August 30, 2012: Barcelona leh Spain midfielder Andrés Iniesta chu UEFA Best Player in Europe 2011/12 atân thlan a ni.
Iniesta hian season hmasa khan Barcelona chu UEFA Champions League semi-final a thlenpui a, La Liga ah pahnihna a nihpui bawk. Spanish Cup (Copa del Rey) ah a champion pui a, FIFA Club World Cup ah a champion pui bawk. Hei mai a ni lo a, UEFA Euro 2012 ah Spain champion puiin, he tournament ah hian Best Player ah thlan a ni nghe nghe. Euro 2012 kha an pathum zinga Iniesta vawrhsâng lehzualtu a tih theih awm e. Ball thiam chungchuang a ni a, ball tlanpui thei, passing ṭha eltiang leh mit fing em em mai a ni bawk. A elpui Messi leh Ronaldo te angin a pet goal tam lo a, anni ai hian he chawimawina hi a phû zawk tih theih loh mahse, anni aia a phû lohna pawh a awm bik lo.
UEFA Best Player in Europe thlanna hi France khawpui pakhat Monaco ah neih a ni a, he award dawngtu thlang tur hian UEFA hnuaia ram hrang hrang 53 aṭangin journalist pakhat ṭheuh thlanchhuah an ni a, heng mi 53 te hian a hmunah vote thlakin, Cristiano Ronaldo, Andrés Iniesta leh Lionel Messi te aṭangin an duh ber an thlangchhuak a ni. Iniesta hian vote 53 ah 19 a hmu a, Ronaldo leh Messi te hian vote 17 ve ve an hmu thung.
UEFA Best Player in Europe hi FIFA Ballon d’Or nen hriatpawlh loh tur a ni a, FIFA Ballon d’Or hi chu FIFA World Player of the Year leh UEFA Ballon d’Or (European Player of the Year) te kaihkawp, khawvela player ṭha ber hnena hlan ṭhin a ni. European leh World Player of the Year ni ṭhin te zawm an lo nih takah chuan, UEFA President Michel Platini kaihhruaina hnuaiah nikum (2011) aṭang khan UEFA Best Player in Europe hi a hranpa-a thlan a ni leh chauh a, a vawikhatnaah Lionel Messi chuan dawngin, Iniesta hi a hmasaber dawttu a ni.
UEFA Best Player in Europe hi eng ram mi leh sa pawh, UEFA member 53 hnuaia football club a khel chuan an dawng thei vek a. UEFA hnuaia intihsiakna hrang hrangte chu award dawng tur teh nan hman ṭhin a ni.
Mi inngaitlawm Iniesta
Europe khawmualpuia player ṭha berah an thlang zo chauh a, Iniesta chuan player ropui pahnih Ronaldo leh Messi te bula a ding thei chu lawmawm a tih thu a sawi daih mai.
Iniesta chuan, “He ka award ka dawng thei hi ka tân chuan chawimawina ropui tak a ni a, Spain national team leh Barcelona-a ka teammate te tân ka hlan a ni. Player ropui tak tak Cristiano leh Leo te bula ka ding ve thei ringawt pawh hi a lawawm hle a ni.” tiin a sawi.
England aiawha vote thlaktu, World Soccer tâna thawk Gavin Hamilton chuan Iniesta a vote thu sawiin, “Euro 2012 a champion ta Spain team ah khan a khel ṭha ber a ni a. Talent ropui tak a nei tih hairual a ni lo a, chumi piahlamah a inngaitlawm em em a, field chhung leh pawna a chetphung leh nungchang a ṭha em em a ni. Field pawnah midang tâna entawn tlakin a khel a, field pawnah midang tâna entawn tlakin a awm bawk.” tiin a sawi.
