Augsburg head coach Heiko Herrlich chuan ha nawhna hlo (toothpaste) lei tura dan phal loh anga an awmna hotel a chhuahsan avangin tunkar tawp Bundesliga-ah a team te a enkawl thei dawn lo!
Herrlich-a team te hian Inrinni zan hian Wolfsburg an hmachhawn dawn a, mahse, an pu ber hi toothpaste a neih loh avangin quarantine rules bawhchhiain pawnah a lo chhuak a, hun pawimawhah a tangkai tur angin a tangkai thei dawn lo.
Kum 48 a upa Herrlich hi March ni 10 khan Augsburg hian coach atan an la thar a, tun tum hi a team te inelna pangngai a hmachhawnpui hmasak berna tura ngaih ni mahse a thei dawn ta lo. Herrlich chuan, “Toothpaste ka neih loh avangin supermarket-ah ka zu chhuak alawm mawle,” a ti.
Augsburg hi Bundesliga table 14-naah an awm mek a, point 5 chiahin relegation zone ata an him.
German bundesliga hi tunkar tawp hian khelh chhunzawm a ni dawn a, player leh team official te chu midang tlawh theih lohva dah vek niin midang an tlawhpawh phal a ni lo bawk. Hri lakah an him em?’ tih test reng niin kai palh thei dinhmuna ding te inkhelhnaa an tel ve phal a ni lo.
Herrlich pawh hi a sample vawi hnih test a ni phawt ang a, a him a nih chuan a team te training a neih chhunzawm phalsak chauh a ni ang.
