Van Persie-a’n Arsenal-ah contract ziah thar a tum tawh lo!

Arsenal striker Robin van Persie chuan Arsenal-ah contract thar ziah a tum tawh loh thu a puang.

Season liamtaa Arsenal player tha ber Van Persie-a’n a dinhmun dik tak a puan hun hi Arsenal fans-te chuan nghakhlel takin an thlir a. Tun hnaiah an player thate an chan nual avangin an confi’ lutuk lova. A tawpah ngawi reng mai Van Persie chu a tawng chhuak ta a, Arsenal fans-te tan ngaihthlak a nuam lo tawp ang.

Kum 28 a upa Van Persie hian Arsenal-ah hian kum khat daih contract a la nei a. A contract neih lai mek hi a hman zawh hunah pawh Arsenal tan contract a ziak tawh dawn lo tih a sawi chiang a. Chuti a nih chuan thildang a awm lo – Arsenal chhuahsan a duh tihna!

Van Persie chuan Arsene Wenger leh Chief Executive Ivan Gazidis-te a biak thu sawiin, Arsenal kalpui zel an tum danah ngaihdan inang lo engemawzat an nei niin a sawi bawk.

Kum 2004 atanga Arsenal tana khel tawh, Van Persie chuan ama website-ah, a fans-te chhiar tur thuchhuah siamin, “HUn rei tak chhung, ngun takin ka ngaihtuah a, chumi hnuah chuan ka contract hi pawtsei tawh lo turin thutlΓ»kna ka siam ta a ni,” a ti.

Season liamta chhung khan Van Persie hian club leh ram tan match 53 a khelhah goal 41 a khung a. England-a Professional Footballers’ Association leh Football Writers’ player of the year-a thlan a ni ve ve a. A contract hi a zawh thlengin Arsenal-ah hun a hmang dawn em tih a sawi theih rih lova, mahse Arsenal chuan a contract tawp thleng Emirates-a khelhtir an tum thu an sawi ve nghal zat a. “Robin-a thutlukna hi zahawm kan ti a. Arsenal-ah hian kum khat daih contract a la nei a, hei hi a hman zawh ngei kan beisei a, club tan a rinawm tluan chhuah kan ring a ni. Season tharah hian Arsenal club tana tha thei ang ber duh chunga bul tan turin kan inbuatsaih mek a ni,” an ti.

Season liamta ang khan Arsenal hian an player thate chhuahtir an tum lo hle a. Season liamtaah khan an player chhuanvawr pahnih – Cesc Fabregas leh Samir Nasri te chu loh theih lohvin an hralh a. Van Persie pawh hi a contract tawp hmain, sum tam tham taka an hralh theih chuan an hralh leh lovang tih a sawi theih loh va. A chhan chu, kan hriat vek angin, a contract tawp hnuah chuan a maipar thlawn tawp dawn a, Arsenal tan hian a hlawk dawn miah lo a ni.

The Netherlands international player Van Persie chuan, Gazidis-a’n chawlh a hman zawha England a kir leh hunah an inbe leh dawn a, thil awmdan a la hrilh leh tur thu a fans-te tana thuchhuah a siamah hian a ziak a. Kumin ay ni 16 a an inbiak chungchang sawiin Van Persie chuan, “He meeting hi club hmalam hun atana ruahmanna chungchang sawihona a ni a, ka contract leh sum leh pai chungchang kan sawi lo,” a ti a. “Season liamta kha mimal takin ka tan chuan season ropui tak a ni a. Mahse ka goal-te khan trophy hlawhchhuah nan ka it a, he club hi hun ropui taka dintir leh theihna ni se ka duh hle a ni. Mr. Wenger, player leh fans-te ka zah em avangin he meeting-a kan sawi hi ka sawi vek lo ang a, vanduaithlak takin he meeting atang hian Arsenal FC hmalam hun atana kan duhdan inang lo a awm nual a ni,” a ti.

Thawhlehni khan Wenger chuan Eurosport-a a column-ah, “Robin van Persie hi engti kawng zawng pawha chhuahtir loh kan duh, a chhan chu goal nawr turin amahah kan innghat tlat a ni. Englai pawhin, hun harsat ber lai pawhin ka tan reng a, Arsenal-ah hian a career a hman zawh ka beisei a ni,” tiin a lo ziak tawh a ni.

