Euro Under 17 Tournament hi player lar tur te inlan hmasakna a ni thin a. 2002 a ‘best player’ chu Wayne Rooney (Man Utd), 2004 ah Cesc Fabregas (FC Barcelona), 2006 ah Toni Kroos (Bayern Munich). Tunah chuan khawvel hriat a tha leh lar an ni tawh. Tunah hian 2011 Euro Under 17 a ‘best player’ Kyle Ebecilio chanchin tlem a zawng ka rawn tarlang dawn a ni. Tuna Ajax midfielder Lorenzo Ebecilio nen hian inlaichinna an nei hranpa lova, The Netherlands tan erawh chuan an la khelh dun ngei a rinawm.
February ni 17, 1994 a piang Kyle Ebecilio hi naupang ‘special talent’ nei kan tih zingami hi a ni thei awm e. Holland a club, Feyenoord ah bul tan in hma a sawn chak hle a. Dutch ho ball thiamna (technical ability) leh English rothapna (physical strength) te hi Ebecilio ah hian a awm niin mi tam tak chuan an sawi. 2011 khan Serbia a UEFA Under 17 Tournament ah The Netherlands chu champion pui in goal 3 a thawh ve a, a goal 1 phei hi chu an champion theihna goal a ni nghe nghe. He tournament ah hian club aiawhte tan player rawlthar zawnna hun remchang a ni thin a. Sawmna a dawn thahnem tak zingah naupang tamzawk ten an pan Arsenal chu a pan a. A thlang fuh hle niin a lang. Ebecilio unaupa Jeffrey Bruma hian Chelsea a lo thlang tawh a. Hei erawh hi chuan a thlang fuhlo deuh nge Hamburg lamah a insawnphei tawh.
Arsenal a luh atang hian Under 18 team ah a khel nghal a. Reilote ah Reserve Team (Arsenal B Team) ah a inhlangkai chho a. Central midfielder, defensive leh attacking pui kawp thei kan tih ang hi niin Serge Gnarby (Germany U-17 midfielder/forward) nen an kum rualpui te aiin hma an sawn chak bik hle. Arsenal ah kum 1 a awm tlin hma ngawtin Arsenal hotute chuan professional contract a ziahpui nghal a. Tunah hian Cesc Fabregas leh Theo Walcott angin kum 16,17 chho velah Arsenal Senior Team ah khelphalo mahse kum 18 mi Kyle Ebecilio hian engtik ni ah emaw chuan Frimpong, Coquelin te angin Song hi an la luahlan lovang tih a sawitheihloh. Holland a Mark van Bommel, Nigel de Jong, Demi De Zeuuw te thlaktu tur chu Ebecilio hi a ni mai ang em ?
order cialis online
cialis generic
Brand viagra
viagra samples in canada
Arsenal hi chu aw, player naupang tha tak tak an chher chhuak a, sum ngah tak tak club ten an that chhuah velah an chhuhsak leh zel si. Hei hi chu an chhuhsak leh em lovang chu maw.
BVT… Arsenal chhuahsan in khawiah nge a kal ang aw?????? Hehe
Nia, a that dawn veleh Man Utd in kan lo lei keuh ange han ti ila.. a ni ang tha tur hi chu Man Utd hian kan chher chhuak leh mai lo maw..Arsenal player chher hi an sawi vul chuk a, Man utd players chher ho hi an khum chiah emaw ni le..Pu Wenger-a player chher chhuah ho hi chu club tana ding nghet hi an awm lo thin emai..hehe Pu Wengera`n Pu Alex-a a tluk lohna niin ka hria
tha deuh hian an hralh leh daih mai ngah?!
A la lar dawn khawp mai. lo chhinchhiah tur nih hi. GOod post macha
Gud post