Argentina midfielder hlui Juan Sebastian Veron chuan kum hnih zet football chawlhsan tawh mah se Estudiantes tana khel turin rawn let leh thei dinhmunah a ding.
Estudiantes president Juan Sebastian Veron hian nakkum Copa Libertadores-ah kum 42-a upa nichunga a inlan a nih pawhin tuna thil awm dan thlirin a mak lo ang.
Lazio, Manchester United leh Chelsea midfielder hlui Veron hian Argentine club Estudiantes chu Libertadores-a a champion hnuin May 2014 khan football khelh a chawlhsan.
Estudiantes coach Nelson Vivas chuan, “Kan formation 4-2-3-1 ah hian Veron hi a tawnhriat neih that avangin forward hnunga awm thei turah ka ngai. A rilru puthmang vangin team tichaktu a ni ngei bawk ang,” tiin Veron-a let tur thu a sawi.
South America club inelna sang ber Copa Libertadores-ah hian Estudiantes hi vawi li an champion tawh a, Argentina football league sang ber khelh mekah hmahruaitu an ni bawk.
+ There are no comments
Add yours