Van Persie-a’n Arsenal a khelh chhunga a goal khung record chu hetiang hi a ni –

  • 2004-05: 41 games, 10 goals
  • 2005-06: 38 games, 11 goals
  • 2006-07: 31 games, 13 goals
  • 2007-08: 23 games, 9 goals
  • 2008-09: 44 games, 20 goals
  • 2009-10: 20 games, 10 goals
  • 2010-11: 33 games, 22 goals
  • 2011-12: 48 games, 37 goals

Kum 8 liamta khan Van Persie hi Arsenal hian Feyenoord atangin pound maktaduai 2.75 in an lei a. Tunah Arsenal captain ni mekin, Arsenal captain dang – Patrick Vieira (to Juventus), Thierry Henry leh Fabregas (both to Barcelona) te ang bawkin Arsenal hian an hralh leh mai ang em?

Arsenal hian 2005 FA Cup final-ah Manchester United penalty hmanga an hneh hnu khan eng trophy mah an la chawi leh lo a ni.

40 thoughts on “Van Persie-a’n Arsenal-ah contract ziah thar a tum tawh lo!

  1. Pingback: cialis 5mg price

  2. Pingback: Pharmacy cialis

  3. Mike H Tlau

    Season a tawp meuh chuan hei hi rilru ah a awm/lang ngei dawn e. A HOT don khop mai….

  4. hmelthapiannalh@yahoo.com

    Tun season-ah hian RVP a chhuah chuan next season-ah Arsenal-in UCL an khel phak lovang tihah ka tanga, joemizo hian an khel phak tho ang tihah a tang thunga, chu chu kan tanfung chu a ni. Arsenal-in RVP hi an hralh ta lo a, Arsenala tun season hi a khel anih chuan kan inchawi tumna hi thu puitling a ni lo tihna a nih thung.
    Chutiang anga thu puitling a ni ta lo hlauh anih chuan boruak ti hot tur eng emaw tal admn. lam hian inchawi theih tur ang chi han ngaihtuah chhuak thei ula a tha viau mai thei a sin.

  5. Lalthanzama Vanchhawng

    hmelthapiannalh@yahoo.com & Joemizo : a va lawmawm e. Nie, keiman ka lo host dawn nia. In tanna kha mumal takin han sawi leh teh u khai. ka lo print screen thlap ang πŸ™‚ Keichu Blore ah ka awm mek a. Chhinga Veng Aizawl ah ka haw chho tawh hrih ang. Pawisa inthawm lam chu nakum daih anih avangin i hmanhmawh thut thut lo ang u..

  6. joemizo

    Ni e,a dik chiah lak lungrun em em lovah ,a khat maawi tawkin boruak ti hot tu atan rawn hmang se ( admin ten rem antih chuan) , zangkhai deuhin Zofooties te inhmelhriat tawn nan hmang ang u .A theih hram chuan Zama hi a hming pum leh address hriat ka duh mang e pawisa rawnthawn dawn hun ah a ngai dawn sia.

  7. hmelthapiannalh@yahoo.com

    Ngaih lungrun em em tur a ni lova, boruak ti hot tu atan thianghlim takin kan kal pui dawn a nia. Kei pawhin ZoFooty member-te hi tumah ka la hmu bik lova, a khat tawkin Zama hian a rawn vawrhlar leh zauh thin anga, kum tluanin hlim taka hun hman nan tih kan tum zawk dawn a nia. Tichuan kan chak emaw chak lo emaw ZoFooties ten a hman dan an rel ho leh anga, Rs. 10000 vel a awmsa chuan chaw eikhawm hlimawm tak kan nei lovang tih a sawi theih miah loh a nia. Tunah chuan host tupa Zama kutah kan innghat tawh ang. Anin tha a tih angin a kaihruai anga, pawisa thawnna tur leh kawng engkim a kutah kan hlan e. Kei pawhin a Capital chawpin ZoFooty tan ka hlan ve nghal ang. Pawisa erawh tha an tih ang anga manage turin host-tu kutah ka innghat tawp mai.

  8. joemizo

    @ Lalthanzama Vanchhawng i chunga ka cooment khi i hmulo em ni? Ka chak chuan ka bet 5000 bakah ka hlawhtur 5000 bakah Bank a apung tur nen Zofooty tan ka hlan nghal vek ang. Pakhat chauh ngam itih khi enge a awmzia ka hrelo tlat?

