Chelsea-in UEFA Champions League (UCL) final an lut a, champion pawh an tum khawp mai. A bikin Chelsea tan kumin UCL final phei hi chu a pawimawh lehzual dawn a, champion turin an theihtawp an chhuah a ngai dawn a ni. Achhanchu Barclays Premier League (BPL) table-ah parukna anni mek a, hei vang hian an champion loh chuan nakum UCL an khel thei dawn lo a ni.
Zawhna tam tak kan dawng a. Chelsea hi champion ta se, palina ni lo bawk se English club 5 in UCL an khel dawn em ni tih hi tunlai football fans te zawhna tam tak a ni. Chuvang chuan mumal takin UCL leh UEFA Europa League (UEL) khel thei chin leh khelh theih dan kan tarlang dawn a ni.
Hetiang ang hi 2005 khan a thleng tawh a. Liverpool kha UCL-ah an champion a, League-a erawh pangana an ni a, mahse UEFA chuan defending champion khelh tir loh chu niin a hre si lova, England chuan quota 5 ngawt a neih phah anih kha. Khami tuma champion Chelsea leh runners’ up Arsenal te’n group stage an khel a. Pathumna Manchester United leh palina Everton te’n third qualifying round an khel a, Liverpool erawhin first qualifying round atang an khel thung a ni. Hemi anih avang hian UEFA lam chuan dan mumal tak a siam a ni.
Entirnan Chelsea kan hmang ta sa sa, Chelsea bawk hi hmang chhunzawm leh mai ang. I lo zirchiang dawn teh ang.
Chelsea hi UCL-ah champion mah se English club tan seat 4 tho…
Zawhna ngai bawk, Chelsea hi UCL-ah champion ta se, BPL table-ah pangana leh aia hniam-ah lo awm ta se English club 5 ngawtin UCL an khel thei dawn em ni tih hi tunlai zawhna tam ber a ni. A hnuaiah hian kan chhang ang.
UCL-ah an champion phawt chuan season tharah UCL an khel thei dawn a ni. Chelsea hi pangana leh aia hniama an awm anih paw’n UCL an khel thei tho ang. UEFA lam chuan defending champion chu an ram quota-in khel thei lo mah se an champion phawt chuan direct-a an khelh a phalsak a ni. Mahse table-a palina erawhin UCL hi a khel thei lo thung ang.
Entirnan BPL top 3-ah hian Manchester United, Manchester City leh Arsenal te lo awm ta se, palinaah hian Spurs lo awm ta bawk se. Top 3 leh Chelsea (an vaiin team 4) te hian UCL an khel ang. Spurs erawhin an khel thei lo thung ang.
Chelsea hi UCL-ah champion lo ta se…
Chelsea hi an champion lo anih chuan season thara UCL khel tur chuan top 4 ah in hlankai a ngai dawn a ni. Top 4-a an awm lo anih chuan season tharah UCL an khel thei lovang. Tun dinhmunah chuan Manchester United leh Manchester City te hi chu an tling chiang tawh a. Arsenal, Tottenham, Newcastle leh Chelsea te hian top 4-a awm an inchuh dawn a ni. Top 3 te hian direct-in group stage an lut ang a, palina erawhin group stage khel turin play-off an khelh angai dawn a ni.
( chhunzawm tur..)
cialis coupon walmart
buy cialis canada
Brand name cialis
How to buy cialis in canada
thanks macha
Heti hi chuan a fiah ta khawp mai. Good post macha
good post
@cleverely : dik chiah.. hah takin palina nih tumin an bei a, champion in an chhuhsak daih te chuan a thanat thlak dawn e UEFA lam hian dan thar hi siam se atha zawkin ka hria.
Good post. a chiang kek kawk khawp mai..
A ho e, Quota panga pawh nise nge pawi, hah takin palina nih tumin Spurs Newcastle etc ten an lo bei ve a, mahse palina pawh ni phak lo Chelsea UCl ah an champion vangin an khel deih a, champion berin han khelh loh chu awm lo ve tho mahse palina nih tum ho te hi an hahthlawn mai dawn tihna ni maw….
Chu2 lawm, Spurs leh Newcastle hi chuan Bayern an tan bur ang 🙂
Bengvarthlak hle mai. Spurs chuan Chelsea chu an tan lo kher ang chu.
@dustin : chu2 lawm. UEFA rules hi chu keichuan ka duh lo bur.. ram quota khawih buai lo turin siam ve mai tur nia.. mahse UCL champion thei chu top 4-a lan awm tak pawh hi a nia. BPL team te hi top 4 lang lova final luh an hrat riau mai, tan la tura hrilh an ngai a ni. hahaha
Newcastle leh Spurs chuan Bayern Munich an va tan hmel mai vele 🙂 A bengvarthlak khop mai Tv.Zamtea nge2… Mahse, keichu he dan hi ka duhdan a nilo khop mai. UEFA hian direct a khelh a phalsak ro2 chuan an ram quota a siamsak va tih chingpen sak kha a tullo khop in ka hria. Champion club nei tu leaque te vanneih kum atan puan sak mai se tha tur a ni. Leaque leh Leaqe inelna a vawrh sang lehzual soh tur a nia….