Warning: include_once(/home/content/10/8095610/html/wp-content/plugins/wp-super-cache/wp-cache-phase1.php): failed to open stream: No such file or directory in /home/content/10/8095610/html/wp-content/advanced-cache.php on line 8

Warning: include_once(): Failed opening '/home/content/10/8095610/html/wp-content/plugins/wp-super-cache/wp-cache-phase1.php' for inclusion (include_path='.:/usr/local/php5_6/lib/php') in /home/content/10/8095610/html/wp-content/advanced-cache.php on line 8
TRIPURA MIZO FOOTBALLERS-TE BIHCHIANNA (PART-1): – ZoFooty

TRIPURA MIZO FOOTBALLERS-TE BIHCHIANNA (PART-1):

October 4th-12th 2011 khan Tripura Group YMA Football Tournament (Thanthuama Memorial Running Trophy) chu khelh a ni a, He tournament hi 1st Div. leh 3nd Div. a then a ni a, Jampui khaw 10 mai bakah Mizoram, Mamit District lam atangin Kawrte, Tuidam, Bungthuam leh Borai ten he Tournament hi an khel a ni. He tournament ah hian Sabual khua te chu 1st Div. champion an ni a, tin, Tlaksih khua te chu 2nd Div. Champion an ni thung. A tournament chungchang hi ka sawi zau vak lovang a, he tournament a ‘Top Scorer’ , ‘Best Keeper’ leh ‘Best Player’ te chanchin bik hi rawn tarlan ka duh a ni.

REMRUATPUIA (BEHLIANGCHHIP)- TOP SCORER :

Remruatpuia hi Behliangchhip khua niin tunah hian a kum 19 na a hmang mek a, a naupan ngaihtuah chuan field chhunga a che vel hi awih har tak a ni . Tunlaia Jampui tlang (Tripura) footballers zingah chuan a hmingthang ber pawl a ni. Tun tum Tripura Group YMA tournament ah khan game 4 ah goal 7 thunin top scorer a ni.

Top Scorer Remruatpuia

A BUL TANNA :

Remruatpuia hi tette atanga football khel thin niin Field chhungah hi chuan midfield tih lovah chuan a tlan kual vek thei a, midang te aia a danglam bikna leh a hmingthanna chhan ber chu TLAN hi a ni. Tripura footballers zingah hian amah aia tlanchak hi an awmlo ti ila kan sawi sual in ka ring lo. A ruangam lian lutuk lo mahse, a in thazo em em a, goal ah a hlauhawm a, a finishing a tha em em bawk a ni. Tun hma chuan Defence ah leh Winger ah a tlan deuh ber thin a, mahse,  kum hmasa atang khan a position tur tak a rawn thlang fuh ta a ni. Fans ten a nat an hlau thin a, a ball chan tawh hi chuan lehlam pawl fans te an dawr a ip thei thin hle a ni.

TRIPURA U-17 TAN : Kum 2007 khan Andaman & Nicobar’s Island ah Tripura aiawhin a zuk khel ve a, hemi tum hian a khel tha hle a, Right back-ah awm in Tripura chu a hmasa ber na atan 2nd Runners up a zuk nihpui a, final chu thlenpui sela chuan Best Player hope awm ber te zinga mi a ni anti. Hemi tum hian India U-17 tana khel tura koh a ni a, mahse, chhungkaw lampanga harsatna leh Tripura Football Association lampanga in duhsakna thil a awm deuh avangin a kal leh ta lo a ni. Tripura ah hian hnam inthliarna a nasat em em avangin Federation Cup ah te hian Mizo te hian chance an hmu thei meuh lova, hei hian Football khel thin te a ti hnual em em a ni.

Tun tum Tripura Group YMA Football Tournament khan vawi-3 ngawt ‘Man of the match’ a thlan a ni a, semi-final a an team an tlak tak avangin ‘best player’ nen a dawng kop tura beiseina chu a tham ral ta a ni. Tunah hian Behliangchhip, Jampui tlang ah a cheng mek a ni.

