Vawin Hi Arsenal Ah Arsene Wenger-a Kum 16 Na

Estimated read time 4 min read


16th September, 1996 khan Arsenal chuan hun harsa tak an tawh karah mite mak tih tak maiin hriat hlawhlo tak mai Arsene Wenger chu manager atan an ruai a. Hetihlai hian Arsenal thiampuipa Dennis Bergkamp chu a inhliam a, Highbury khelmualah ngei Borussia Mönchengladbach chu 2-3 a hneh lovin UEFA Cup atang an tla ta bawk si.

Nigel Winterburn leh Ian Wright te lah FA lamin an lo zilh ve bawk si. Caretaker manager Stewart Robson lahin QPR a pansan bawk nen. Hei mai a la nilo, captain Tony Adams lah ama mimal nunah harsatna leh mualphona a lo tawk ve mek bawk. Amah leh a nupui (hlui) te zu ngawl vei chu chanchinbu phek hma leh hnungah a lang chei chuai a. Mi pahnih, Pat Rice leh Geordie Armstrong-te’n club chu an khaiding tawk tawk a ni ber e. Hetiang club hi Arsene Wenger-a enkawl tur chu a ni.


Arsene Wenger hian French club pahnih Nancy-Lorraine (1984–1987), Monaco (1987–1994) te a enkawl hnuah Japanese club Nagoya Grampus Eight (1995–1996) a enkawl leh a. 1996 atang hian chona lian tak mai England ah hian a hmachhawn dawn ta a ni. Hetiang club a enkawl ngam hian a huaisenna leh a tumruhna a ti lang. English leilung a British nilo football chawimawina sangber chawipui theitu a ni dawn tih a la inhrelo. He nomawi chawi tur hian Arsenal club chhung leh pawnah siamthat ngai a tamzia chu kan hrethiam mai awm e.

Arsene Wenger-a chanchin ziahna (biography) ah phei chuan a hmaa Arsenal chhungkua a antih dan thinte a thlak danglam a. Player ten chithlum (candy) an ei thinte thlengin a khap a. Arsene Wenger hian player te ei leh in enpuiin a nau te hi a enkawl tan niin a chanchin ziahna ah hian a inziak.

1996 a Arsenal a enkawl hnu hian captain Tony Adams chu player tha tak mai nilovin England rinrawlah a chhuah a. Tuna Arsenal Asst. Manager Steve Bould, Martin Keown, Lee Dixon leh Nigel Winterburn te hmangin Arsenal kulhpui a din a, Arsenal a tung ding tan ta a ni.

Arsene hian a hnampui Nicholas Anelka, Emmanuel Petit, Patrick Vieira te ho lalutin team tha tak a din a. Arsenal hmel chu Arsene Wenger a ni tan. 2003/2004 season ah Arsenal team tha ber nia ngaih theih ‘The Invincibles’ a din a, Arsenal chu club lian dangte el phain a siam a. Arsenal chu Strasbourg University atanga economy degree nei Arsene Wenger in nasa takin sum lamah hma a sawnpui a, stadium thar a neihpui thei hial bawk.

Arsene-a chanchin sawi tur chu a tam ang, ka sawi tum ber erawh chu England a British nilo nomawi chawi thei hmasaber hi pa dangdai leh mahni tuma dingnghet tlat a ni a. Real Madrid in sum tam tak nena an sawmchhuah zawhlo, a hmangaih tawh chu hmangaih bur, zu zuar chhungkua (bartender family) atanga seilian zu in ngailo, nula pawh ngaihsak lemlova tar lama nupui nei a fanu pakhat nei tawh Arsene hian tunah kum 16 chhung Arsenal a enkawl tawh a. Kum 62 mi Arsene hian a enkawl zel theihna turin Arsenal hotute pawhin contract thar an sih hmuh mek bawk.

2 million a bul tan kha tunah hian season khatah 7 million vel a hlawh nia sawi a ni a. Kum 16 chhunga 5 million chauha a hlawh tipung duh chuan sum hi a enkawlchhan anilo tih a tilang a, ama duhdan tea a enkawl theih Arsenal hi sum in football khawvel a tuam lai hian mal tan pawhin la enkawl zel a duh niin a lang. Hetianga club khata Manager hna chelh rei thei hi an tam lova.

