Pu.Rokunga te, Pi.Lalsangzuali Sailo te khan kan ram mawi zia leh hnam dang te chunga leng kan nih zia te hla thu hmangin lo puangchhuak kher lo se chu hnam dang keimahni aia lian zawk te laka kan inthlahrung dan tur hi ka ngaihtuah fo thin.
Mizo tehi fuihphur awl tak kan ni a, zirtirna tha in awmzia a neih na ram kan ni kati lo thei lo. Zirtirna tha in kan ram alo luh a chin ah hmasawnna chuan kan ramah zung kaiin par a chhuah tan a, at-huai thin Mizo tlangval te chuan mi huaisen leh mipa diktak te nun zia kan lo hrethiam chho ve zel a. A fing apiang ten kan hnam la ‘developed’ tawk loh zia an hre tulh tulh a, chapona leh mahni induhtawkna in a hnungtawlh zawnga a lo nawr thin Mizo fate chuan luipui lian zawk te finin an rual a luan dan kan lo thiam ve ta a. Tun hmaa kan neih leh tawn phak tura kan ngaih ngailoh tekha tunah chuan kan lo neiin kan lo chang ve ta a, amaherawhchu, he hlawhtlinna phenah hian thawnthu ngaihnawm tak in phum ru a awm tih erawh kan hriatloh ka duh lo.
India football team players pawimawh tak tak Jeje Lalpekhlua leh Lalrindika Ralte te, World boxing champion Jenny-i te, etc etc.. tunah chuan kan lo kawl ta fur mai. Tun hnai maia thil thleng ah chuan Aizawl FC te hlawhtlinna hi sawi nuam kan tih ber chu niin a lang. “Mizo kan ni kan hmel a tha, kan tum a sang bawk si,..” tih hla thu ang khan Mizo te hi tunah chuan hnam hmeltha leh tum sang chu kan ni tak tak tawh in ka hria. Amaherawhchu, tuna kan thlen chin aia sang hi kan la thleng thei a ni tih erawh chu kan hriat a tha hle in ka hria.
Tuna film tawi kalo post hi chan chawp mai mai nilovin a taka thleng ngei a ni tih kan lo sawi lawk hmasa phawt teh ang. Kum 1986 khan Thailand chhim lama thliarkar te tak te a khaw pakhat ‘Koh Panyee’ an tih mai ah chuan football atchilh ho veng chhung naupang te chuan khawvela football club te zinga hmuhsitawm ber mai chu sawiselna leh sawichhiatna karah dinin a hming ah ‘Panyee FC’ an phuah a. An khua chu tuipui chunga awm a nih avangin football khelh na tur lei feet khat te pawh a awm lova. Mahse, an tumruhna leh an taimakna chuan khawvela a a hmasa ber na ni turin tupui chungah football khelmual a siam tir ta a. Mi tamtakin nuihzat in sawichhe thin mahse an tumruhna thinlung chuan a kang zawngin a vawrh chho zel a, tunah chuan Thailand chhim lamah chuan football club tha ber te zing a mi a ni tawh a ni.
He thawnthu lung kuai tak hian hlawhtlinna tluantling neih tuma thuthmun suan mek kan Mizo thalai te thinlungah thu sawi mawlh teh se
TMB PANYEE FC SHORT FILM (TRUE STORY) : Awmlo ata awm ah!!
cialis pills
cialis from india
Cialis samples in canada
Cialis online
an va rapthlak ve mawle. an tumruhna hi ka ngaisang lutuk. Tin, dustin-a hi i post a ngaihnawmin a ril thei tlat . engtin nge i han hriat teh daih ni 🙂 good post
A va ropui ve! Taimak leh tumruh rah an seng anih kha..fakawm hle mai. Football is a language that everyone can speak kan ti teh ang 🙂
Kan nunah hian tumruhna leh taimakna hi a kal kawp tlat tur a ni reng a ni. A hlawhtling a te hi ‘ a ni chu a taima a lawm, a tum em a ni’ te kan ti leh ringawt a. An ni dinhmun ang chang turin theihna kan nei ve tho a lawm le.. Mizo te hian Football a hlawhtling tur hian thil dang chu kan nei tha tlangpui, mahse Morality lam hi a ni………… Good Post….
Post tha hle mai! Tumruhna nena tangrual chunga Zoram football kan chawi kän theih chuan,thalai te tan mai ni lo, ram pum tan hmasawnna duhawm tak a ni ngei ang.