LALRINZUALA (SABUAL) – BEST KEEPER :

Lalrinzuala hi best keeper dawng tawh te zinga la naupang ber niin tunah hian kum 17-na a hmang mek a ni. Ani hi tunhmaa a goal veng kan la hmuh ngai miahloh a ni a, a kum ala naupang bawk nen field chhunga a inkhel hi tun hmain kan hmu ngai meuh lo a ni. Group YMA president chuan Semi-final a Behliangchhip nena an inkhelh tuma a goal saves chu ropui ati ngang aniang, “kha aia mawi kha ka piantirh ata kala hmu ngai lo, ” ati hial a ni.

A la naupag a, record han tih hluai tur a la nei meuh lova, mahse, a school luhna ‘St.Pauls School, Agartala’ keeper chhuanvawr leh an innghahna a lo ni tawh thin a ni. Ani hi David De Gea te ang deuha ‘luck’ keng tel chi hi a ni ve hrim hrim a, a ball man a thalo tihna nilovin, vanneihna hi a keng tel bik emaw chu aw tih hial tur khawp in a che tok thei em em a ni. A kum ala naupang a chance pawh ala nei tha hle a, chutih rualin inzirna tur pawh ala ngah hle a ni.

Tun tum Group YMA tournament pawh hian ani hi awmlo tase Sabual khua hi an ‘champion’ kher angem? tih chu zawhna lian tak a ni. A ni hi a mit a varin a fing em em a, goal shot dan per mai bakah buai nuai nuai kara ball lo kal hi alo dang per thei em em a, heihi De Gea  nena kan teh chhan pawh a ni reng a ni. Kan sawi tawh angin Tripura ah hian inkhel mi te tan scope a zim em em a, club a khelh hi chu thil har lutuk chu a nilo nain, age level emaw senior team a tel tehi thil harsa tak a ni. Hei vang hian ani mai bakah tuna naupang rawn thang chho mek zel turte pawh hian ‘Football Thlarau’ hi an rawn man lovang tih hi a hlauhawm em em a ni.

LALDINPUIA SAILO (VANGHMUN)- BEST PLAYER :

“Kha an Din-pachaka kha lo pet tlu ru…” tih hi lehlam fans hovin ball a chana an auhla chu a ni. Heti taka lehlam fans te pawhin an hlauh chu tuemaw chu a ni phawt tih chu a chiang reng mai. “Football khel tur chuan zuk leh hmuam, ruihtheih thil reng reng ah kan in sum tur a ni,” tih thupuia neitu’ “Dina hian ruihtheih thil a fihlim Mizo tlangval pawh hian thahrui an ngah biklo,” tih an sawi fo thin chu Dina hian field chhungah chetziain a chhang chiang khop mai.

Jampui tlangdunga centre back tha ber leh nawk hrehawm ber a an sawi thin Dina hian Remruatpui ang bawkin a hmngthatna leh thiamna hlauh miah lovin Jampui tlang dunga Striker hlauhawm ber leh tha ber a rawn ni leh chiah bawk a ni.

‘Back’ a a awm leh nawk a hrehawm a, forward a a awm leh dan beh a har a, inkhelh thiam diktak a nih zia hei hian ati chiang khop mai. Inkhel thiam chuan eng position pawh hi a thiam tlang vek tur a ni a, mahse, specialist na bik chu kan nei tur a ni a, tlan thiamna bik neih hi inkhel thiam an ni ngailo. Kala hriat reng chu nikum tournament Quarter final-a centre back atanga a khalh goal thak kha a ni. Ball hi a ken thei em em a, a ball dawn a ban tha in a ball pet a accurate thei em em a ni.

TRIPURA UNIVERSITY TAN :
Dina hian tun kum September(August??) thla khan Orissa ah Tripura University tan a zuk khel ve a, hemi tum pawh hian a khel tha hle ni tur a ni, coach leh manager ten an fak hle a, back ah pawh nilo forward ah an tlan tir a, an team goal thutu ber a zuk ni nghe nghe a ni. Tin, State level competition tam takah alo khel tawh thin a, a sa a thain a tuai a rum a hei vang hian Vai mit a la em em a ni. Ani pawh hi a kum ala tam lova hmalam hun eng tak a nei a ni. Tunah hian Dina hian B.P.Ed a zir mek a ni.

