“Tun season hi Everton a ka season hnuhnung ber a ni ang.” – Fellaini

Estimated read time 2 min read

Everton midfielder Marouane Fellaini chuan nakum January thla emaw, season tawp hunah Everton chhuahsan a tum thu Belgian chanchinbu a hrilh.

Belgium international Fellaini hian season bul a ṭan fuh hle a, Everton player pawimawh ber a ni mek. A pawimawhzia hi hriain Everton pawhin an ‘duat’ viau a, nikum November thla mai khan kum 2016 thleng contract an ziahpui a, mahse ESPN ziah hi a dik a nih chuan he contract hi a tâwp thleng a hmang zo dawn ta lo a ni.

Belgian chanchinbu Het Nieuwsblad in an kawmna-ah Fellaini chuan Everton chhuahsan a tum thu a sawi a. “Everton ah hian ka kum nga na ka hmang ṭan ve ta reng mai a, hei hi ka season hnuhnung ber a ni ang. He club ah hian ka tih theih chu ka ti zo thawkhat tawh a, hmuh tur awm ang ang chu ka hmu tawh bawk. January thla-a transfer bazar a inhawn hunah emaw, season tawpah emaw chhuah ka duh a ni.” tiin a sawi.

Fellaini hian kum 2008 ah Standard Liege aṭangin pound maktaduai 15 in Everton a zawm a, match 130 khel tawhin goal 22 a thun tawh a ni. Chelsea in David Luiz an lei hma khan Barclays Premier League-a lubuk ber a ni reng a, mahse a lu buk ai chuan midfield aṭanga Everton inkhel a kaihruai ṭhin hi a hmuhnawm a, a larpui zawk bawk.

Mikel Arteta leh Tim Cahill te chhuah hnuah Everton ‘star player’ a ni a, a chhuak tak tak a nih chuan Everton tân channa nasa tak a ni ngei ang. Hetihlai hian Fellaini hian official takin thuchhuah a la nei lo a, naktuk lawkah he thuthang hi a dik lo tih a puang leh maithei tih erawh kan hriat a ṭha awm e.

Fellaini hi i club ṭan bera khel turin a ṭha tawk i ti em le?

source: espn.co.uk

You May Also Like

More From Author

7Comments

Add yours

+ Leave a Comment

“Tun season hi Everton a ka season hnuhnung ber a ni ang.” – Fellaini

Everton midfielder Marouane Fellaini chuan nakum January thla emaw, season tawp hunah Everton chhuahsan a tum thu Belgian chanchinbu a hrilh.

Belgium international Fellaini hian season bul a ?an fuh hle a, Everton player pawimawh ber a ni mek. A pawimawhzia hi hriain Everton pawhin an ‘duat’ viau a, nikum November thla mai khan kum 2016 thleng contract an ziahpui a, mahse ESPN ziah hi a dik a nih chuan he contract hi a tâwp thleng a hmang zo dawn ta lo a ni.

Belgian chanchinbu Het Nieuwsblad in an kawmna-ah Fellaini chuan Everton chhuahsan a tum thu a sawi a. “Everton ah hian ka kum nga na ka hmang ?an ve ta reng mai a, hei hi ka season hnuhnung ber a ni ang. He club ah hian ka tih theih chu ka ti zo thawkhat tawh a, hmuh tur awm ang ang chu ka hmu tawh bawk. January thla-a transfer bazar a inhawn hunah emaw, season tawpah emaw chhuah ka duh a ni.” tiin a sawi.

Fellaini hian kum 2008 ah Standard Liege a?angin pound maktaduai 15 in Everton a zawm a, match 130 khel tawhin goal 22 a thun tawh a ni. Chelsea in David Luiz an lei hma khan Barclays Premier League-a lubuk ber a ni reng a, mahse a lu buk ai chuan midfield a?anga Everton inkhel a kaihruai ?hin hi a hmuhnawm a, a larpui zawk bawk.

Mikel Arteta leh Tim Cahill te chhuah hnuah Everton ‘star player’ a ni a, a chhuak tak tak a nih chuan Everton tân channa nasa tak a ni ngei ang. Hetihlai hian Fellaini hian official takin thuchhuah a la nei lo a, naktuk lawkah he thuthang hi a dik lo tih a puang leh maithei tih erawh kan hriat a ?ha awm e.

Fellaini hi i club ?an bera khel turin a ?ha tawk i ti em le?

source: espn.co.uk

You May Also Like

More From Author

+ There are no comments

Add yours