UEFA Hnuaia Sum leh Pai Léngvêl Thlirna

Season liamtaah Chelsea chu UEFA Champions League champion an ni a, pound maktaduai 50 dawn lai an hlawh bawk a, Chelsea hian sum leh pai an ngah tih hi zep rual a ni lo.

Chelsea hian Champions League-a an hlawh hi Eden Hazard, Marko Marin leh Kevin de Bruyne te lei nan tangkai takin an hmang a nih kha.

Champions League-ah hian pawisa a tam an ti teh fo va, engzat chiah nge maw awm le? tih hi kan zawhna a ni awm e. Chu zawhna chu chhan i’n tum dawn teh ang.

Champions League 2012 khel phâk club zawng zawng (32) insem turin Prize money chu pound maktaduai 595 a awm a. Champion team Chelsea chuan pound maktaduai 47.3 an hlawh a. Champion zo ta lo Bayern Munich khan pound maktaduai 33 an hlawh thung a ni.

Kan hriattthiam theih zawk tâkin, US dollar hmangin sawi ta ila. USD 1 hi India pawisain Rs. 55.33 (19/7/2012) a ni a, India pawisaa an dawn zât chu kan lo chhût chhuak ve tawh mai dawn nia.

Chelsea sum dawn zat hi dollar chuan maktaduai 73.1 a ni a. Bayern dawn zat pawh hi dollar maktaduai 50.9 lai a ni. Bayern hian Champions League hi play-off atanga an khelh avangin finalist an nih vanga an dawn bâkah hian pound maktaduai 2.6 an dawng bawk.

Final thleng zo ve ta lo Barcelona chuan dollar mtd. 49.5 an hlawh a, AC Milan-in dollar mtd. 48.7 an hlawh ve thung.

Manchester United chu last 16 an thleng lo na a, dollar mtd. 43 an hlawh a, Europa League an khelh ve zuai khan dollar mtd. 1.5 an zuk hlawh hman bawk.

UEFA chuan Champions League khel phak hrim hrim club-te hi dollar maktaduai 8.8 a pe vek a. An chak apiangin bonus a pe chho zel  a. Season liamtaa Champions League khel phak zinga hlawh tlem ber chu Dinamo Zagreb an ni a. An group match zawng zawngah an chak lo vek a, chuti chung chuan dollar maktaduai 10 an la hlawh tho maw le!

UEFA hian Champions League atang hian season khatah dollar tluklehdingawn 1.63 vel a hmuchhuak a, kum thum chhung vel chu a sum hmuh hi a la sang zel dawn niin an chhût bawk.

Sawi law law ang – Europa lam pawh hi a zia ve tho, Champion Atletico Madrid khan dollar maktaduai 12.8 an hlawh a ni.

Sum leh pai chu a tam thawkhat tih a hriat a. UEFA hnuaia club inziaklût 200 te hian kum tin tanpuina dollar maktaduai 3 tal an dawng ngei ngei vek a ni!

16 thoughts on “UEFA Hnuaia Sum leh Pai Léngvêl Thlirna

  1. Pingback: cialis 20 mg
  2. AC Milan tih ai khian Real Madrid tih zawk tur ni lo maw, UCL chu a lo hlawk khawp mai, a hlawh tlem ber Dinamo leh Europa champion Atletico hlawh chu a inang vel reng chu nih khi.

  3. @Ruatsaka, nia kei pawh ‘ka duh aiin’ ve tho. Mahse, kan duh dana thle tur kha a ni lo va..a thle nalh ti riau pawh an lo awm thei – kan hre lo… 😀

  4. Ka buai deuh a, ka post pawh ka vil hman lo. Kei aia hre zawkte pawhin ngaihnawm tih hmel taka in han comment der vel hi chu a nuam angreng thin 🙂 MPL review-a tlangval hmeltha, fresh leh zei tak mai 😀 han hmuh hi chu a nuam thin e… Tiraw, Rameng? 😀

  5. Sum che vel a tam tham hle mai. UEFA hian FIFA hi sum ngah lamah a khûm loh pawhin a tluk thuak tawh ang a? Champions League hi a ‘hit’ thei rem rem em mai.
    Post hi a ngaihnawm vang nge, khamawm loh angreng khawp mai.

Leave a Reply

UEFA Hnuaia Sum leh Pai Léngvêl Thlirna

Season liamtaah Chelsea chu UEFA Champions League champion an ni a, pound maktaduai 50 dawn lai an hlawh bawk a, Chelsea hian sum leh pai an ngah tih hi zep rual a ni lo.

Chelsea hian Champions League-a an hlawh hi Eden Hazard, Marko Marin leh Kevin de Bruyne te lei nan tangkai takin an hmang a nih kha.

Champions League-ah hian pawisa a tam an ti teh fo va, engzat chiah nge maw awm le? tih hi kan zawhna a ni awm e. Chu zawhna chu chhan i’n tum dawn teh ang.

Champions League 2012 khel phâk club zawng zawng (32) insem turin Prize money chu pound maktaduai 595 a awm a. Champion team Chelsea chuan pound maktaduai 47.3 an hlawh a. Champion zo ta lo Bayern Munich khan pound maktaduai 33 an hlawh thung a ni.

Kan hriattthiam theih zawk tâkin, US dollar hmangin sawi ta ila. USD 1 hi India pawisain Rs. 55.33 (19/7/2012) a ni a, India pawisaa an dawn zât chu kan lo chhût chhuak ve tawh mai dawn nia.

Chelsea sum dawn zat hi dollar chuan maktaduai 73.1 a ni a. Bayern dawn zat pawh hi dollar maktaduai 50.9 lai a ni. Bayern hian Champions League hi play-off atanga an khelh avangin finalist an nih vanga an dawn bâkah hian pound maktaduai 2.6 an dawng bawk.

Final thleng zo ve ta lo Barcelona chuan dollar mtd. 49.5 an hlawh a, AC Milan-in dollar mtd. 48.7 an hlawh ve thung.

Manchester United chu last 16 an thleng lo na a, dollar mtd. 43 an hlawh a, Europa League an khelh ve zuai khan dollar mtd. 1.5 an zuk hlawh hman bawk.

UEFA chuan Champions League khel phak hrim hrim club-te hi dollar maktaduai 8.8 a pe vek a. An chak apiangin bonus a pe chho zel  a. Season liamtaa Champions League khel phak zinga hlawh tlem ber chu Dinamo Zagreb an ni a. An group match zawng zawngah an chak lo vek a, chuti chung chuan dollar maktaduai 10 an la hlawh tho maw le!

UEFA hian Champions League atang hian season khatah dollar tluklehdingawn 1.63 vel a hmuchhuak a, kum thum chhung vel chu a sum hmuh hi a la sang zel dawn niin an chhût bawk.

Sawi law law ang – Europa lam pawh hi a zia ve tho, Champion Atletico Madrid khan dollar maktaduai 12.8 an hlawh a ni.

Sum leh pai chu a tam thawkhat tih a hriat a. UEFA hnuaia club inziaklût 200 te hian kum tin tanpuina dollar maktaduai 3 tal an dawng ngei ngei vek a ni!

Leave a Reply