Warning: include_once(/home/content/10/8095610/html/wp-content/plugins/wp-super-cache/wp-cache-phase1.php): failed to open stream: No such file or directory in /home/content/10/8095610/html/wp-content/advanced-cache.php on line 8

Warning: include_once(): Failed opening '/home/content/10/8095610/html/wp-content/plugins/wp-super-cache/wp-cache-phase1.php' for inclusion (include_path='.:/usr/local/php5_6/lib/php') in /home/content/10/8095610/html/wp-content/advanced-cache.php on line 8
UEFA Champions League: Spanish champion 3 – 2 English champion – ZoFooty

UEFA Champions League: Spanish champion 3 – 2 English champion

Thawhlehni zana UEFA Champions League match hmuhnawm takah La Liga champion Real Madrid chuan an mikhual, Barclays Premier League champion Manchester City chu 3-2 in an hneh a, Group D hmahruaitu an ni mek. He inkhelah hian Manchester City in Edin Dzeko leh Kolarov te goal thun hmangin ṭum hnih ngawt hma an hruai a, mahse Real Madrid hian Marcelo, Karim Benzema leh Cristiano Ronaldo te goal hmanga chhangletin an chak ta zawk a ni.

Tuteng khel?

Inkhelh hmain Real Madrid manager Jose Mourinho chuan a naute a dim lo hle mai a, player pahnih pathum chu football aia thildang ngaihtuah zawk ah puhin, a player te chu team anga an khelh loh thu a sawi hial. Man City hmachhawn tur hian a player te pawh a siksawi nual reng a, first XI a lut ṭhang Sergio Ramos leh Mesut Ozil te aiah defender kum 19 a upa Raphael Varane leh midfielder thar Michael Essien te an lût.

Roberto Mancini pawhin Europe-a club ṭha ber pakhat an tlawh dawn tih hriain midfield a ngaipawimawh a, Yaya Toure, Gareth Barry leh Javi Garcia te a luhtir. Chu ai maha mit la zawk chu defence ah Joleon Lescott aia Matija Nastasic a luhtir hi a ni awm e.

Real Madrid (4-3-3): Casillas; Marcelo, Varane, Pepe, Arbeloa; Khedira (Luka Modric 73′), Alonso, Essien (Ozil 69′); Cristiano Ronaldo, Higuaín (Benzema 73′), Di María.

Man City (4-3-3): Hart; Clichy, Kompany, Nastasic, Maicon (Zabaleta 74′); Toure Yaya, Barry, Garcia; Silva (Edin Dzeko 63′), Nasri (Kolarov 36′), Tevez.

Goal awm lohna first half

Inkhel an ṭan a, beisei ang ngeiin mual neitu lamin inkhel an thunun a, mahse first half ah hian goal hlauhawm tak a awm mang lo. Real Madrid goal nawr a na zawk a, Man City defender te hmaah ball an inpekual a, mahse hlauhawm taka ball lakluh an nei tlem hle. Penalty box pawn aṭangin an shot nasa a, ṭumhnih vel Ronaldo long shot  ṭha zet zet a Joe Hart-a’n a lo dang chu a uihawm zual a ni.

Manchester City hian ball an chang thei lo a ni lo a, an ball chan chhunah Real Madrid penalty box an thlengphei hleithei lo ṭhin zawk a ni. Real Madrid veilama Marcelo leh Ronaldo te inkawp chuan vawi duai lo Maicon an timualpho a, dinglama di Maria ball khalh chu hmuhnawm tham a ni bawk. Midfield-ah Khedira chuan David Silva a veng hneh thawkhat a, Alonso passing ṭhat zia kan hmu bawk. Manchester City player zingah Yaya Toure a khel ṭha ber a, midfield aṭanga ball a tlanpui ṭhin chu Madrid player ten dan ngaihna an hre lo a ni ber.

Minute 23 ah hnai set sawt aṭangin Khedira chuan a pet over a. Minute 40 na-a tawp dawna di Maria cross ṭha zet, Higuain pet over kha first half-a goal chance ṭha ber a ni mai awm e.

Second half ah goal a sûr e

Club lian pahnih inkhelah chuan first half aiin second half hi a hmuhnawm tlangpui ṭhin a, Santiago Bernabeu ah pawh hian a hmuhnawm tur zawnga zawng a tawpah an khêk emaw tih tur a ni. Second half-ah Man City in hma an sawn a, an goal nawr pawh a hlauhawm sawt a, goal pawh an thun hmasa zawk. Minute 69 a Marcelo ball pass chhe zet chu Yaya Toure chuan lo changin, Tevez nen nalh taka an in one-two hnuah a tlanpui a, subsitute Dzeko pe pheiin a ni hian awlsam takin a pet goal. Minute 75 na-a Yaya Toure chance ṭha lutuk kha thun se inkhel result a danglam ngei ang.

