United chakna Pogba leh Ibra

zlatan-ibrahimovicManchester United-in Pathianni zan khan Liberty Stadium-ah Swansea City 3-1 in an hneh a, Premier League-ah match li chhung a zawna chak hmel an hmuh loh hnuah point thum an hlawh chhuak.

United tan hian khawvel player manto ber Paul Pogba chuan minute 15-na lekah goal mawi bik a khung a, Zlatan Ibrahimovic-a’n (21′, 33′) goal hnih a khung ve bawk. Goal thumah hian captain Wayne Rooney a inrawlh ve a, Jose Mourinho hoten first half an thunun avangin halftime a nih meuh chuan chak tur zawk a chiang tawh.

Amaherawhchu second half-ah United an tla hniam a, Gylfi Sigurdsson-a freekick chu minute 69-naah Mike van der Hoorn-a’n tauh lutin Swansea-in beiseina thar an nei phah a. Swede striker Ibra-a’n tul lo taka yellow card a hmuh avangin November 19-a Arsenal an mikhual hunah a inlan ve thei lo ang.

Swansea-in goal dang an khung belh lo a, an harsatna sut kianin a la awm lo. Welsh club hian season tan nia an chak hnuah chak hmel an hmu tawh lo a, manager thar Bob Bradley-a’n danglamna a thlen thei lo. American manager hnuaiah Swans-in match li an khel tawh a, point khat chiah an la hlawh chhuak.

Eng nge an sawi?
Swansea manager Bob Bradley chuan, “First half-ah khan kan khel tha tawk lo a, ball chan kan harsat a, kan chan chhun kan hman tangkai theih loh avangin kan khingpuite khan min hrem a ni. Thlirna dang atang chuan goal zawna an pet hmasak pathum a lut vek kha a mak a ni. Second half-ah khel tha hret mah ila danglamna thlent thei khawp a ni lo,” tiin an khelh that tawk loh thu a sawi.

Manchester United manager Jose Mourinho chuan, “Ball kan chang tam a, kan duh hunah kan khingpuite tan harsatna kan siam bawk. Kan muala Burnley laka point hnih kan hloh hnuah point thum hi kan mamawh takzet a, international match hmaa point thum kan hmu thei hi a lawmawm hle a ni,” tiinan khelh dana a lungawi thu a sawi.

Portuguese manager hian result tha an nei lo chung pawhin a player te a ringtawk ang chiaha a naute an rintawk thu a sawi a. September thla hnua goal khung tawh Ibra theihna a rinhleh ngai loh thu a sawi bawk.

United tana thu lawmawm chu goal zawng zawngah captain Wayne Rooney a inrawlh vek a, Zlatan-a’n player special bik a ni tih lantirin Premier League goal 25,000-na a khung bawk.

Posted in England, English Premier League and tagged , , , .

Leave a Reply

Or