Engpawhnise, Ronaldo leh Messi te elpha tu mai ni lo, khûm thei tu player an awm hi football tân malsawmna a ni e.
cialis coupon
cialis 5mg price
canadian cialis
cialis 20mg price
Brand name viagra overnight
Free viagra
@Zodina : Keipawn thiam ka ti ber, a thiam ber avang hian ka ngei lawm. hhehe teh tlat chuan.
kan team a khel tur thlang don ila : 1. Messi, 2. Ronaldo, 3. Iniesta…… mahse a tha tho e, Messi er hrim2 in va tam ve, Barca ka tran lo a Messi eroh thiam ka ti ber, ve tlat mai a 🙂
messi aia that lohna k celo……. cutiangin ronaldo ai pon
ka lawmpui e…
A awm ka ti khawp mai. La Liga leh UCL ah champion lo mah se EURO ah Spain a champion pui thei tlat. Best Player a ni bawk.. A inngaitlawm bawk a, chawisanin a awm niberin ka hria. Good post
#13 khi keipawh ka pawm e (A tir lampang khi) 🙂 Award sem chungchangah hi chuan khawlin engkim a buaipui a nih loh chuan, a dawng tur diktakin an dawn loh chang hi a awm fo thin. Mi tlem tein an thlang a, hetiangah hi chuan field pawna an nungchang leh an duhsak bik ten chance an nei tha thei tlat. A thlangtu te hi mipa a tam ber an ni dawn a, mipa tana nungchang eiawm loh tak Ronaldo te ang tan chuan chance a chhe lutuk tlat.
Khelh that dan inang vek, record inang vek ni ta se,.. Paul Shcoles, Iniesta, Benzema, Solskjaer, etc etc te ho hian vote chu an hmu tha duh berin ka ring.
Iniesta hian he award hi a phu ngawih ngawih a, mahse, Ronaldo leh Messi te dawn khalh tur erawh chuan a phu zan em? tih hi ka zawhna chu a ni. Engpawh nise, he lawmman dawngtu hi chu Europe-ah a thiam ber tihna a ni mai. Congrats Andres
Messi an a dawng loh phawt chuan tawkl.
A phu hlawl lo tih chi chu ni lo mahse, Messi leh Ronaldo te dawng khalh tur em em chuan a che tha vak bik in ka hre hran lo. Pawilo e, Messi an a dawng chuang hleinem, lawm tawk viau, Ballon d’or chu Ronaldo ta.
Pakhatna em2 hi chu a phu ka ti chiahlo,top 3 a inlan ve erawh a phu ve viau,Vote a hmu tlem bik awmsia a tling awm chuang silo ti hian anlo vote vel mai2 ange,hahahaa
A awm tho mai..
messi hian euro kha khel ve se…..chance a nei tha viau lo maw?
Iniesta hi cu a nugchag lh a ce vel hrim2 a entwn tlak khop my,k ngaisan jog tak a ni
An pa 3 hian ding dun ta se duh thlang tur ni ila, kan team a khel turin, lniesta hi kan thlang nuhnung ber ang ka ring.hehe
Messi leh Ronaldo te’n dam tluan pangaia season an hman theih lai chuan tuma dwn ve phakloh turah ka ngai tlt twha,aropui e,a lwmpuiawm bwk,a phu ve bwk
@lrm _ a hnuaia khu a a awm tawh khu..predict ve vat2 rwh 🙂
Euro kum a ni bawk a, a phu e… Messi leh Ronaldo te ringawt dawn tura lo dah rikngawt hi chu a ninawm ve alawm….
A phu ve viau tho e…..
Bpl predict na h inva rawn ti har v thursday xanah inti sia k lo ngai chang reng asin!
a dawnglo ang tih ka hlau ltk a..Sap ho nge nge hi chu an lo fing teh e!! kan van lawmpui tak!! pet goal ringot hi nilo, pet goal bak ah siam thei hi an paiwmawh!
an thlan dan hi mak tei mang e….mahse messi an a don loh hrim2 cuan ka lawm tok thove….