Real Madrid Marcelo goal hmangin in minute 76 ah an siphurh an sût a, he Brazilian defender khel ṭha tak hian penalty box pâwn aṭangin mawi zetin a pet goal. Real an phûr lai takin, minute 85 ah Kolarov chuan freekick aṭangin a thun a, he goal hi Casillas leh Alonso te inrinthul vanga lût a tih theih awm e. Minute 2 a ral leh a, Benzema chuan Real Madrid tân a pe goal ve lehnghal. Hemi minute 10 chhung hian team pahnihten chance an inneihchhawk deuh reng a, he inkhela a hmuhnawm lai ber a tih theih awm e.

Hun pangngai a zo ṭep tawh a, minute 90 ah Ronaldo chuan veilam aṭanga ball lalûtin goal ah a pet a, keeper Joe Hart hma chiahah sawtin a goal. Hei hi he inkhel-a Ronaldo shot vawi 10 na chiah a ni nghe nghe. Hun a tawp zui a, Matchday 1 a inkhel nghahhlelhawm ber ah Real Madrid an chak ta zawk a ni. Ronaldo pawhin a goal thun a lâwm (celebrate) ta e.

Sawizui ila

Real Madrid hmatawng hi an khelh ṭhat phawt chuan eng defender pawh suhawng thei tur khawpa ṭha an ni a, Man City captain Vincent Kompany khati taka a khel chhia pawh kha thilmak a ni lem lo. Inkhel tawplamah Angel di Maria ball khalh aropui ṭhin a, inkhel pumpui thlir chuan mual neitu lam hian chak an phû zawk a tih theih awm e.

Manchester City an khel chhe lo a, a bik takin Yaya Toure leh Kolarov te an langsar. Khel ṭha fal nalh awm vak si lovin an khawng em em vek a, a tawpa goal hnih an chhuah erawh an ui khawp ang. Santiago Bernabeu-a Real Madrid hneh loh hi thil zahthlak a ni hran lo a, chak zawk dinhmunah an ding hman ṭhelh zawk a ni.

Inkhel hmuhnawm a ni a, a tawplam a hmuhnawm lehzual.

 

6 thoughts on “UEFA Champions League: Spanish champion 3 – 2 English champion

  1. Ka thlirna mit atang chuan Manchester City kha khel tha ka ti theilo. Goal ti lut hmasa lo phei se chuan an che chhe leh zualin ka ring. An pet goal atang khan an muhil an harh ve chiah zawka, inkhel a hmuhnawm tan chauh ka ti.

  2. City ho chuan an chai thei phian mai a, mahse an tumpui te hi Real leh Ronaldo te an ni miau a, an hneh lo hi thil zahthlak ani lem lo. An khel tha thawkhat viau a lawm le.

  3. Nia, City an khel chhe hran lo. Maicon erawh Ronaldo a veng hneh lo takzet a ni. Aguero han dam ver vawr se Etihad Stadium-a an intum hun tur a nghahhlelhawm khawp mai.

  4. 1st..1st half kha cu hmuhnwm lutuk loh in ka hria..an camera dahna ahniam ge kan phei en lutuka en a hahthlak deuh..2nd half zet kha cu ahmuhnwm ta thlwt..city an tichhe hranin ka hrelo..

Leave a Reply

Or

UEFA Champions League: Spanish champion 3 – 2 English champion

Thawhlehni zana UEFA Champions League match hmuhnawm takah La Liga champion Real Madrid chuan an mikhual, Barclays Premier League champion Manchester City chu 3-2 in an hneh a, Group D hmahruaitu an ni mek. He inkhelah hian Manchester City in Edin Dzeko leh Kolarov te goal thun hmangin ?um hnih ngawt hma an hruai a, mahse Real Madrid hian Marcelo, Karim Benzema leh Cristiano Ronaldo te goal hmanga chhangletin an chak ta zawk a ni.

Tuteng khel?

Inkhelh hmain Real Madrid manager Jose Mourinho chuan a naute a dim lo hle mai a, player pahnih pathum chu football aia thildang ngaihtuah zawk ah puhin, a player te chu team anga an khelh loh thu a sawi hial. Man City hmachhawn tur hian a player te pawh a siksawi nual reng a, first XI a lut ?hang Sergio Ramos leh Mesut Ozil te aiah defender kum 19 a upa Raphael Varane leh midfielder thar Michael Essien te an lût.

Roberto Mancini pawhin Europe-a club ?ha ber pakhat an tlawh dawn tih hriain midfield a ngaipawimawh a, Yaya Toure, Gareth Barry leh Javi Garcia te a luhtir. Chu ai maha mit la zawk chu defence ah Joleon Lescott aia Matija Nastasic a luhtir hi a ni awm e.