Heng players pathum mai bakah hian Jampui tlang dungah ah hian Mizo inkhelh thiam tak tak an awm a, ani hi tunlai a boruak nei lian deuh avangin anni pathum chiah hi kan rawn tarlang a ni. A chunga kan sawi tawh angin Tripura-ah hian Mizo footballers te tan hmun a chep em em a, hei hi nu leh pate mai bakah thalai football a tui mite ti hnual thin tu chu a ni. Jampui tlang mipui te hi Mizoram mipui ang bawkin an tui em em a, mahse, eizawnna atana football khel tur chuan an fate hi an phal leh lawi si lova heihi football ngaina tute harsatna tawh pakhat leh chu a ni. Tin, tournament hi kum 1 dana buatsaih tum a nih tawh avangin hei hian football khel thinte a nghawng ngei rin bawk a ni.

30 thoughts on “TRIPURA MIZO FOOTBALLERS-TE BIHCHIANNA (PART-1):

  1. Ekhai @Eddie & @Dustin in ti ti chhiar a nuam e… Rengram Mizo te Football ngaihsan zia i rawn pho chhuak a, hma pawh in sawn zel ang. Nula pawh an chhelo thei e..

  2. @Dustin:Tun thleng hian Jampui hi chu kan la sawi bang theilo asin. @Lalthanzama: Fuihpawrh hi ka awl teh mai nia.Roliana memorial tournament Kawrte a kan champion dan.KGSA in kal a ti silo,kan kal chak si,Rodina pa Pu Saikungan entry fee chu ka tum sak thei ang che u a bak chu ka theilo min ti,entry fee kan chhung ve tawp,chuan kan kal ve ta rawih mai a,kan han inkhel zo te hi kan khelhpui ten chana leh sawhchiar an ei ham2 laiin,kil 1-ah tuisik hi kanlo in ve a,ril tam a reh duhlo khawp mai, quarter final-ah erawh engtin2 emaw chhang kuailet 1 theuh kan ei ve thei ta, tuisik nen kan han seh chilh ve a tlem chuan a zia awm deuh,semi final kan han thleng ,S chhang bawk kan dawng leh mahse 2 theuh kan dawn bakah stall thingpui nen kan hmeh ve ta, kut kan beng ring teh asin. A thlengtu Kawrte nen final kan han khel zet chu pui ve riap2 tak a ni,chawi silova ball boot chunga hniak kha an thiam riau mai a a rim thlak ngang mai,mahse S chhang khan stamina alo pai tam deuh aniang hun a tawp meuh chuan 3-2 in kan chak hlauh. Sawhchiar kan ei ve tak ham2 kha. Zawlnuam vengpui field-a Bawrai nen kan final pawh kha boruak chu sang vet2 tak a ni. Goal keeper ka nia,chhim lama kan tan lai phei chuan,ka bulah hian sai bomb ngei mai leh halpuah tlep hi an rawn hal ri leh tuar mai thin a,a then goal net-ah an rawn uai thul,ka hnung lamah an lo insual,game concentrate ahar teh asin,thianten helam rawn ngaihtuah suh inkhelh chauh kha ngaihtuah rawh an han tih pawhin a har duh khawp mai. Mahse piah deuh a nula hovin vawi 1 safe hnute vawi 1 khawih an rawn tih kha chuan Popey-a spinatch te chu a khum chiang khawpin ka ring,mahse kan chakpui zo talo mai pawh a a pawi khawp mai.Rodina kha a khua a sik,tan a na bawk si,nachhawkna mum 2 a hmawm a,alu ahreng teh tawh a a rawn tlan lut ve tawp,a khel tluan zak tho tan a na em a ni.

  3. @Eddie,..hehehe Jampui ah chuan ilo va tlangnel tawh awm veh,…pawisa i sawi kha tun thleng hian anla hmang thin a, a tha ka ti khp mai he idea hi chu. Chuan, Pu Robert Romawia, SSA hian tun kum trophy kha a sponsor a, sum lam pawh a zia ve ta khp mai….