  9. joemizo

    pawmtlang e,Aizawla awm ka nilova kan Admin Zara chiah hi ka hriat ania( kan la inhmu miahlo leh nghal)ani hnen ah khan ka bet/pawisa ka rawn thawn mai anga,nangin lo dah bawk la ,annin Bank ah kumin chhung lo dah (sekhawih chettheiloh in), kan bet ah hian ka chak zawk chuan kei pawh Zofooty tan avaiin ka dah nghal anga, Bank a pung te nen vek a tha mai em ?

  10. hmelthapiannalh@yahoo.com

    Anih chuan Zama hian host sela, Hriatpuia Pa leh Mizo thuhretuah an tang anga, season tawpah Zama hnena pawisa hlana, a chak zawk zawkin ngaihvenah kan ti mai dawn em ni. Ka chak chuan ka pawisa hlawh tur hi ZoFooty tan ka hlan nghal ang a, annin tha an tih dan ang angin an hmang thung ang, tul antih chuan chawhlui kil khawm nante an hmang ang a, nuam dawn em a sin. Kan pawm tlang em?

  11. Lalthanzama Vanchhawng

    @hriatpuia pa : ZoFooty in pawisa kan dawnna ani dawn si a, hmelthapiannalh hi ka tan mai dawn emawni le, haha ka hre tha bawk a. MIPA Ngei a ni e, a bak chu ka sawi lovang πŸ™‚

  12. Hriatpuia pa

    I hi le! Ka post-ah an inchawi e πŸ™‚ @Zama, hmelthapiannalha/i hian an inchawi hi a man chuan joemizo pawisa chawi hi Zofooty tan a hlan dawn a tihna a nih hi πŸ™‚ Nuam dawn e, ka rindan chu ka sawi lo ang a, mahse hmelthapiannalh hi ka tan zawk tlat mai πŸ˜€

  13. MIZO

    Great.. a van tha ve. hmelthapiannalh@yahoo.com hian a chawi dawn chiang mai le. joemizo ka tan e. V.Persie awm lo mahse Arsenal hian UCL an thleng tho ang. joemizo chawi tur zat ve khi ka tum sak ang. πŸ™‚

  14. Lalthanzama Vanchhawng

    hmelthapiannalh@yahoo.com chu a chak zawka a tanin a chawi zawk dawn nimaw? dangdai ve πŸ™‚ A chak lo zawkin an chawi dawn a, nangchuan i chak chuan i chawi dawn thung tihna mi? haha UCL an khelh phak loh i va ring awm ve. Official taka tih chu a mawi dawn em ni, in 2 inkar ni tase keini chuan hei in comment hi kan hmu ngei alawm … In inbiak rem dan ni rawh se πŸ™‚

  15. hmelthapiannalh@yahoo.com

    Rs. 5000 kan inchawi mai dawn mi, a chak zawka ka tan chuan Zofooties tan ka hlan nghal ang…tel ve duh inawm em? RVP a chhuah phawt chuan Arsenal-in next season-ah UCL an khel phak lovang tihah ka tang a, joemizo-in RVP chhuak mahse Arsenal-in next season-ah UCL an khel phak tho ang tihah a tang thunga, thuhretu atan admin. ho leh zofooties ho zawng zawng an tang thung anga, season tluana boruak ti hot-tu atan pawh a tha ve a lawm. Ready 1..2…3…..

  16. BluesOlias

    Season hmasa khachuan vanpersie hichu awmlo sechuan top 4 ahchuan anlang kherlo ang..podolski,walcot adt teho hian a hmun an luah zo angemw?..enchhin ila..keichu season hmasa anphak chu ka ringlo phawtah !

  17. Mike H Tlau

    Arsenal hi an player inhliam avanga an chauh lai pawhin UCL an khelpha reng mai a. Player pawimawh nia an sawi Fabregas awmloh karah Persie a vul a. Player pawimawh nia an sawi Persie awmloh karah tu nge vul ang ti te pawhin a rin theih ang. Chtuilaiin, thil hi a ngai rengin a kal theilo a. Arsenal in UCL an khelhphak thin hi an vanneih vang nge an thiam vang tih nemnghehnan joemizo leh hmelthapiannalh@yahoo.com te betting hi thlir a chakawm hle mai. A ti HOT ve hrim hrim dawn e season tluanin..:)

  18. joemizo

    @hmelthapiannalh @yahoo.com inchawi ka ngem e,..engzat nge ni ang ?hriatpuitu te ah kan admin te hi ni se, i ngam zat zat ka ngam e…
    a

