Manchester City in David Luiz £30 mtd a an dawrna chu Chelsea in hnawl :  

Champion Manchester City chuan tunlai hian defender tha an dap mek niin an sawi a, an defender Micah Richards a inhliam avangin kar 10 lai a chawlh a ngai dawn a ni. Hei vang hian City hian a hnung tlar a ding tur an mamawh hle a, Chelsea & Brazilian centre back David Luiz chu an beisei a ni.

Amaherawhchu Chelsea hian kum 2011 January thlaa £21 mtd a Benfica atanga an lei hi an hralh phal lo niin The Sun chuan a sawi.    – The Sun; (Pix : soccertransfer.net)

Darkar khat chhung Real Madrid player ni hman Luka Modric :

Spanish chanchinbu, Marca chuan chiangkuang taka Croatian midfielder Luka Modric leh a bialnu chu Spain khawpuiah an hmuh thu a ziak.

Amarawhchu vanduaithlak tak maiin hetih hunlai hian Modric chu Madrid atanga mel 784 laia hla, Spurs Lodge, Chigwell, Essex-a a training lai hmuh a ni.

Hemi chungchangah hian Marca director, Oscar Campillo chuan ngaihdam a dil ngh nghe a ni.

Tin, hei chuah hi ala ni lo. He Croatian midfielder hi Real Madrid Official website-ah Real Madrid player thar a ni tawh tiin, a thlalak mai bakah a profile kimchang, a san zawng, a rih zawng thlengin tarlan a ni.

He thil hi hacker tih niin Barcelona fans tih ngei a nih ring.        – Metro; (Pix:  Metro.co.uk)

Arsenal chuan Walcott thlakna tur an melh lawk :

English winger,Theo Walcott chuan Arsenal-ah kum khat chiah contract a neih tawh avangin Arsenal chuan amah thlakna turin Sevilla & Spanish winger, Jesusu Navas chu an thlithlai ru deuh niin an sawi.

Arsenal boss, Arsene Wenger chuan a winger chhuanvawr chu nakuma a thlawna chhuahtir ai chuan tun nipui bazarah hian sum siamtir a tum niin Daily Star chuan a sawi. He thu hi Chelsea leh Liverpool te chuan an ngaihven rilru tawh khawp mai.

Spanish chanchinbu, AS chuan Arsenal striker leithar, Santi Cazorla chuan  a chipui, Jesus Navas chu lei turin a kawhhmuh niin a sawi bawk.

Mahse, Navas-a man hi a tam hle tura ngaih a ni a, £35 vel ni thei tura chhut a ni. Mahse, Sevilla lam chuan a hlutna man chanve vel pawh an pawm mai theih tur thu an sawi.  – Daily Star; (Pix: Thinkfootball.co.uk)

“Manchester United in Kaka hawh an tum lo” – Jose Mourinho :

Real Madrid boss, Jose Mourinho chuan a midfielder, Kaka United in hawh an tum tih chu thuthang mai mai a nih thu a sawi.

Real manager chuan Kaka chungchangah  United lak atanga dawrna official tak an hmuh loh thu a sawi.

Kaka hian kum 2009 khan AC Milan atangin Real Madrid hi a zawm a, khatih hunlaia transfer fee tam ber niin Real chuan Kak manah hian £60 mtd an pe a ni.   – Express; (Pix: Express.co.uk)