  4. @Lalthanzama&Zarzova te ka lawm e. @Dustin: Pu Hneha kha Rodina thleninpa ngei a ni e. Nia vanglai rau2ah Jampui-a inkhelh kha chu a nuam a ni. Inkhel en tur khan khaw hran pawh a khawnawtin Canter ngei mai khan an rawn in trip hep2 mai thin a,boruak kha sang thei vet2 tak a ni. ’97 kha ni tain ka hria,tournament vangin naupang inkhawmpui an sawn hial kha,khatiang taka football ngaihsanna hmuna inkhelh kha chu nuam tak a ni. Tin Jampui chu pawisa siam an awlsam khawp mai,a nawi a buaithlak thin sia lehkha khawng sen leh eng khan pawisa nawi an siam mai a, Rs.3 tlang te kha a khawng tha thei rap, mahse tournament zawh hnu kha chuan a hman theih tawh thin lova,khawvel hmun dangah hian Rs.3 tlang hi kala hmu ngai miahlo.

  5. @Lalthanzama & Zara,..nya, Eddie hian ziah tur chu a ngah ngawt in ka ring mhs, an vanglai kha chuan keini chu kan la naupang deuhin ka ring. Local football chu sawiloh kum 10 vel liam ta khan Behliangchhip khua in khawchhung club 3 tan Leaque ‘BPL’ an siama khami tum pawh khan game 5 tak ngial pawh kan khel tluan theilo YMA hruaitu ten min tin tawp alawm..:) Khang hunlai kha alo nuam khp mai. Club jersey tur intuak te khan kan hnatlang nasa thy lawm..ui te kha kan inchawi thin a, flying kick hy a tam duh khp mai 🙂 Jampui tlang mipui tehi an rilru a zau em em a, footballers tehi an ngaihlu thiam a local tournament khel tekan entu tehi an tam thy a, a nuam thy khp mai. ekhai, sawi tur chu tam khp mai….:) lung te pawh leng alawm mle

  6. eddie leh Dustin te comment chu a ngaihnawm khawp mai… local football pawh hi a lo ngaihnawm thei khawp mai…

  7. @eddie & Dustin : in titi hi ka lo chhiar a, a ngaihnawm hle mai. Inthlahrung suh u, kan comment zel teh u. Khawpuia tournment khelh ai chuan a nuam zawk hrim2 ang.
    CHuan i sulhnu rawn ziak teh.!!! Engpawh zofooty ah hian a leng ania, tuna i comment ringawt pawh hi a ngaihnawm lutuk ! Muang marin khawngaihin rawn ziak la.. A lawmawm ngawt ang..

  8. @Eddie,..kami tum kha chu ka hria lawm, Rodina hnek thlutu kha Pu Hneha, fa pawh nei tlangval uai tawh nia, Rodina kha an mikualpa ani nghe2 in ka hria…Nya, khang lai hun kha chu a pui thei khp mai 🙂

  9. @ Dustin: B.chhip leh Hmunpui kha 9 field ala nia, skill aiin tharum kha a pawimawih zawk, tichuan game awmzia tur chu hrethiam mai em? Pui tak ani pui tak. B.chhipah phei chuan kan striker Rodina(A-Tea) kha B.chhip pain field chhungah a hnek thlu tawp mai mawle. Kei pawh ka chibawmah min tauh sak,nikhaw hreloin 5mins ka awm,dumde tek chuai hi chu ala na lo,a nat tak2 chuan thim hi a tla thla zut2 mai ni. Hmunpuiah lah Tuidam nen kan in pheksual chiam bawk, zialo mai2 tak a ni. @ Ramenga: Ka lawm e. Chhun pachanga carol chu tui a har duh khawp mai,a eng em a ni,mahse thiam min ti ve thoin ka hria.

  10. @Eddie,..ka hriatchak tamtak i rawn sawi a lawmawm khp mai,.hetih hunlai 96′ vel hi chuan kanla khel ve phak lova, ka hre velo tlat mai…Game ala rum thei viau lo maw?? 🙂

  11. @eddie: e khai inthlahrung reng reng suh, i comment a ngaihnawm alawm. Chhunpachanga carol chu tui a har ve fu ang a ha3..

  12. A` khai minlo hrethiam mai teh u. Dustin hian ka lunglen a rawn chawk tho tlat mai a,Zofooty kal tlang hian, kan in hrithla ve lawk a ni e.

  13. A` khai minlo hrethiam mai teh u. Dustin hian ka lunglen a rawn chawk tho tlat mai a,Zofooty kal tlangin kan in hrithla ve lawk a ni e.

