Arsenal chu zanin hian Barcelona ah goal khat neihsa venghim turin an zin dawn a, chutihrualin nikum lama football an zir that lehna hmun Nou Camp let leh hi goal hmahruai chung pawn in thil nuam tak a ni dawn lo tih chu a chiang reng mai.

Chutihrualin Wenger chuan a naute ho chu nikum lam aiin inrintawkna leh puitlinna na neih ngei a beisei anga. An assistant captain Van Persie squad a awm te leh an Captain Fabregas leh Jack Wilshere te tel thei tur chuan inrintawkna piahlamah team an tihchak ngei a rinawm bawk. Amaherawhchu zanin hian Theo Walcott, Vermaelen, Fabianski leh Song te hmel kan hmu dawn lo in a lang. Hei erawh a pawi thui thei maithei.

Arsenal naupang beiseiawm Wishere chuan “Barca hi kan hneh thei a, Emirates ah kan hneh tawh a, kan hneh leh thei anih chuan European Cup kan lakna kawngah ah pawh min pui ngei ang” a ti a ni.

Barcelona lam pawh buaina an ngah ve ngang mai. An coach Guardiola chu hnung na avangin zan nga ngawt Spanish Hospital ah a awm a ngai a, hemi avang hian nidang angin inbuatsaihna an nei tha thei tlat lo. Chumi belhchhah tur chuan an defender rinrawl Captain Puyol leh Pique te chu inhliam vang leh hrem vangin an awm dawnlo bawk.

Amaherawhchu khawvela inkhelh thiam ber Messi awm chhung chuan Arsenal player leh fans te awm chu a nuam thei meuh lovang. Eng result pawh lo thleng se, zanin hian inkhel hmuhnawm tak kan hmu dawn e.

Barcelona 2-1 Arsenal

Arsenal win on penalties