India ram a hmeichhe football inelna sang ber Indian Women’s League (IWL) chu vawiin hian Odisha khawpui Bhubaneswar – ah khelh tan a ni dawn a, team 12 an inlan ang.
IWL hi kum 2016 khan khelh tan niin team tin hi an inkhel chhuak vek ang a, point hmu hnem ber chu champion an ni ang. Champion team hian AFC Women’s Club Championship khelhna chance an nei thei dawn a ni.
IWL – a team 12 tel zingah PIFA Sports FC (Maharashtra) leh Sethu Madurai (Tamil Nadu) te’n Mizo nula an kawl. PIFA Sports FC hian vawiin tlai dar 4 hian opening match – ah Kickstart FC (Karnataka) an hmachhawn dawn a, inkhel hi Eurosport India – ah en theih a ni ang.
Mizo nula te leh an team khelhna:
PIFA Sports FC
K.Lalhruaizeli (ITI Veng) – Goalkeeper
Lalhmingmawii (Champhai) – Defender
Zairemmawii (Bethlehem VT) – Defender
Lalthansangi (Bilkhawthlir) – Midfielder
Lalrinmuani (Darlawn) – Midfielder
Miriam Lalnunsiami (Bukpui) – Striker
Sethu Madurai
Ngopawdi Khaimeichho (Siaha) – Defender
Grace Lalrampari (Salem Veng) – Midfielder
Elizabeth Vanlalmawii (Kolasib) – Striker