  14. @Dustin,’94 leh ’96 kha Kawrthah Games and Sport (KGSA) hmingin nia.’97 kha Kawrthah Rangers Club. ’97 phei chu final niin chhun pachangah Field sir zawng2ah kan carol kual vek a, Rs.720 vel kan hmu, ui pum 2 kan lei a kan ei haps mawle. Chhun pachanga carol chu pui riap2 tak ani. Kumsul liam hnu bak kha thiam tlan kan nei silo,mahse tui takin kan zai kual chhuak ve zak tho. Ngawi teh lunglen a zual mai2 a ni,engtikah mah khang hun te kha kan tawng leh tawh dawn silova le.

  15. @Eddie,..lo va hel nasa tawh ve..eng team tan nge ilo khelh tawh a?? @Ben, Nya, Jampui tlangah hian eng emaw club hian scout ah min ruai se tha ang chu.:)

  16. @dustin.. Heihi nimaw fit lo chunga i han chet thatna em em kha.. I ziak thiamin, Tripura state football a an changkan theihlohna pakhat i rawn tarlang chiang hle.. Kan mizo player hmakhua eng tak neite hian zofooty a i post kal tlang hian khaw eng an hmuh beiseina nen lo thlir teh ang. Good Post..

  17. Hemi tum hian ka thian ten min rawn sawm vea exer la mang lovin ka chhuak chho vea, choh tawh lamah pawh fans ho au ri vang rgnt in full time game-3 ngawt ka han khel ve mle…Heta tang hian chakna hycu kan rilru ah hian a awm a ni tih chu ka chiang khp mai…game 3 ah goal 2 nei nghe2 nya o 🙂

  18. Inkhel en hi chuan patling zu nam thelh thawlh, buaina siam chaung si lo, au peih deuh hi awm se a nuam duhin ka hria.
    Keini ve zawng a kotlanga thu pawl kan ni tluan dawn ta a nih hi hehe…eddie lunglen dan tur pawh hi ka hrethiam pha ve ruai ruai chauh a ni.

  19. ava han ngaihnawm tehlul em !! post tha tak a ni.
    “Kha an Din-pachaka kha lo pet tlu ru…” tih lai hi ka duh lutuk ! Khawpui aiin thingtlang leh hetiangah hian football an ngaisang ka ti zawk keichuan.. local football an ngaihlu thiam fe, khawpui chuan local tourmanent aiin BPL, La Liga, Seria A etc an tui zawk..

  20. In fakawmthi khawp mai. Europe bak kan tuipui phak meuh loh laiin tualchhung leh hmun kilkhawr lam te thleng2in in lo hrut a. Good post

  21. A bengvar thlakin,ava lunglen thlak em, Tripura group y.m.a annual sport festival B.chhip ’94, Hmunpui ’96, Vanghmun ’97 te min hriat chhuah tir lawm le. ’97 a Sabual nen semi-final a, tie-break hmanga chak zawk kan zawng,khua in min thim hnan tum te kha,khami tum pawh khan Sabual tho hi Vanghmun nen final-in an champion anih kha.A k’an ti ta duah a,minlo hrethiam teh u, vanglai ni te hi kan la ngai dawn chauh zawng anih hi…hei..ha.

  22. A bengvar thlakina,a lunglen thlak hle mai, Tripura group y.m.a annual sport festival B.chhip ’94, Hmunpui ’96, Vanghmun ’97 te min hriat chhuah tir lawm le. ’97 a Sabual nen semi-final a, tie-break hmanga chak zawk kan zawng,khua in min thim hnan tum te kha,khami tum pawh khan Sabual tho hi Vanghmun nen final-in an champion anih kha. Kan ti ta duah a,minlo hrethiam teh u, vanglai ni te hi kan la ngai dawn chauh zawng anih hi…hei..ha

  23. He Post hi tha ka va ti tak em!!!
    State hrang hrang ah Mizo player te an awm a, an chanchin hriat hi kan chak ber a ni.. Dustin kan lawm e.