Arsene hian Arsenal a enkawl chhungin harsatnate tawk thin mahse mi tam zawkte lawm a la hlawh a. Mi thahnemzawkin rinna a chungah an nghat a, UEFA president Michel Platini pawhin Arsene-a vei zawng hi rawn vei ve in UEFA pawhin ‘Financial Fair Play’ an ruahman ta a ni. Arsene hian football leh football in a nghawng a hrechiang a. Kum 16 meuh mai a lo enkawl tawh Arsenal hi tun kumah eng tak ang maw…

You May Also Like

More From Author

16Comments

Add yours
  1. 5
    emef sailo

    lungte pawh a ti chhia e kan pu hnathawh ropui lutuk hi chuan……khawvelah a thaber a ni lo maithei mahse ka tan em em Arsenal enkawl tur hi chuan ka duh ber rih a ni e.

  2. 6
    Machhuana Renthlei

    Midang aiin a thra ber emaw,a ropui ber tih zawng ah chuan inhnial fe tham a niang,chu erawh mahni ngaihdan dan ni teh se 🙂

    Kum 2011 a International Federation of Football History & Statistics in ‘World Coach of the Decade’ ah SAF leh Mourinho (Cup chawi lamah chuan a tluk loh pahnih!) te aia an thlang khan a ropui zia hi a ti chiang mai awm e.

    ♫ One Arsene Wenger,there’s only one Arsene Wenger,one Arsene Wenger ♫

  3. 7
    Cleverley VRT

    @Zodina: Sir Alex a chungchang i sawi tih loh khi chu ka pawm vel vek mai, Sir Alex hi chuan a tul hunah player manto lei a thiam bik em atin ni, player manto a lei loh kum pawn an cham[ion thin tho ani lawm ni, engpawhnise Pu Arsene a chanchin kan sawi a tiraw, a ropui ka ti khawp mai, Arsenal in ani ang manager ropui hi chu an hmu leh tawh lo maithei ani, cup pawh chawi tawh ngei rawh se.

  4. 8
    zodina

    Nomoi chu lo dahtha hrih ila……Arsene hi Chelsea manager ropui Mourinho leh Di Matteo te aiin ka dah ropui zawk a, David Moyes leh Pep Guardiola ai pon…Chuan Sir Alex hi chu an hnung zui ve det2 tu ang lek ah ka ngai…

    A chhan chuu…. Mourinho leh Di Matteo te hi team fuhsa reitak mahni duhdan a enkoltu ni chuanglo in an enkol mawp2 a an champion pui thei tho a, Guardiola poh chuti tho…Moyes hi chu Star players nilo lakhom a enkol thiam ber pol a ni a, Sir Alex eroh hi chuan ama duhdan ang in sum a hmang hiau2 a, rei tak team a lo kaihruai toh a, sum lah a hmanghnem, mahse a hlohtlinpui vang hian a ropui a….Heng zawng zawng chung ah hian Arsene Wenger hi a leng vel a, a ropuina hi football khovel ah hian soi thiam hleihtheih a ni lo zawk hial, fak nasat hian kan ti ropui zual chuanglo a, ahming lamrik a rilru a Arsenal leh Football min ngaihtuahtir nghal zel mai hian a ropuizia a tilang chiang ber awm e…

    Arsenal fans tan “In Arsene, You Must Trust”

  5. 11
    laipuichhuanga

    Nia ngei chang wm rum2 thn mhse zah aphu thlwt,In Arsene we trust tih hial ngai khp in a wm ve tan(clb thenkhat fan te tan tiang banner hi tar fo angai lemlo)ta,kn ring ngam jel pht aniang chu

  6. 12
    Lalzarzova

    Post tha tak a ni. Khawvelah hian Manager tam tak an lo awm tawh a, hetiang Manager ang erawh hi chu chhiar tham lek an awm thung.

  7. 16
    Relfela Sailo

    Tun season Wenger hi danglamna riau a neiin ka hria. ‘Lungawi lo chu chhuak mai rawh se’ tih thupui hmangin team boruak a siam tha mekin ka hria. Steve Bould nen an inkawp fuh hmel bawk a beisei a sang khawp mai

+ Leave a Comment

Vawin Hi Arsenal Ah Arsene Wenger-a Kum 16 Na

16th September, 1996 khan Arsenal chuan hun harsa tak an tawh karah mite mak tih tak maiin hriat hlawhlo tak mai Arsene Wenger chu manager atan an ruai a. Hetihlai hian Arsenal thiampuipa Dennis Bergkamp chu a inhliam a, Highbury khelmualah ngei Borussia Mönchengladbach chu 2-3 a hneh lovin UEFA Cup atang an tla ta bawk si.

