Field chhungah inkhel hmuhnawm tak tak kan hmu zel a, field pawnah pawh chanchin ṭha leh ṭha lo a awm chho zel bawk. Euro 2012 ah chi leh chi inthliarna tihlanin a awm zeuh zeuh a, fans leh fans intibuai, field chhunga fireworks paihluh, banner mawi lo tar leh au dan mawi lo vang te in Euro 2012 ah ram hrang hrang football fans ten UEFA hmai an ti bal ta zeuh zeuh. UEFA chuan heng thil duhawm lo tak tak thleng fo hi a duh loh zia a tilang zel a, fans te chetdan mawi lo avangin Croatia Football Federation (HNS) chu pawisa chawi tura tih a ni a, German Football Association (DFB) pawh chhui mek niin, an thiam lo a nih chuan pawisa chawitir an ni ang.
Balotelli auhel vangin HNS a hek
June ni 14 a Italy leh Croatia an inkhelh ṭumin Croatia fans te chuan Italy striker mihang Balotelli chu a vunrawng vanga hmuhsitna thu an aukhum a, UEFA in a chhui hnuah thiam loh chantirin HNS hi a hrem ta a ni. Balotelli an auhel mai bakah inkhelh laia fireworks (halpuah leh halmawi) an an hal a, an thehdarh avangin hrem an ni bawk.
UEFA chuan €80,000 (euro singriat) chawi turin HNS hi a hrem a, hremna tihchhuah aṭanga nithum chhungin appeal an thehlut thei dawn a ni.
source: uefa.com
DFB pawh chhui mek a ni
June ni 17 a Germany leh Denmark te group stage match hnuhnung bera an intum ṭumin German fans te chetdanah UEFA chuan report a dawng a, fans chemawi lo te awmdan chhui turin committee a din tawh tih Thawhlehni (June ni 19) khan a puang. Uluk taka chhui a nih hnuah, UEFA Control and Disciplinary Body chuan June ni 23 (Inrinni) khian hrem tur nge hrem loh tur tih an ngaihtuah dawn a ni.
German fans te hian inkhelh laiin banner mawi lo tak tak, Nazi fakna rawngkai an tarlang a. Hei bakah hian Denmark players te auh nawmnahna dukdak lo tak tak chhakchhuakin, mipui zingah fireworks thehdarhin an hal bawk a ni.
Euro 2012 a fihlim lo
Match hmasa ber aṭangin buaina a awm nghal a, Russia leh Czech Republic an inkhelh ṭuma Russia fans ten buaina an siam avangin UEFA chuan pawisa a chawitir tawh a, World Cup qualifiers a point 6 paihsakah a vau nghe nghe a nih kha. Russia fans thenkhatin Czech Republic player Selassie chu a vunrawng vangin an au nawmnah nia report a awm a, Spainish fans te pawh Balotelli au nawmnaha puh an ni. Polish fans ten Dutch players ho training lai zawng hramin an hram khum nia sawi te a awm bawk.
Chi leh chi inthliarna lama fihlim lo Poland a Euro nghah a nih khan ‘racism’ vanga buaina hi mi tamtak hlauhthawn sa a ni a, racism hi tournament chhunga buaina langsar ber pawh a ni ta reng a ni. Fans ṭhenkhatte awmdan mawi lo avangin ram pum a hmingchhe zel a, ram hrang hranga football thuneitute pawhin fans te hnenah buaina siam lo tura ngenna an tichhuak tawh nghe nghe.
Euro 80, 000 chauh maw?
Nicklas Bendtner-a ‘kekawrte case‘ chu kan hre tawh a, a boxer ah official sponsor ni lo company dang hming a lo inziah avangin euro 100, 000 chawi tura tih a ni. UEFA in racism a huatthu sawi reng chungin Euro 2012 ah Croatia chungah chiah hremna a la lekkawh a, Euro 80, 000 a chawitir. A kekawr hakfual vanga Bendtner Euro 100, 000 an chawitir nen tehkhin ila, a tlem kan tih loh pawhin, Bendtner hian a chawi hnem kan tih ṭheuh a rinawm.
Heta ṭang chuan UEFA chhungkaw inrelbawl dan kan zuk hre ril pha tak tak lo a, dan an nei a, dan angin pawisa an chawitir a ni ngei ang. Euro 80, 000 hi a tam hle tih erawh kan hria a, Euro 100, 000 a tam zawk tih pawh kan hria e.
cialis dosage 40 mg
cialis 5mg price
cialis 20mg price
cialis otc
viagra on line
Buy viagra once daily
An hrem nep teih teih bwka,racism hi ala wm zel fo ag..balotelli leh italy tehreg pwh hi..an thu swi ag in a wm leh si lo!auh nwmnah an twh cuan an hw tur thu aswi pug2 a,an player in atwk ta gei a,egmah an ti leh si lo..an nep ve tho ka ti..
Kerkawrte case an ngai serious zawk maw, racism hi ka ning tawh takzet ni, kan lo tihve theih awm si lova, na takin hrem thin se ni tur.
Nh tak khi mw le,an fans te kha inkhel en thei lo ten han hrem sela tha tur..mhs paddy powdr ho khan an chawi sak dawn ni awm e.
Football ah hian chi in thliarna, sakhua leh politics te hi a tel a remchanglo reng a ni. Tute emaw anga ‘Hemi te ram hi kristian ram an ni’a, ka tan ber’, lo tih chhen hi chu infiamna ni lovin sakhaw in erna a ang zawk mah alawm mawle. Hremna lekkawh chungchang ah hi chuan a tuartu hian sawitur/chhuanlam chu an nei duh khawpmai.
racism aiin UEFA lam chuan kekawrte case an dah serious zawk tlat mai. kan Miozram politics a va ang awm ve aw, haha tuntum chu racism vanga buaina chhuak a tam khawp mai. Tin, sawi ang deuhvn buaina neuh neuh a tam bawk.. UEFA lam pawh a host tur thlan chungchangah an fimkhur a ngai hle in ka hria.