Toure-a’n ngaihdam a dil

Estimated read time 2 min read

Manchester City midfielder Yaya Toure chuan club chungah hun kal tawha an inhmuhthiam lohna chungchangah ngaihdam a dil.

City manager Pep Guardiola chuan Toure agent Dimitri Seluk-a’n ngaihdam a dil phawt loh chuan Ivorian midfielder hi player inlan tur zinga a thlan loh tur thu a sawi. Spanish manager Pep-a’n Chmapions League khel tur squad-a Toure a thlan loh khan Seluk chuan ‘kar khata £200,000 hlawh Toure chu Guardiola-a’n tih mualpho’ a tum vang nia a sawi. Barcelona leh manager hlui Pep chuan, “Kei chuan khelh loh vanga lungawi lo player media hmaa zualko ching hi ka hrethiam lo. Ngaihdam a dil hma chu ka hnuaiah a ka khel lo ang,” tiin Seluk hi na takin a chhang let.

Guardiola a thusawiah ding tlangin inkhel tur zingah Toure a thlang lo char char a, Seluk-a’n ngaihdam dil \ul til lo mah se nakkum maia contract tawp tur Ivorian midfielder hian khelmual chhunga inlan a duh ve tho avangin ngaihdam a dil ta a ni. Toure chuan, “Ka agent \awngkamah khan club leh a chhunga thawkte chunga ka ngaihdan pakhatmah a awm lo. Kei chuan Manchester City hi ka zah a, result tha tak nei turin engtik lai pawhin ka duhsak reng. He club tana ka khel thei leh hlawhtlinna ka chan pui thei hi ka lawm a, hlawhtlinna duhawm zawk chanpui zel hi ka duh a ni,” tiin a insawifiah.

City midfielder Toure chuan sawi chhunzawmin, “Football khelh hi ka pian chhan a ni a, fan-te tih lawm hi ka duh dan a ni. Hun harsa taka ka hnunga ding tlat thintu mipuite chungah kei leh ka chhungte kan lawm em em a ni,” a ti.

Toure hian Barcelona atanga pound maktaduai 24-a City a zawm hnuin English club tan match 267 khel tawhin goal 75 a khung tawh a; Premier League vawi hnih, FA Cup vawi khat leh League Cup vawi hnih a champion tawh. Ivorian midfielder hi African Footballer of the Year-ah vawi li zet thlan a ni tawh bawk.

You May Also Like

More From Author

20Comments

Add yours
  1. 18
    RebGype

    Viagra Jovenes Where To Buy Dutasteride 0.5mg Website Compra Viagra Postepay viagra Propecia Coste Farmacia Comprar Cialis Generico Sin Receta

+ Leave a Comment