Nigel Winterburn leh Ian Wright te lah FA lamin an lo zilh ve bawk si. Caretaker manager Stewart Robson lahin QPR a pansan bawk nen. Hei mai a la nilo, captain Tony Adams lah ama mimal nunah harsatna leh mualphona a lo tawk ve mek bawk. Amah leh a nupui (hlui) te zu ngawl vei chu chanchinbu phek hma leh hnungah a lang chei chuai a. Mi pahnih, Pat Rice leh Geordie Armstrong-te’n club chu an khaiding tawk tawk a ni ber e. Hetiang club hi Arsene Wenger-a enkawl tur chu a ni.

Arsene Wenger hian French club pahnih Nancy-Lorraine (1984–1987), Monaco (1987–1994) te a enkawl hnuah Japanese club Nagoya Grampus Eight (1995–1996) a enkawl leh a. 1996 atang hian chona lian tak mai England ah hian a hmachhawn dawn ta a ni. Hetiang club a enkawl ngam hian a huaisenna leh a tumruhna a ti lang. English leilung a British nilo football chawimawina sangber chawipui theitu a ni dawn tih a la inhrelo. He nomawi chawi tur hian Arsenal club chhung leh pawnah siamthat ngai a tamzia chu kan hrethiam mai awm e.

Arsene Wenger-a chanchin ziahna (biography) ah phei chuan a hmaa Arsenal chhungkua a antih dan thinte a thlak danglam a. Player ten chithlum (candy) an ei thinte thlengin a khap a. Arsene Wenger hian player te ei leh in enpuiin a nau te hi a enkawl tan niin a chanchin ziahna ah hian a inziak.

1996 a Arsenal a enkawl hnu hian captain Tony Adams chu player tha tak mai nilovin England rinrawlah a chhuah a. Tuna Arsenal Asst. Manager Steve Bould, Martin Keown, Lee Dixon leh Nigel Winterburn te hmangin Arsenal kulhpui a din a, Arsenal a tung ding tan ta a ni.

Arsene hian a hnampui Nicholas Anelka, Emmanuel Petit, Patrick Vieira te ho lalutin team tha tak a din a. Arsenal hmel chu Arsene Wenger a ni tan. 2003/2004 season ah Arsenal team tha ber nia ngaih theih ‘The Invincibles’ a din a, Arsenal chu club lian dangte el phain a siam a. Arsenal chu Strasbourg University atanga economy degree nei Arsene Wenger in nasa takin sum lamah hma a sawnpui a, stadium thar a neihpui thei hial bawk.

Arsene-a chanchin sawi tur chu a tam ang, ka sawi tum ber erawh chu England a British nilo nomawi chawi thei hmasaber hi pa dangdai leh mahni tuma dingnghet tlat a ni a. Real Madrid in sum tam tak nena an sawmchhuah zawhlo, a hmangaih tawh chu hmangaih bur, zu zuar chhungkua (bartender family) atanga seilian zu in ngailo, nula pawh ngaihsak lemlova tar lama nupui nei a fanu pakhat nei tawh Arsene hian tunah kum 16 chhung Arsenal a enkawl tawh a. Kum 62 mi Arsene hian a enkawl zel theihna turin Arsenal hotute pawhin contract thar an sih hmuh mek bawk.

2 million a bul tan kha tunah hian season khatah 7 million vel a hlawh nia sawi a ni a. Kum 16 chhunga 5 million chauha a hlawh tipung duh chuan sum hi a enkawlchhan anilo tih a tilang a, ama duhdan tea a enkawl theih Arsenal hi sum in football khawvel a tuam lai hian mal tan pawhin la enkawl zel a duh niin a lang. Hetianga club khata Manager hna chelh rei thei hi an tam lova.

Arsene hian Arsenal a enkawl chhungin harsatnate tawk thin mahse mi tam zawkte lawm a la hlawh a. Mi thahnemzawkin rinna a chungah an nghat a, UEFA president Michel Platini pawhin Arsene-a vei zawng hi rawn vei ve in UEFA pawhin ‘Financial Fair Play’ an ruahman ta a ni. Arsene hian football leh football in a nghawng a hrechiang a. Kum 16 meuh mai a lo enkawl tawh Arsenal hi tun kumah eng tak ang maw…

You May Also Like

More From Author

+ There are no comments

Add yours