UEFA Europa League (UEL) ve thung aw…
England hian quota 3 an nei a. FA Cup champion-in group stage an lut a, BPL-a pangana-in Play-off an khel ang a, Carling Cup champion-in qualifying third round an lut thung ang.
FA Cup final-ah Chelsea leh Liverpool an intum dawn avangin, UEL qualify dan pawh hi sawizau deuh a ngai dawn a ni. Achhanchu Liverpool hi Carling Cup champion an ni tawh a, UEL chu an qualify tawh a. FA Cup an champion leh thei bawk a. Chuvang chuan Liverpool hi FA Cup-ah hian an champion emaw champion lo emaw hrethiam lo kan awm takin kan zirchiang leh dawn a ni.
Chelsea hi UCL leh FA Cup-ah champion ta se…
Chelsea-in UCL an khel ang a, FA Cup quota erawh table-a sang hnenah an hlanchhawng dawn a ni. Liverpool chu Carling Cup quota-in UEL an khel ang.
Chelsea hi UCL-ah champion-in FA Cup-ah erawh champion ta lo se…
Chelsea-in UCL an khel ang. Liverpool hi Carling Cup champion an ni a, FA Cup-ah hian an champion leh bawk chuan FA Cup quota zawk an hmang ang a, Carling Cup quota erawh UCL khel lo table-a sang hnenah hlanchhawn a ni ang.
Chelsea hi UCL-ah champion lo se, FA CUP-ah champion se, BPL table-ah palina ni ta se...
Final-ah chak lo mah se Premier League quota-in Chelsea-in UCL an khel ang. FA Cup quota erawh UCL khel lo table-a sang hnenah hlanchhawn a ni ang. Sawi tawh angin Liverpool chu Carling Cup quota-in UEL an lut tawh tho a ni.
Chelsea hi UCL-ah champion lo se, FA Cup-ah champion se, BPL-ah pangana ni ta se…
Chelsea-in UCL an khel thei lovang. FA Cup quota-in UEL erawh an khel ang a, Liverpool-in Carling Cup quota an hmang ang a, BPL table-a parukna-in UEL an khel thei bawk ang.
Chelsea hi UCL leh FA Cup-ah champion lo se, BPL-ah palina/pangana emaw parukna lo ni ta se…
BPL-ah palina annih chuan Chelsea-in UCL an khel ang a. Liverpool-in FA Cup quota-in UEL an khel ang a, quota dang pahnih erawh UCL khel lo table-a sang pahnih hnenah hlanchhawn a ni ang.
Table-ah pangana emaw parukna annih hlauh chuan Chelsea-in UCL khel lovin UEL an khel ang a, Liverpool chuan FA Cup quota-in UEL a khel ang a, Carling Cup quota chu table-a sang dang hnenah hlanchhawn a ni ang.
Chelsea hi UCL leh FA Cup-ah champion ta lo se, BPL-ah pasarihna emaw a aia hniamah awm ta bawk se…
Chelsea-in UCL an khel lovang. Top 4 te’n UCL an khel ang a, Liverpool-in FA Cup quota-in UEL an khel ang a, quota dang pahnih erawh table-a sang dang pahnih hnenah hlanchhawn a ni ang.
Mahse Chelsea hian UEL khel turin chance pakhat an la nei a ni. Chu chu ‘fair play’ award hmangin a ni. UEFA hian ram hrang hrang tan fair play ranking a siam thin a, association sang pathum te chuan fair play award hmang hian UEL an khel thei dawn a ni. Top 3-ah FA (Football Association) an awm ve anih chuan an league-a fair play award dawngin UEL a khel thei dawn a ni.
cialis prices
cialis from india
cialis online canada
generic cialis
Buy discount viagra online
Buy viagra australia
Nia a kimchang tah khawp mai…
ka fing leh ta sawt mai! Good post!
Va fiah tha kawk2 ve. Good post.. chuan ‘Fair play’ quota khi ka lo la hre ngai miahlo aa. bengvarthalk
haha. a chiang lutuk a, i bo zawk nimaw chu @dustin 🙂
Tv. hmeltha Zamtea nge2, a fiah lutuk a ka bo lek lek zok a ni.. 🙂 VGP
A chiang fek fok hle mai alawmawm thin e.
A chiang ta fekfawk hle mai.. Chelsea an champ lo ve ve chuan Liverpool qoata in Europa an khel thei dawn a nih hmel chu a..hihi