VALENCIA AN BUAI, PLAYER HLAWH AN PE THEI LO !

Estimated read time 1 min read

La Liga club Valencia CF chu sum-ah an buai hle a, 2019/20 season a an playerte hlawh pawh an pe zo thei lo niin report hrang hrang chuan an tarlang.

Cadena Cope in an tarlan dânin Valencia senior playerte chuan hlawh an lâk kim theih loh chungchangah an club president Anil Murthy an hmu a, mahse inremna erawh an nei thei rih lo a ni.

Valencia hian an playerte hi IOU anga inremna nei turin inbiakna an neihpui a, chumi awmzia chu an hlawh hi tuna pe lovin nakina pêk tur a ni ang a, mahse nakkum September thlenga club in an pe lo a nih chuan he inremna hi thi in club in an pêk a ngai tawh dawn lo tihna a ni.

Hetianga harsatna an tâwk chho zel a nih chuan season thara an club dinhmun tur hriat a harsa rih khawp mai.

C Tlanthianghlima

Football tui ve tak

You May Also Like

More From Author