  19. hmelthapiannalh@yahoo.com

    RVP hi ni ve ta ila, kei pawhin Arsenal hi chu ka chhuahsan chiang ngawt ang. Professional footballer tan chuan lawmman dawn theih lohna Club-a hun tha zawng zawng hman zawh vek chu a mawl thlak deuh a lawm, football khelh theih hun chhung hi a tawi si a, Fabregas pawh a inchhir loh chian em hi. Arsenal chu an club kal pui dan an thlak danglam deuh loh chuan Club dang an lian tulh tulh mai si a, an zuih ral ang tih pawh a hlauhawm hlel love. Hetianga an kal chhunzawm anih ngat chuan nakumah UCL an khel pha lo chiang ngawt ang. Inchawi in ngam chuan ka ngam zan mai, he mi chungchangah hian.

  20. Bang Bang

    He post hi a then tan a lawmawm ang, a then tan a lungngaihthlak ngei ang. Ka hmuh ve dan chuan RvP hi football thiam tak chu ani meuh mai. Winger atanga centre forward a hmang ngamtu hi tuna a enkawltu ngei a ni a. Midang hnuaiah chuan thiam tak chungin tun season kalta kha chu a pha tawh kher lovang. King Henry atang pawhin inzir ta sela. Pawisa vang anih leh thudang. Kum 28 ah chuan khelh hun a tam ta lo deuh nen sum um chu a awm tho tunlai football ah hian. RvP a reh mai tur chu a uihawm hle mai.

  21. Dika

    Hei chu thu lawmawm a ni hauh lo mai le Arsenal fans tan chuan. Chhuak mahse a che fuh chuang lo ang tih lam ai mah a ka rilru a lo lian zawk cuh Arsenal hian champion a, top flight tak tak khel leh thei tur chuan hepa hi an mamawh a ni. Players tha sa hralh a,kumtin maia bul tan that hi chu club dangte hmalakna ngaihtuah chuan a lawmawm lo a ni. Hmanah chuan London ah ro an rel a,Chelsea an lo lian a,tunah Totenham an lo lian leh a,nakinah phei chuan Fulham hnuaiah te hian a la awm lo ang tih, tun angreng a an kal a nih chuan, sawi ngam a harsa ka ti.

  22. Hriatpuia pa Post author

    ‘hralh’ tih lai khi ka ziak dik chiah lo maithei – ka tang na lo e πŸ™‚

  23. Ramenga

    An han soi hi cuan a awm thlup zel mai a..season tharah te eng cup emaw ber han la se, a rilru a thlak thei mai lo maw le..a sawidan atang cuan trophy chawi theih loh vanga chhuah duh a ni tih a chiang. UCL leh Epl a nih loh pohin FA cup tal hi han champn se a cuak leh lo thut maithei sin.

  24. Hmingz

    Get out. . .wenger anga rilru arsenal tlat kan duh. . .arsenal ataga chhuak hi Fabri’ chiah ka la hria. . .a hero na hmun atag hian chhuak se la. . Zero lo ang tih sawi a har..

  25. BluesOlias

    Arsenal tanchuan Company lost!..nia,manager pawhhi ngaihdan a in anglo a,thenkhat chuan Champion antum bur laiin thenkhat chuan naupang chher leh khelhmawi ?..Parsi-a chu a tihsual ka ringlo..khawiah tak lut ang maw??..

Leave a Reply

Van Persie-a’n Arsenal-ah contract ziah thar a tum tawh lo!

Arsenal striker Robin van Persie chuan Arsenal-ah contract thar ziah a tum tawh loh thu a puang.

Season liamtaa Arsenal player tha ber Van Persie-a’n a dinhmun dik tak a puan hun hi Arsenal fans-te chuan nghakhlel takin an thlir a. Tun hnaiah an player thate an chan nual avangin an confi’ lutuk lova. A tawpah ngawi reng mai Van Persie chu a tawng chhuak ta a, Arsenal fans-te tan ngaihthlak a nuam lo tawp ang.

Kum 28 a upa Van Persie hian Arsenal-ah hian kum khat daih contract a la nei a. A contract neih lai mek hi a hman zawh hunah pawh Arsenal tan contract a ziak tawh dawn lo tih a sawi chiang a. Chuti a nih chuan thildang a awm lo – Arsenal chhuahsan a duh tihna!

