Dutch striker Robin van Persie chuan Arsenal tan Bolton lamah a goal 99-na leh 100-na Inrinni zan khan a thun a. Heti hian Arsenal player zinga goal 100 thun thei 17-na chiah a ni. Persie hi Arsenal legend- Cliff Bastin, Ian Wright, Dennis Bergkamp, Thierry Henry te zingah a lang ve thei tawh ang.

2004 khan left winger Robin van Persie hian Feyenoord chu UEFA Cup a chawipui hnuin Arsenal a pan a. A luh kum hian left winger lei thar tho Jose Antonio Reyes nen khelhna hmun an inchuh nghe nghe. A tir lamah a discipline a thalo hle a. 2005-06 season a November vel bawr atang khan a thiamna tak tak a pholang tan a, vawi 8 inkhelh ah goal 8 a thun nghe nghe. Hemi kum atang hian inhliam neuh neuh in tibuai thin mahse a goal thun thiam a theihnghilh lova. Kum 4 hnuah chuan Arsenal leh The Netherlands te striker rinrawlber leh a innghahna a lo ni chho ta a ni.

August ni 6,1983 a piang Robin van Persie hi a pa Bob in a enkawl chhoh a ni a. A tetlaiin sikul ah te a awmthat duhloh thin avangin nitin deuhthoin hrem a tawk thin. London ah a chen hnuin hunrei tak chhunga a lo ngaihzawn tawh Moroccan leh Dutch thlahpawlh Bouchra nen innei in tunah hian fapa Shaqueel leh fanu Dina te an nei tawh. A nupui Bouchra hi Muslim ni mahse Persie hi chu Muslim anih hriat anilo. Persie hian amah ngaisangtute hi Twitter hmangin a kawm deuh ber a. Chhungkua ngai pawimawh tak anih avangin inkhelh loh lai chuan a chhungte bulah hun a hmang deuh ber.