VAWIINAH AIZAWLAH I-LEAGUE

Kum 2016/17 Hero I-League Aizawla kan hmuh hmasak ber turah vawiin chawhnu dar hnih hian Rajiv Gandhi Stadium, Mualpuiah Aizawl FC in I-League club thar Minerva Punjab FC an mikhual dawn.

Vawiin inkhel tur hi TEN2 chuan ‘live’ in a pe chhuak dawn a, football ngaina zual tan erawh a hmun pan a sual lo ang. Inkhel en man hi cheng 200 leh cheng 100 a ni.

TEAM PAHNIH DINHMUN

Mual neitu Aizawl FC hian nikum I-League a an match hmasa berah Kolkata khawpuiah an tlawm a, kuminah erawh club lian zawk Kingfisher East Bengal in an draw hram. Khalid Jamil – a team te hi season hmasa aiin an tha zawk a ngaih a ni a, an goal nawr tichak lehzual turin an player lak thar Syria international hlui Mahmoud Amnah chuan training a zawm tawh bawk.

Aizawl FC boss chuan an squad neihah a lawm tawk thu sawiin an tihsualte siam that an tum thu a sawi a, mipuite hmuh chak Mahmoud hi a inlan ngei dawn tih a sawi bawk. East Bengal an hmachhawn tum khan an full-back te’n an hna an tlin lo deuh niin a ngaih theih a, vawiin hian an tlarhnung an siksawi a nih pawhin thilmak a ni lo ang.

Minerva Punjab FC hi AIFF in I-League khel tura a hlan kai an ni a, an match hmasa berah anni ang bawk a hlankai Chennai City FC nen goal inpe lo in an inthathen. Anni  hi Pailan Arrows assistant coach hlui Surinder Singh chuan a enkawl mek a, point thum hmuh tum a lokal an nih thu Singh hian a sawi.

India rawlthar tha engemawzat an kawl bakah Aizawl FC striker hlui Joel Sunday an nei a, Nigerian striker Sunday hian season liam ta I-League ah khan Aizawl FC tan goal 7 a thun a, Zotea leh a thiante tan ven uluk a tul hle ang. Ani bakah Minerva hian India striker hlui Manandeep Singh leh Nigerian striker Victor Amobi an la kawl cheu bawk.

FANS KAN PAWIMAWH

Vawiin inkhel tur hi club pahnihte tan a pawimawh takzet a, inkhel hmasa berah point thum an hmuh zawh loh ve ve avangin point an hloh leh a thiang tawh lo. Team pahnihte dinhmun thlirin an intiat thawkhat viau a, amaherawhchu mualneitu Aizawl FC an chungnun hret a rinawm zawk.

Player leh coach te an pawimawh ang bawkin entu mipuite pawimawhna a nep chuang lo a, football – ah hian fans te hi team chakna hnar ber pakhat an ni. Zofate Jersusalem Aizawl khawpuiah India ram a football league sang ber khelh a ni dawn e, chawhnu dar 1:30 ah Mualpuiah kan inhmu dawn nia.

 

 

2 thoughts on “VAWIINAH AIZAWLAH I-LEAGUE

  1. Pingback: buy cialis canada

  2. Pingback: Buy viagra in us

Leave a Reply