Leave a Reply

Or

TRIPURA MIZO FOOTBALLERS-TE BIHCHIANNA (PART-1):

October 4th-12th 2011 khan Tripura Group YMA Football Tournament (Thanthuama Memorial Running Trophy) chu khelh a ni a, He tournament hi 1st Div. leh 3nd Div. a then a ni a, Jampui khaw 10 mai bakah Mizoram, Mamit District lam atangin Kawrte, Tuidam, Bungthuam leh Borai ten he Tournament hi an khel a ni. He tournament ah hian Sabual khua te chu 1st Div. champion an ni a, tin, Tlaksih khua te chu 2nd Div. Champion an ni thung. A tournament chungchang hi ka sawi zau vak lovang a, he tournament a ‘Top Scorer’ , ‘Best Keeper’ leh ‘Best Player’ te chanchin bik hi rawn tarlan ka duh a ni.

REMRUATPUIA (BEHLIANGCHHIP)- TOP SCORER :

Remruatpuia hi Behliangchhip khua niin tunah hian a kum 19 na a hmang mek a, a naupan ngaihtuah chuan field chhunga a che vel hi awih har tak a ni . Tunlaia Jampui tlang (Tripura) footballers zingah chuan a hmingthang ber pawl a ni. Tun tum Tripura Group YMA tournament ah khan game 4 ah goal 7 thunin top scorer a ni.

Top Scorer Remruatpuia

A BUL TANNA :

Remruatpuia hi tette atanga football khel thin niin Field chhungah hi chuan midfield tih lovah chuan a tlan kual vek thei a, midang te aia a danglam bikna leh a hmingthanna chhan ber chu TLAN hi a ni. Tripura footballers zingah hian amah aia tlanchak hi an awmlo ti ila kan sawi sual in ka ring lo. A ruangam lian lutuk lo mahse, a in thazo em em a, goal ah a hlauhawm a, a finishing a tha em em bawk a ni. Tun hma chuan Defence ah leh Winger ah a tlan deuh ber thin a, mahse,  kum hmasa atang khan a position tur tak a rawn thlang fuh ta a ni. Fans ten a nat an hlau thin a, a ball chan tawh hi chuan lehlam pawl fans te an dawr a ip thei thin hle a ni.

TRIPURA U-17 TAN : Kum 2007 khan Andaman & Nicobar’s Island ah Tripura aiawhin a zuk khel ve a, hemi tum hian a khel tha hle a, Right back-ah awm in Tripura chu a hmasa ber na atan 2nd Runners up a zuk nihpui a, final chu thlenpui sela chuan Best Player hope awm ber te zinga mi a ni anti. Hemi tum hian India U-17 tana khel tura koh a ni a, mahse, chhungkaw lampanga harsatna leh Tripura Football Association lampanga in duhsakna thil a awm deuh avangin a kal leh ta lo a ni. Tripura ah hian hnam inthliarna a nasat em em avangin Federation Cup ah te hian Mizo te hian chance an hmu thei meuh lova, hei hian Football khel thin te a ti hnual em em a ni.

Tun tum Tripura Group YMA Football Tournament khan vawi-3 ngawt ‘Man of the match’ a thlan a ni a, semi-final a an team an tlak tak avangin ‘best player’ nen a dawng kop tura beiseina chu a tham ral ta a ni. Tunah hian Behliangchhip, Jampui tlang ah a cheng mek a ni.

LALRINZUALA (SABUAL) – BEST KEEPER :

Lalrinzuala hi best keeper dawng tawh te zinga la naupang ber niin tunah hian kum 17-na a hmang mek a ni. Ani hi tunhmaa a goal veng kan la hmuh ngai miahloh a ni a, a kum ala naupang bawk nen field chhunga a inkhel hi tun hmain kan hmu ngai meuh lo a ni. Group YMA president chuan Semi-final a Behliangchhip nena an inkhelh tuma a goal saves chu ropui ati ngang aniang, “kha aia mawi kha ka piantirh ata kala hmu ngai lo, ” ati hial a ni.

A la naupag a, record han tih hluai tur a la nei meuh lova, mahse, a school luhna ‘St.Pauls School, Agartala’ keeper chhuanvawr leh an innghahna a lo ni tawh thin a ni. Ani hi David De Gea te ang deuha ‘luck’ keng tel chi hi a ni ve hrim hrim a, a ball man a thalo tihna nilovin, vanneihna hi a keng tel bik emaw chu aw tih hial tur khawp in a che tok thei em em a ni. A kum ala naupang a chance pawh ala nei tha hle a, chutih rualin inzirna tur pawh ala ngah hle a ni.

