UEFA in Manchester City sum hmuhdan a chhui dawn

Tunhnaia sum hmang nasa tak Manchester City chuan football kaihnawih aiin sponsorship lamah sum an hailut hnem zawk hle a. Abu Dhabi lam mi hausa te’n an lei hnuah phei chuan Real Madrid an entawn emawni tih mai turin player larte sum tam takin an thlem a, player tha tam tak lungnilo takin an siam tel bawk. Hlawh sang tak pe mahse khelhna hun an pe tlem a. Player tam takte hi an nih tur ang an ni phalo tih chu kan hre vek awm e.

Manchester City stadium ‘Eastland’ ni thin kha ‘Etihad’ tih a ni tawh dawn a. Hetianga a hming thlaknaah hian club hian Etihad neitupa Emir of Abu Dhabi, Sheik Khalifa hnen atangin cheng pound maktaduai 400 vel an dawng nia sawi a ni. Hetiang ang sponsorship uchuak lutuk hi UEFA lam ngaihdan anilo hle a. UEFA hnuaia Independent Club Financial Control Panel in an chhui dawn a ni. Manchester City hmelma club liante pawhin UEFA hi an nawr nasa hle a, Etihad neitupa hi Manchester City neitupa Sheik Mansour ani nghe nghe a ni. Hei hian sawi a ti tam leh zual a, Etihad hi thlawhtheihna a mi phur thin sum lama hlawk tak anni lova. Kum 2003 a din anih atang khan hlawkna an la tello nia sawi a ni. Hei hi UEFA rinhlelh chhan ni a sawi a ni.

Manchester City hi tunhnaiah pawh sum an hmang nasa leh hle a. An player tangkailo hlawh thahnem tak la te hi hralh chhuahna tur an hmu meuhlo a ang. America lam an zin na tur ah pawh hian Jo, Craig Bellamy, Wayne Bridge-te hruai annih ve loh bakah Emmanuel Adebayor chu America an panniah chauh club zawm tura hrilh ani awm e.

Michel Platini, UEFA President in sum veivak nasa lutuk lakah football chhanhim a tum laia hetianga thil thleng hi UEFA chuan a rang thei ang bera hma a lak rin a ni. Manchester City hian thiamloh an chang anih chuan an manager Roberto Mancini in season thar atana inbuatsaih nana a in ruahmannate chu a thlawn thei dawn niin a lang.

15 thoughts on “UEFA in Manchester City sum hmuhdan a chhui dawn

  1. Tuna lal nih duh tawh a, chhiahhlawh ah trang leh phawt rawh intih ang vel a ni. City lo lian tur hi club lian ho tho bawkin ania lo er ni. UEFA hian club lian an pun belh hi lawm zawk awm tak a nia sin mole.

  2. Etihad hi a let zawng chuan dahite.. united hi a let zawng chuan detinu. a va han inhnai vai thiak2 tak em!(Off Topic mah2)

  3. Etihad hi arabic in United tihna a ni te an tih kha…ka la verify lo,ka peih lem lo bok…a nih chuan “own goal” a ni mai!! 😀

  4. Chhui sela, dik loh chuan hrem roh. SUm chelek vak2 hi anilo tih chelsea angin an la hre chho ve zel ang chu hihih( Glory, glory Man Utd)

  5. Keichu chhui tur a Om vak pon ka hrelo..EPL poh an privatise toh a..sum poh a tam tur alom..Capitalistic dik tak mole…Sum om chuan chaw poh a om tih na mai ni in ka hrya 🙂

  6. Maldive vs India chu maldive ho tv channel MNBC ONE ah an pe daih dawn. Facebookah zanin atan chiah like mai chi anih hmel.

  7. Shay Given chu Aston Villa lamah a kal dawn emaw ka ti a. City a a lut chu Joe Hart lo piang ve kher kher chuan ‘Hero to Zero’ ah a dah a nih ber hi!

  8. Shay Given pawh a awm hle hle mai..hlawh tlem zawka chhuah an duh bik silo. Hei hi ania hlawh tam tak inpek te hi a pawi na chin a awm. Club dang te’n an zo ve thin silo

  9. Sum leh Pai an che lek nasa lutuk hian English Football hi chu a dah Zero tan niin ka hria. Chhui ngei sela, diklo a awm chuan hrem nghe nghe teh se. Heti tak maia City rawn inla tha hi ka ning tlat(Red Devils Fans nih vang a ni pakhat).

Leave a Reply

Or

UEFA in Manchester City sum hmuhdan a chhui dawn

Tunhnaia sum hmang nasa tak Manchester City chuan football kaihnawih aiin sponsorship lamah sum an hailut hnem zawk hle a. Abu Dhabi lam mi hausa te’n an lei hnuah phei chuan Real Madrid an entawn emawni tih mai turin player larte sum tam takin an thlem a, player tha tam tak lungnilo takin an siam tel bawk. Hlawh sang tak pe mahse khelhna hun an pe tlem a. Player tam takte hi an nih tur ang an ni phalo tih chu kan hre vek awm e.

Manchester City stadium ‘Eastland’ ni thin kha ‘Etihad’ tih a ni tawh dawn a. Hetianga a hming thlaknaah hian club hian Etihad neitupa Emir of Abu Dhabi, Sheik Khalifa hnen atangin cheng pound maktaduai 400 vel an dawng nia sawi a ni. Hetiang ang sponsorship uchuak lutuk hi UEFA lam ngaihdan anilo hle a. UEFA hnuaia Independent Club Financial Control Panel in an chhui dawn a ni. Manchester City hmelma club liante pawhin UEFA hi an nawr nasa hle a, Etihad neitupa hi Manchester City neitupa Sheik Mansour ani nghe nghe a ni. Hei hian sawi a ti tam leh zual a, Etihad hi thlawhtheihna a mi phur thin sum lama hlawk tak anni lova. Kum 2003 a din anih atang khan hlawkna an la tello nia sawi a ni. Hei hi UEFA rinhlelh chhan ni a sawi a ni.

Manchester City hi tunhnaiah pawh sum an hmang nasa leh hle a. An player tangkailo hlawh thahnem tak la te hi hralh chhuahna tur an hmu meuhlo a ang. America lam an zin na tur ah pawh hian Jo, Craig Bellamy, Wayne Bridge-te hruai annih ve loh bakah Emmanuel Adebayor chu America an panniah chauh club zawm tura hrilh ani awm e.

Michel Platini, UEFA President in sum veivak nasa lutuk lakah football chhanhim a tum laia hetianga thil thleng hi UEFA chuan a rang thei ang bera hma a lak rin a ni. Manchester City hian thiamloh an chang anih chuan an manager Roberto Mancini in season thar atana inbuatsaih nana a in ruahmannate chu a thlawn thei dawn niin a lang.

Leave a Reply

Or