January ni 7, 1991 a piang Eden Hazard hi kum 21 chauh ni mahse a club khelhna Lille hi French Ligue 1 ah champion a nihpui tawh a, UEFA Champions League a khelhpui tawh bawk a. Mimal angin chawimawina (Ligue 1 Young Player of the year 08-09,09-10 leh Ligue 1 Player of the year 10-11) hrang hrang a lo la tawh bawk a. Zinedine Zidane pawhin amah thlaktu tur anga a lo sawi tawh Hazard hi Arsenal,Chelsea,Bayern Munich,Real Madrid,Inter leh Milan te hian hun rei tak chhung an enthla tawh a ni.

2011 nipui bazar ah khan Arsenal chuan lei an tum ruh hle a. Lille in an player tha dang Gervinho an chan tawh avangin Hazard hi chhuah tir an tumlo bur ni in a lang. Lille chu UEFA Champions League berah an tlak tawh avangin tunlai hian sum hmang hrehlo tak leh tan lak thar ngai Chelsea chuan Hazard hi lak an tum ruh hle a ni. Andre Villas Boas(AVB) chuan chanchinbu mite hma ah he thu hi pha mahse Chelsea neitupa Roman Abramovich in sum a ui loh danah hian Chelsea player duh ber te zingami chu a ni ngei ni in a lang.

Eden Hazard hi Belgium mi ni in infiammi chhungkua (a nu leh pa hi footballer) atanga sei lian a ni a. 2005 a Lille a zawm atang khan a ball thiam leh a tlan chak zia te avang hian khawvel in a lo hmelhriat tan tawh a. Tunah hian Ligue 1 ah assist vawi 5 lai nei tawhin khawvela midfielder duhawm ber zinga mi a ni. Chelsea hian Lille man chhiar 40 million Euro emaw Chelsea ngam zat nia sawi 30 million Euro pawh hi ni ta reng se, tunlai bazar a manto ber chu a nih ngei a rinawm.