu tawh a. Kan academy kalpui tur pawh hian rah tha a chhuah ngei ka beisei. Nu leh pate pawhin kan fate phurpui ila, Mizo naupang zingah hian talent nei tha tak tak an tam a, an hlawhtlin ngei hi ka duhsak a ni,” tiin a sawi.

M28 academy-ah hian football bakah English leh Hindi te pawh zirtir an ni dawn a, coach tha tak rawih a tum thu ZoFooty palai a hrilh bawk.

Posted in Tualchhung.

Leave a Reply

Or