Nizan Premier League khelh chhunzawm ah Newcastle United in an home ah Liverpool an lo hneh a, Tottenham-in Swansea an hneh bawk.

Chak thei lo Liverpool an chak lo tluang zel :Newcastle 0-2 Liverpool
Direct Sports Arena-ah Newcastle-in Liverpool an lo mikhual a, an player hlui Carroll leh Enrique te’n ‘boo’ hluah hluah an hlawh nasa hle. Liverpool in an game pangai angin tan tirh ah an nawr nghal hle a, finishing neih chhiat an la kal tluan pui zel a, chance tha an neih ah pawh an thun thei lo. Min 15 vel lekah Andy Carroll chuan ball tha tak a hmuh chu box chhungah tlan luh puiin Newcastle keeper Krul a bum vek hnuah a tlu a, Yellow card a hmu zui!! Newcastle in counter attack atanga nawrin Ben Afra siam chu Newcastle striker palian Cisse chuan mawi tak in a head goal. Liverpool hi tunhnai ah Aerial defense ah an chhe tluang zel. 1st half ah goal dang a luh bel lo a, 2nd half min 59′ ah Cisse bawk chuan chiang zet in pet goal a, replay en chuan offside ngei in a lang. Min 75 hnulam ah Downing, Kuyt leh Henderson te rawn lut mah se Liverpool in engmah an nih phah ta chuang lo. Liverpool keeper Pepe Reina chu Pech nen an in bakkaihna lam ah Red Card hmu zawk ah a tang a, appeal a hlawhtlin loh chuan FA Cup semi final a khel thei lo dawn bawk a ni!! Liverpool hi table ah 8-na ah an tawlh thla ta.

Tottenham in chak hmek an hmu ve leh tan ta!!! Tottenham 3-1 Swansea
Tottenham in an home ah 3-1 in Swansea an lo tlawm a, Vader Vaart chuan min 19′ ah Totteham goal hmasa ber a thun a. 2nd half ah Sugurdsson chuan Swansea tan a khung ve leh a. Tottenham an tang hle a. Min 73′ leh 86′ ah Adebayor goal hmangin Tottenham an chak ta a ni.

Table-a in umna a hot chho tual tual tura ngaih a ni a. City an lo in draw tawh avangin Man Utd dinhmun a tha ta hle. City lakah point 2 in an sang ta a, zanin ah an chak chuan point 5 in hma an hruai thei dawn a ni. Arsenal leh Tottenham te’n point 58 ve ve hmuin, Chelsea leh Newcastle in point 53 ve ve an hmu a, UCL khelh phak tum team pali an la awm tih na a ni a. City leh Man Utd te hi an sang fal tawh a, an dinhmun a tha tawh ah angaih theih ang, pathum-na leh pali-na ni tur hriatthiam a la har hle.