India Senior team chuan Maldives chhuahsanin Qatar an thleng leh tawh a. Maldives nen 1-1 a in draw hnuah Qatar an hmachhawn leh dawn a ni. ZoFooty in India striker Jeje Lalpekhlua kawmna hun a nei remchang hlauh mai a. ZoFooty in Jeje a kawmna te chu..
ZoFooty (ZF)- Maldives team te kha eng nge i hmuhdan?
Jeje- Maldives hi vawi 3 ngawt kan hmachhawn tawh a (SAFF Games ah te nen), an tha khawp mai. A len pawh an lian ve khawp mai.
ZF- India coach thar Armando Colaco hnuaia India team i hmuhdan?
Jeje- Kan khelh vawi khatna a ni a, coach pawh a lawm ve khawp mai.
ZF- Didika kha eng position ah nge a khelhtir?
Jeje- Right wing ah a khel.
ZF- Maldives nena in inkhelha i chance tha i thelh chungchang min hrilh thei angem?
Jeje- Ka ui khawp mai! Thelh chang te pawh a awm anga pet goal chang te pawh a awm ang.
ZF- Sunil Chhetri, i striking partner chungchang?
Jeje- Kan khel a pangai khawp mai. Kan chance neih te kha thun vek ila chu 4-1 chuan kan hneh thei ang.
ZF- Qatar nena in inkhelh tura in inbuatsaihna te? Maldives nen khan inhliam te in awm em?
Jeje- Nizanah Qatar kan thleng a. Tlai lamah hian kan practice ang. Inhliam kan awmlo.
ZF- Team line-up in siksawi angem?
Jeje- Kan thlakloh hmel, ka hre chiahlo le.
ZF- Thudang daih, Pailan Group Indian Arrows i zawm hmel em?
Jeje- India rama kan rawn haw hunah a chiang chauh ang.
ZF- India Senior team a Mizo te hak, jersey number min hrilh thei angem?
Jeje- Kei chuan 10 ka ha a, Didika’n 20, Robert-a’n 17 a ha thung.
ZF- Mizo pui te hnena thuchah duh te i nei em?
Jeje- Min lo tawngtaipui turin ka chah duh a ni
(ZoFooty hian Qatar an khelh zawh ah kawmna hun a neih remchan leh a beisei a, ZoFooty lo tlawh thintute atang khan zawhnate pawh a awm ngei beisei ila. Zawh duh zawng te chu zawt hreh lo ila. Hun te a awm chuan kan zawt ngei dawn nia)
generic for cialis
generic for cialis
Cialis uk order
Brand cialis
Mizo nih in va ti nuam thin em.. Keep ii on.
Mizo an tel atangin Indian football hi ka en thin a, a nuam khop mai. Je je hi a tha ka ti bon tops, Dika paw. UAE nen an khelh hun atan ka duhsakna sang ber ka hlan e. Pu Hawla aiin an vai hian ka ngaisang feeeeeeeeeeeee…………….
a pet kOh angem le..??? a pic en khian a pet nat hmel pangnai lol
Jeje leh chetri inkawp hi ka la hmu live lo. En chakawm khawp mai. An live hlauh cuan inhrilh ah aw.
Jeje hian han pet goal teuh se a va tha ve leee.. Duhsakna ka hlan e
Weifang Cup Squad ah khan Mizoram atangin anni unau chauh hi a ni lawm ni tel? Nunmawia’n a start phak loh pawn a hlu tho tho. Chandigarh a mi striker Sumit Passi(?) kha a that ve hmel phian.
Ni e. Zofooty hian players nu leh pa te kawmna te han nei sela a tha ngawt ang. Sawmfela te unau hi Indian U-19 Team ah an start dun em le?
Sawmfela, Lalnunmawia, Lalthlamuana, hengho hian Indai ram chu an la hruai dawn alawm. An unau zinga a te ber pawh striker ngat a ni, Mizoram aiawh in a chhuak tawh bawk. An pa Vanlalliana hi kawm chi mawle…..
Ni e. 2008, Sub Junior National kan champion khan kan striker a nia. Goal pawh a thun hnem a, player of the tournament ah an thlang nghe nghe a. Jeje a upat hnu ah chuan Sawmfelate unau in India tan an khelh ka ring….
Lalnunmawia kha Sawmfela unaupa a ni em kha?
Sunila Chhetri hi chu a la nekchuak dawn chiang alawm. Chuan a striking partner tur chu Malsawmfela a ni thuai ang……..
Jeje hi cu sunil aichuan alianzawk a,aninkawp chu live a hmuh achak awm tawh khawp mai,next match chu kan enthei tawh ang chu
Jeje hi chu India tan a la tangkai dawn chauh. Dam taka a khelh zel theih nan tawngtaina te pawh
Jeje tang zel ang che, chuan Didika leh Robert pawh…. God bless u…
Academy chhuak pwh nilo,he tiang dinhmun a thleng thei hi ka chhuang a.Mizo tan hian malsawmna ni gei rawhse.
I tawngtaipui theuh ang u. UAE nen a in khelh hun nghahhlelhawm khawp mai. Friendly match vel hi chu en tur kan nei ngai si lo. Sunil nen a Jeje inkawp hmuh a chakawm tawh e mai.
jeje hi a va han chhuanawm tak em, hun remchangah interview pangai tak rawn tichhuak thei ula, a nghahhlelawm khop mai.