UEFA chuan Italian striker, Antonio Cassano chu tuai football khel thin te chungchanga chanchinbu mite hma a a thusawi avangin £11,700 (Pound sing khat sang khat za sarih) a chawitir.

Thla hmasa a khelh zawh tak, European Championship khelh laia Press Conference an neih naah Cassano chuan thutharlakhawmtute hmaah mipa khawsakpui thin (tuai) players te chu football team squad a telh tawh lo turin a sawi a ni.

Cassano chuan he a thu sawi avang hian a tukah ngaihdam a dil leh nghal a ni. Cassano chuan, “Ka thusawi kha inhnialna tam tak a chawk chhuak a ni tih ka hria a, ka inthiam lo tak zet zet a ni,” a ti.

Cassano chuan sawi chhunzawm in, “Mipa leh mipa initna hi thlarau hneh har tak kei chuan ka hmachhawn ve ngai si lo a ni. Mi tihnat emaw mi beih nana kha thu kha sawi ka ni lo va, mi zalenna ti chhe thei tur zawng a sawi pawh ka ni hek lo.

“Ka sawi zawk a chu, mipa leh mipa initna thlarau hi harsatna lian tak, keima nunah erawh inlar ve ngai lo a ni. Tin, ,i duhthlanna siamah thuneihna ka nei  bawk hek lo,” a ti.

Mahse, UEFA chuan ngunthluk taka an ngaihtuah hnuin he AC Milan forward hi pawisa chawitir an remti ta tho a ni.

Enge kan ngaihdan ni ve le? Comment lamah kan ngaihdan I sawi ho teh ang u.

Source : The Sun

image from ‘guardian.co.uk’