Inrinni zan Premier League inkhel a hmuhnawm leh pek a. Champions League a\anga tla hlim, tun hnaia beisei phak chiah lova khel \hin Manchester United chuan beisei angin an rawn khel a. Arsenal leh Liverpool an chak hram hram thung a. Hetih lai hian tun season-a thlawk sang ber Newcastle chu an thla a zawp \an niin a lang a, an chak lo leh ta tlat mai!

Old Trafford-a inkhelah United chuan Wolverhampton Wanderers an lo mikhual a, 4-1 a lo hnehin, Nani leh Wayne Rooney ten goal hnih ve ve an khung a, Wolves tan Steven Fletcher chuan goal khat a khung ve bawk.

Nani leh Rooney te hian September thla a\ang khan Premier League-ah hian goal an la khung lo ve ve a, Inrinni zanah hian an rawn comeback dun ta a ni. Thawh\an zana khel tur Manchester City aiin point 2 chauhvin United hi an hniam ta a, mahse City hi an la khel tlem zawk.

Arsenal chakna hnar chu Robin van Persie bawk a ni leh ta a. Tun laia English Premier League striker form ber Van Persie hian tun season-ah goal 19 a khungna ni turin, inkhelh \an a\anga minute 70-naah a pet goal a, Arsenal chakpuiin, top 4 ah an rawn em ve leh ta a. Mikhual Everton chuan Emirates Stadium-ah hian chance ropui an nei lo hle a. Arsenal hian inkhelh \an tirh a\anga a tawp thlengin an hneh vel vek a ni ber mai. He inkhel hi Arsenal player ropui Thierry Henry chuan a hmunah a en ve!

Liverpool pawh Anfield-ah an chak ve ta hram a, QPR chu 1-0 in an lo hneh a ni. He inkhelhah hian October ni 1 hnua Premier League goal la khung leh lo Luis Suarez chuan goal hi a khung a, QPR hian an si phurh hi an sut teuh thei khawp mai. Liverpool hian tun season-ah Anfield hi an hmang thiam thar leh ta a, vawikhat mah tlawm zawk an la ni lo a ni.

Welsh club Swansea pawhin home-a khelh an thiamzia lantirin, kar hmasaa Liverpool hnehtu Fulham chu 2-0 in an lo hneh.

Kai thar Swansea tan hian Scott Sinclair leh Danny Graham te chuan goal an khung a, tun hnai an match hnuhnung panga-a an chak vawikhatna a ni. Fulham tan Clint Dempsey chuan penalty a pet a, Michel Vorm chuan a dansak a ni.

Newcastle thlawk sang lai chu pawh hniam an ni mek zel a, Norwich City chuan 4-2 in an lo hneh a, tun season-a an vawi 3 chak lohna a ni ve ta chiah.

Wes Hoolahan chuan Norwich tan goal khungin hma a rawn hruai a. Newcastle striker Demba Ba chuan an si phurh a sut leh hnuah first half tawp hmain Grant Holt chuan goal khat khungin, half-time ah Norwich in 2-1 in hma an hruai.

Magpies player Dan Gosling chuan Steve Morison a tlawh avangin red card a hmu a, Newcastle-in an tuar hle. Morison hian goal khat a khung hnuah Ba hian goal khat a khung ve leh na a, hun tawp dawnah Holt chuan goal dang a khung belh leh a, Norwich 4-2 in an chak ta a ni.

Wigan chuan si an phurh hnuah West Brom chu an mual – The Hawthorns-ah 2-1 in an hneh let a, bottom three a\angin an zuang chhuak.

Baggies tan Steven Reid chuan free-kick a\anga goal khungin hma an hruai a. Latics tan Victor Moss chuan thla 13 chhunga a goal hmasa ber atan khungin half-time ah an in draw a. Second half-ah Albion hian penalty an chawi a, Jordi Gomez chuan a pet goal a, Wigan-in an chakpui a ni.

West Brom hian an home game hnuhnung vawi 4 ah a zawnin penalty an chawina a ni a, Wigan hi away-ah a zawnin vawihnih an chak ta.

Reebok Stadium-ah Bolton chu mikhual Aston Villa-in 2-1 in an hneh a. Marc Albrighton leh Stiliyan Petrov ten Villa tan goal an khung hnuah Ivan Klasnic chuan Bolton tan goal khat a khung ve na a, Bolton hi table mawngphahah an awm ta tho.