Real Madrid (4-3-3): Casillas; Marcelo, Varane, Pepe, Arbeloa; Khedira (Luka Modric 73′), Alonso, Essien (Ozil 69′); Cristiano Ronaldo, Higuaín (Benzema 73′), Di María.

Man City (4-3-3): Hart; Clichy, Kompany, Nastasic, Maicon (Zabaleta 74′); Toure Yaya, Barry, Garcia; Silva (Edin Dzeko 63′), Nasri (Kolarov 36′), Tevez.

Goal awm lohna first half

Inkhel an ?an a, beisei ang ngeiin mual neitu lamin inkhel an thunun a, mahse first half ah hian goal hlauhawm tak a awm mang lo. Real Madrid goal nawr a na zawk a, Man City defender te hmaah ball an inpekual a, mahse hlauhawm taka ball lakluh an nei tlem hle. Penalty box pawn a?angin an shot nasa a, ?umhnih vel Ronaldo long shot  ?ha zet zet a Joe Hart-a’n a lo dang chu a uihawm zual a ni.

Manchester City hian ball an chang thei lo a ni lo a, an ball chan chhunah Real Madrid penalty box an thlengphei hleithei lo ?hin zawk a ni. Real Madrid veilama Marcelo leh Ronaldo te inkawp chuan vawi duai lo Maicon an timualpho a, dinglama di Maria ball khalh chu hmuhnawm tham a ni bawk. Midfield-ah Khedira chuan David Silva a veng hneh thawkhat a, Alonso passing ?hat zia kan hmu bawk. Manchester City player zingah Yaya Toure a khel ?ha ber a, midfield a?anga ball a tlanpui ?hin chu Madrid player ten dan ngaihna an hre lo a ni ber.

Minute 23 ah hnai set sawt a?angin Khedira chuan a pet over a. Minute 40 na-a tawp dawna di Maria cross ?ha zet, Higuain pet over kha first half-a goal chance ?ha ber a ni mai awm e.

Second half ah goal a sûr e

Club lian pahnih inkhelah chuan first half aiin second half hi a hmuhnawm tlangpui ?hin a, Santiago Bernabeu ah pawh hian a hmuhnawm tur zawnga zawng a tawpah an khêk emaw tih tur a ni. Second half-ah Man City in hma an sawn a, an goal nawr pawh a hlauhawm sawt a, goal pawh an thun hmasa zawk. Minute 69 a Marcelo ball pass chhe zet chu Yaya Toure chuan lo changin, Tevez nen nalh taka an in one-two hnuah a tlanpui a, subsitute Dzeko pe pheiin a ni hian awlsam takin a pet goal. Minute 75 na-a Yaya Toure chance ?ha lutuk kha thun se inkhel result a danglam ngei ang.

Real Madrid Marcelo goal hmangin in minute 76 ah an siphurh an sût a, he Brazilian defender khel ?ha tak hian penalty box pâwn a?angin mawi zetin a pet goal. Real an phûr lai takin, minute 85 ah Kolarov chuan freekick a?angin a thun a, he goal hi Casillas leh Alonso te inrinthul vanga lût a tih theih awm e. Minute 2 a ral leh a, Benzema chuan Real Madrid tân a pe goal ve lehnghal. Hemi minute 10 chhung hian team pahnihten chance an inneihchhawk deuh reng a, he inkhela a hmuhnawm lai ber a tih theih awm e.

Hun pangngai a zo ?ep tawh a, minute 90 ah Ronaldo chuan veilam a?anga ball lalûtin goal ah a pet a, keeper Joe Hart hma chiahah sawtin a goal. Hei hi he inkhel-a Ronaldo shot vawi 10 na chiah a ni nghe nghe. Hun a tawp zui a, Matchday 1 a inkhel nghahhlelhawm ber ah Real Madrid an chak ta zawk a ni. Ronaldo pawhin a goal thun a lâwm (celebrate) ta e.

Sawizui ila

Real Madrid hmatawng hi an khelh ?hat phawt chuan eng defender pawh suhawng thei tur khawpa ?ha an ni a, Man City captain Vincent Kompany khati taka a khel chhia pawh kha thilmak a ni lem lo. Inkhel tawplamah Angel di Maria ball khalh aropui ?hin a, inkhel pumpui thlir chuan mual neitu lam hian chak an phû zawk a tih theih awm e.

Manchester City an khel chhe lo a, a bik takin Yaya Toure leh Kolarov te an langsar. Khel ?ha fal nalh awm vak si lovin an khawng em em vek a, a tawpa goal hnih an chhuah erawh an ui khawp ang. Santiago Bernabeu-a Real Madrid hneh loh hi thil zahthlak a ni hran lo a, chak zawk dinhmunah an ding hman ?helh zawk a ni.

Inkhel hmuhnawm a ni a, a tawplam a hmuhnawm lehzual.

 

Leave a Reply

Or