Tun tum Group YMA tournament pawh hian ani hi awmlo tase Sabual khua hi an ‘champion’ kher angem? tih chu zawhna lian tak a ni. A ni hi a mit a varin a fing em em a, goal shot dan per mai bakah buai nuai nuai kara ball lo kal hi alo dang per thei em em a, heihi De Gea  nena kan teh chhan pawh a ni reng a ni. Kan sawi tawh angin Tripura ah hian inkhel mi te tan scope a zim em em a, club a khelh hi chu thil har lutuk chu a nilo nain, age level emaw senior team a tel tehi thil harsa tak a ni. Hei vang hian ani mai bakah tuna naupang rawn thang chho mek zel turte pawh hian ‘Football Thlarau’ hi an rawn man lovang tih hi a hlauhawm em em a ni.

LALDINPUIA SAILO (VANGHMUN)- BEST PLAYER :

“Kha an Din-pachaka kha lo pet tlu ru…” tih hi lehlam fans hovin ball a chana an auhla chu a ni. Heti taka lehlam fans te pawhin an hlauh chu tuemaw chu a ni phawt tih chu a chiang reng mai. “Football khel tur chuan zuk leh hmuam, ruihtheih thil reng reng ah kan in sum tur a ni,” tih thupuia neitu’ “Dina hian ruihtheih thil a fihlim Mizo tlangval pawh hian thahrui an ngah biklo,” tih an sawi fo thin chu Dina hian field chhungah chetziain a chhang chiang khop mai.

Jampui tlangdunga centre back tha ber leh nawk hrehawm ber a an sawi thin Dina hian Remruatpui ang bawkin a hmngthatna leh thiamna hlauh miah lovin Jampui tlang dunga Striker hlauhawm ber leh tha ber a rawn ni leh chiah bawk a ni.

‘Back’ a a awm leh nawk a hrehawm a, forward a a awm leh dan beh a har a, inkhelh thiam diktak a nih zia hei hian ati chiang khop mai. Inkhel thiam chuan eng position pawh hi a thiam tlang vek tur a ni a, mahse, specialist na bik chu kan nei tur a ni a, tlan thiamna bik neih hi inkhel thiam an ni ngailo. Kala hriat reng chu nikum tournament Quarter final-a centre back atanga a khalh goal thak kha a ni. Ball hi a ken thei em em a, a ball dawn a ban tha in a ball pet a accurate thei em em a ni.

TRIPURA UNIVERSITY TAN :

Dina hian tun kum September(August??) thla khan Orissa ah Tripura University tan a zuk khel ve a, hemi tum pawh hian a khel tha hle ni tur a ni, coach leh manager ten an fak hle a, back ah pawh nilo forward ah an tlan tir a, an team goal thutu ber a zuk ni nghe nghe a ni. Tin, State level competition tam takah alo khel tawh thin a, a sa a thain a tuai a rum a hei vang hian Vai mit a la em em a ni. Ani pawh hi a kum ala tam lova hmalam hun eng tak a nei a ni. Tunah hian Dina hian B.P.Ed a zir mek a ni.

Heng players pathum mai bakah hian Jampui tlang dungah ah hian Mizo inkhelh thiam tak tak an awm a, ani hi tunlai a boruak nei lian deuh avangin anni pathum chiah hi kan rawn tarlang a ni. A chunga kan sawi tawh angin Tripura-ah hian Mizo footballers te tan hmun a chep em em a, hei hi nu leh pate mai bakah thalai football a tui mite ti hnual thin tu chu a ni. Jampui tlang mipui te hi Mizoram mipui ang bawkin an tui em em a, mahse, eizawnna atana football khel tur chuan an fate hi an phal leh lawi si lova heihi football ngaina tute harsatna tawh pakhat leh chu a ni. Tin, tournament hi kum 1 dana buatsaih tum a nih tawh avangin hei hian football khel thinte a nghawng ngei rin bawk a ni.

Leave a Reply

Or