Champions League Group Stage game hnih na zan khatna khelh zawh a ni leh ta a, England ram a hnehloh neilo Man Utd leh Man City ten UCL lam ah chuan match hnih khelh tawh ah hneh an la neilo thung!!! Chutih laiin Real Madrid,Napoli,Inter Milan,benfica leh Lyon ten an khing pui ten an hneh vek thung.

Man Utd 3-3 Basel :

Rooney tel lohna Manchester United in home ah competition hrang hrang a game 20 lai mai chakloh leh draw nei tawh lo a an kal tluan na chu Swiss club tha Basel in an tihtawp sak a, Man Utd home Old Trafford ah hian season hmasa UCL a Valencia in an draw hnuah an tumpui te an la hneh vek a ni. Game inhneh tawk tak ah Man utd naupang damkawr Welbeck chuan min 16 leh 17 na ah a khung a, he goal hi A Frei chuan min 58,60 leh 76(pen) ah te chhang let in mikhual lam hi chak tawh mai tur a ngaih an nih laiin min 90 ah A Young chuan man utd tan a head goal a,an in draw hram ta a ni. An group ah hian Otelul Galati in 0-1 in Benfica an hneh lo va, Man Utd hi 3-na ah an awm rih a ni.

Bayern Munich 2-0 Man City :

Mario Gomez goal hnih min 38 leh 45 hmang in Bayern Munich in Man City an hneh lo va, Joe Hart chetha hle mahse Bayern attacking game ropui tak leh City palyer inlungrual loh tuar in City an chak lo. Man City khaipa tunlai a bench luahlum reng mai C Tevez chu substitute tur in Mancini in a ti a mahse a lut duhlo! City boss a thinrim hle a Ka thu chu ni se City ah hmalam hun a nei tawh lo, ka theih tawp in a mah ah hian ka inphahhniam thin tawh a,mahse ka paldai thei tawh lo, club hruai tu te hnen ah thil awmdan ka sawi pui ang a ti. Man City hian khelh hmasak ah Napoli an draw tawh a an group ah point 1 hmu in pa3-na an ni mek a ni.

Inkhel Result dang :

Champions League – Group A
Bayern Munich 2 – 0 Manchester C.
Napoli 2 – 0 Villarreal

Champions League – Group B
CSKA Moscow 2 – 3 Inter Milan
Trabzonspor 1 – 1 Lille

Champions League – Group C
Manchester U. 3 – 3 Basel
Otelul Galati 0 – 1 Benfica

Champions League – Group D
Lyon 2 – 0 Dinamo Zagreb
Real Madrid 3 – 0 Ajax Amsterdam