“A Paper’s claims money by beautifully publishing the lies, ” tiin an sawi thin. A dik pawh a dik reng. Mahse, khawvela thil hlauhawm ber chu ‘dawt kara thudik inphum ru hi kan hmu ve lo palh ang,’ tih hi a ni. BPL hi Mizo ten a kan en tam ber anih avangin tun ṭumah pawh hian tunlai BPL transfer thuthang tawi te te in kan rawn tarlang a nge:

KAKA SPURS LAM AH HIP IN A AWM :

He Brazillian leh Real Madrid attacking midfielder hi Totenham Hotspurs chuan loan a lak an tum thu ‘The Daily Express’ chuan a tarlang. A nihna takah chuan Spurs hian attacking midfield lâi bikah hi chuan Kaka hi an mamawh vak pawn a lang lova, an chhandamtu Van der Vaart a a dam a a khelh thei chhung hi chu players thar an mamawh lovin a lang. Mahse chanchinbu in a tarlan dan chuan Harry Redknapp hian ‘creative players’ dang an la mamawh thu a sawi tlat.

Hetih lai hian AC Milan chuan 30 ml Pounds in Kaka hi lak lêt leh an tum nasa hle a, mahse, hun rei tak anlo ngaihzawn tawh, Gareth Bale hi an la thei a nih phot chuan Kaka hi an melh taih reng a rinawm chuanglo. Engpawh nise thu chiang ala awm lova, ‘thleng thei,’ ‘thleng leh lo thei’ ni mahse an boruak lumlet hrim hrim hriat hi a nuam ve a ni.

“DROGBA HIAN A DUH ANIH PHOT CHUAN CHINA AH KAN LO WELCOME E!!” – SHANGHAI SHENHUA :

Nicholas Anelka an nei dawn a mahse anla lungawi mai lo. Shanghai Senhua hi sumdawng hausa Zhou Jun a hnuaiah hian Europe players naran pawh ni lo, ‘top players’ ah mit an len nasa ta viau mai a, sum lamah harsatna an nei vaklo tih chu a chiang reng mai. Zhou chuan, “ Khawvel huap a football chanchin thawm nei lian tak Drogba hi player ropui tak a ni a, ama’n a duh anih phot chuan englai pawh in keini chuan kan welcome reng a ni, ” a ti. Heti anih chuan Drogba hian Chelsea ah hmun a chang mumal lo a nih chuan sum tam na lam leh a teammate awmna lam hi a pan mai lovang tih a sawi theih miah loh!!

BOBBY ZAMORA  TAN QPR IN SUM AN UI PHALLO :

Daily Mail chuan QPR in Bobby Zamora chu an la hel chhunzawm zel thu a sawi. QPR hian £10 ml in an ngam thu an puang tawh. Chutih laiin sum players in lei ngah theilo, Sunderland leh chak mamawh, Aston villa ten an hel ve reng thung. Mahse, QPR hian tun a kar khat a hlawh alak thin £45,000 aia tam pawh hi a ṭul chuan an pek hrehloh thu an sawi ve tlat. Hetih lai hian QPR hian Spurs tana start ngai meuhlo Roman Pavlyuchenko pawh an hel mek a ni.

OTHERS :

Hetih mek lai hian Newcastle United chuan Sochaux striker Modibo Maiga chu £7m in contract an ziahpui dawn ta!!! …Tin, Blackburn Rovers boss Steve Kean chuan Racing Santander’s defensive midfielder, Papa Diop chu a hnaih ta hle a, contract an ziahpui ngei rin a ni…. Crystal Palace defender, Nathaniel Clyne chu Gary Neville hmun awl hnawh khat turin Dr. Sir.Alex Ferguson chuan sign pui a tum bok. Kan hriat theuh angin Manchester United leh Crystal Palace inkhelh ṭum khan Clyne hi Crystal Palace ho lipui ber kha a ni…Swansea boss Brendan Rodgers chuan tun January transfer chhung ngei hian players panga (5) tal a sign pui tur thu a puang bawk.

Kan sawi tawh angin heng hi chu thuthang mai mai a ni a, thu mai ala ni. Mahse, an titi hi hriat loh kan duh chuang lo. Engpawhnise, heti anih chuan QPR leh Swansea te hi tun January transfer  chu an awm hle hle dawn lo a ang khawp mai.