Van Persie chuan Arsene Wenger leh Chief Executive Ivan Gazidis-te a biak thu sawiin, Arsenal kalpui zel an tum danah ngaihdan inang lo engemawzat an nei niin a sawi bawk.

Kum 2004 atanga Arsenal tana khel tawh, Van Persie chuan ama website-ah, a fans-te chhiar tur thuchhuah siamin, “HUn rei tak chhung, ngun takin ka ngaihtuah a, chumi hnuah chuan ka contract hi pawtsei tawh lo turin thutlΓ»kna ka siam ta a ni,” a ti.

Season liamta chhung khan Van Persie hian club leh ram tan match 53 a khelhah goal 41 a khung a. England-a Professional Footballers’ Association leh Football Writers’ player of the year-a thlan a ni ve ve a. A contract hi a zawh thlengin Arsenal-ah hun a hmang dawn em tih a sawi theih rih lova, mahse Arsenal chuan a contract tawp thleng Emirates-a khelhtir an tum thu an sawi ve nghal zat a. “Robin-a thutlukna hi zahawm kan ti a. Arsenal-ah hian kum khat daih contract a la nei a, hei hi a hman zawh ngei kan beisei a, club tan a rinawm tluan chhuah kan ring a ni. Season tharah hian Arsenal club tana tha thei ang ber duh chunga bul tan turin kan inbuatsaih mek a ni,” an ti.

Season liamta ang khan Arsenal hian an player thate chhuahtir an tum lo hle a. Season liamtaah khan an player chhuanvawr pahnih – Cesc Fabregas leh Samir Nasri te chu loh theih lohvin an hralh a. Van Persie pawh hi a contract tawp hmain, sum tam tham taka an hralh theih chuan an hralh leh lovang tih a sawi theih loh va. A chhan chu, kan hriat vek angin, a contract tawp hnuah chuan a maipar thlawn tawp dawn a, Arsenal tan hian a hlawk dawn miah lo a ni.

The Netherlands international player Van Persie chuan, Gazidis-a’n chawlh a hman zawha England a kir leh hunah an inbe leh dawn a, thil awmdan a la hrilh leh tur thu a fans-te tana thuchhuah a siamah hian a ziak a. Kumin ay ni 16 a an inbiak chungchang sawiin Van Persie chuan, “He meeting hi club hmalam hun atana ruahmanna chungchang sawihona a ni a, ka contract leh sum leh pai chungchang kan sawi lo,” a ti a. “Season liamta kha mimal takin ka tan chuan season ropui tak a ni a. Mahse ka goal-te khan trophy hlawhchhuah nan ka it a, he club hi hun ropui taka dintir leh theihna ni se ka duh hle a ni. Mr. Wenger, player leh fans-te ka zah em avangin he meeting-a kan sawi hi ka sawi vek lo ang a, vanduaithlak takin he meeting atang hian Arsenal FC hmalam hun atana kan duhdan inang lo a awm nual a ni,” a ti.

Thawhlehni khan Wenger chuan Eurosport-a a column-ah, “Robin van Persie hi engti kawng zawng pawha chhuahtir loh kan duh, a chhan chu goal nawr turin amahah kan innghat tlat a ni. Englai pawhin, hun harsat ber lai pawhin ka tan reng a, Arsenal-ah hian a career a hman zawh ka beisei a ni,” tiin a lo ziak tawh a ni.

Van Persie-a’n Arsenal a khelh chhunga a goal khung record chu hetiang hi a ni –

  • 2004-05: 41 games, 10 goals
  • 2005-06: 38 games, 11 goals
  • 2006-07: 31 games, 13 goals
  • 2007-08: 23 games, 9 goals
  • 2008-09: 44 games, 20 goals
  • 2009-10: 20 games, 10 goals
  • 2010-11: 33 games, 22 goals
  • 2011-12: 48 games, 37 goals

Kum 8 liamta khan Van Persie hi Arsenal hian Feyenoord atangin pound maktaduai 2.75 in an lei a. Tunah Arsenal captain ni mekin, Arsenal captain dang – Patrick Vieira (to Juventus), Thierry Henry leh Fabregas (both to Barcelona) te ang bawkin Arsenal hian an hralh leh mai ang em?

Arsenal hian 2005 FA Cup final-ah Manchester United penalty hmanga an hneh hnu khan eng trophy mah an la chawi leh lo a ni.

Leave a Reply