Euro Qualifying Paly-off 2nd leg khelh zawh a ni ta a, Croatia,Rep of Ireland,Cech Republic leh Portugal ten an khingpui te hneh vek in Euro 12 ah an inhlang kai. Kan hriat theuh ang in heng ram intum te hi Qaulifying Round ah Group tin a runner up ten seat 4 awl an in chuh na a ni a, draw an neih lai khan Euro Co-efficient hmang in Pot 1 leh Pot 2 awm tur thlan an ni a, Pot 1 zawng an tlang ta a,a tha zawk ram 4 an tling ti ila kan sawi sual awm lo e!!!

Team 1	Agg.	Team 2	1st leg	2nd leg
Turkey	0–3	Croatia	0–3	0–0
Estonia	1–5	Republic of Ireland	0–4	1–1
Czech Republic	3–0	Montenegro	2–0	1–0
Bosnia and Herzegovina	2–6	Portugal	0–0	2–6

Turkey in an home ah Croatia an draw an tlang zo ta lo :

Guus Hiddink a team Turkey in an home ah Croatia goal awm lo in an draw an an tum ram an thleng thei ta lo. Croatia hian 1st leg ah 3-0 in Turkey an lo hneh tawh a, mikhual ram a an tih tur chu an goal neih sa ven him a ni mai a,an duhthusam chu an puitlin ta a ni. He inkhel ah hian Turkey in theih tawp an chhuah tak meuh meuh a Altintop leh Kazim Richards ten chance an neih an khung lo a, chutih laiin Croatia tan Olic in clear chance a hmuh a khung lo bawk. Midfiled ah Croatia thiampuipa Modric a tal na hle bawk a. Euro 08 ah England hnawtchhuak tu Croatia team work a tha a, Euro 12 ah kan thlir leh thei dawn ta.

Czech Republic in Euro 12 ticket a la thei ta :

Euro tournament ah hi chuan Czech Republic hi kan hmuh ve deuh ziah bak ah, team tha pawl an ni ve ziah thin tih kan hre theuh awm e, vawi 5-na a zawn a khel tur in an rawn in hlang kai leh ta.Czech Republic hian 1st ah 2-0 in an lo chak tawh sa a, beiseina sang tak nei chung in Montenegro an lo mikhual a, min81 ah Jiracek chuan Czech tan ti goal in 3-0 agg in an chak ta a ni.

Rep of Ireland an lokir leh ta :

Football tuichilhna ram amaherawh chu tournament lian tling phak lo chiah chiah thin, World Cup 10 ah phei chuan France nen inkhel a sawi hlawh tak Henry ben goal vang a tlang zo ta lo Ireland team chuan Euro 12 an khel ve thei dawn ta. Given,Duff leh Keane te an lawmpui awm a,tleirawl rual an nih lai World Cup 2002 atang a thlir phei chuan atan hun hnunghung lawmawm a ni ngei ang. Euro ah bik phei chuan 1988 kum a an khelh bak an la chhunzawm leh lo hrim hrim a ni. He inkhel ah hian Ireland captain Keane in cleare chance vawi 2 a hlauh a, Estonia lam pawh in chance an nei nual. Wolverhampton left back Premier Legaue ah pawh ti goal thei tak Ward chuan Ireland tan min 31 ah a pet goal a, Given a tihsual zar zo in Vassiljev chuan Estonia tan a ti goal a 1-1 in an inhnehtawk a, agg ah 5-1 in Ireland an chak ta a ni.

Portugal a tawp ah an pawr hle!!!:

Portugal in an home ah 6-2 in Bosnia an lo sawp a Euro 12 khel tur in an tling tawk tih an lantir. 1st leg ah goal awm lovin Bosnia ram ah an lo inhneh tawk tawh a, Portugal ram a khelh ah chuan a dang ta!! Ronaldo,Postiga ten goal 2 ve ve an khung a, Nani leh Veloso in an khung bawk. Bosnia lam ah Misimovic leh Spahic ten goal an khung ve bawk a. A tir ah inhneh tawk viau mahse Bosnia lam ah Lucic chuan tul lo tak inred card a hmu a, hei hi tuar in goal an veng hiom zo ta lo a ni.portugal hian a zawn in vawi 5 Euro hi an khel dawn ta a ni.

Team 16 tel tur a qualify te chu :
Poland (co-hosts)
Ukraine (co-hosts)
Spain (holders)
Croatia
Czech Republic
Denmark
England
France
Germany
Greece
Italy
Netherlands
Portugal
Republic of Ireland
Russia
Sweden

Kyiv ah 2 December 2011 ah draw neih a ni ang a. Tournament hi 6 June 2012 leh 1 July 2012 inkar a khel tur a ni.