UEFA chuan Chelsea captain John Terry match thum a hremna chu match 2 ah a tihhniamsak a, season thara Champions League group stage match hmasa ber a khel thei ang tih Thawhṭanni khan a puang. Tunhnaia buaina neuh neuh nei ve reng John Terry leh Chelsea Football Club tân chanchin lawmawm tak a ni ang.
Engvanga hremna tâwk nge?
Terry hi season hmasa Champions League semi-final second leg-a hnawhchhuah a nih avangin hrem a ni a. Camp Nou-a Barcelona leh Chelsea an inkhelh ṭumin, ball awm loh laia Alexis Sanchez a pêt avangin red card hmuh a ni a, UEFA hnuaia intihsiaknaah match thum chhung khel thei lo tura hrem a ni bawk. Hei vang hian Champions League final-a Bayern Munich an hneh ṭumin Chelsea tân a khel thei lo nghe nghe a ni.
Chelsea thuneitute chuan an captain hremna hi tihniam turin UEFA hnenah an ngen a, UEFA Appeals Body chuan uluk taka ngaihtuahin, match thumna hi an suspend sak rih ta a ni. Match thumna hi thaibo hmak chu a ni chiah lo a, kum thum chhung an dah ṭha rih chauh a la ni. An enthlak chhunga hremna lian tham a tawh chuan hremna hi belh leh a ni ang.
Terry hian August ni 31 a Chelsea leh Atletico Madrid ten Super Cup an khelh hunah match hnih hremna a hmang zo ang a, Champions League group stage-a match hmasa berah a râwn let thei tawh dawn a ni.
UEFA thuchhuak
UEFA chuan Terry hremna chungchangah thuchhuah siamin, “UEFA Appeals Body chuan John Terry dilna uluk takin a ngaihtuah a, season hmasa tâwpa Chelsea FC defender hremna chu a ṭhen azawng ngaihhnathiam a ni ang.
“Chelsea defender hi UEFA hnuaia intihsiaknaah match thum chhung hrem a la ni reng a, mahse match thumna hi chu tunah lekkawh a ni dawn lo a, kum thum chhung enthlak phawt a ni ang a, chumi chhunga ngaihtuah leh chauh a ni ang. Champions League final-a Bayern Munich a hmachhawn loh khan hremna hmasaber a hmang zo tawh a, Atletico Madrid nen UEFA Super Cup an khelh hunah pawh a khel thei lo ang. Terry hremna hi April ni 24 a Barcelona nen UEFA Champions League semi-final second leg an khelh ṭuma thil thleng vang kha a ni.” tiin an website ah an tarlang a ni.
Anton Ferdinand laka thubuai a awrh hnuah thiam a chang tawh a, tunah UEFA in a hremna a hnukhniam leh ta. Mr Chelsea hi field pâwna a dinhmun a ṭha chho hret hret e. Field chhungah Chelsea hi ram ropui thlenpui leh thei tak ang maw…
source: timesofindia.com
cialis price
cialis price walmart
Cialis no prescription
Best way to use cialis
Vannei hle mai. CHelsea ho chu an lawm dawn mang e aw 🙂
..congrats Mr Chelsea..@@[1:[0:1:Cleverly ]] Champion team in Qualifying an khelh te’n UCL aho vek anga sin !
chelsea hi om ta lo se football hi a ruak a ni ang.hahahahaaaaaa
A tet laiin sunday school akai tha ani ag..
A vannei thin khawp mai, chuan Chelsea hian season thar UCL hi qualifying round an khelh phawt a ngai dawn lo em ni?
Ka lawmpui e. Kan captain chu a vannei hle mai..gp
dik ciah vannei thei khawp mai
Ava vannei thei ve mawle….gud post
He pa hi pa ropui tak a ni, engpoh tawk se huaisen takin a hmachhawn mai zel a, Field chhung ah a khelh chhiat phah em em ngai bawk si lo…Hrem phu lo tawp chu a ni lo a, mahse hremna tih nep sak hi chu a phu ve tho chuan ka hria, GP 🙂