Zofooty chuan Lammual thar lawmna inkhel zawh ah Mizo Sports Writer zinga tha ber te zing ami Lalnghinglova Hmar (Tetea) MFA Honorary Secretary leh Vanglaini Joint Editor ni bawk chu kan kawm a. Zofooties te en theih turin kan rawn chhawp chhuak e.

Tetea’n Zofooty.com hi a hre tawh ngai em? A chhanna chu han chhiar teh le.

Mike (Admin): Zofooty hi i lo hre tawh thin em?

Tetea: Zofooty hi ka hre tawh mai ni lovin ka en thin a, tin facebook ah te khan ka join bawk a, news te pawh ka chhiar thin a, a tha ka ti a. A tha ka ti mai ni lovin ka rilru chhung ril in ka lawm takzet a.

Nangmahni hi tunge in nih ka hriat hma khan in zawnchhuah tur a ni te ka lo ti tawh a. Nakinah Mizoram Football Association (MFA) angin officially a inkungkaih a kha, a remchan leh chan loh ka hre lo, kha chu committee thu a ni a, amaherawhchu unofficial chuan thian kan ni nghal a. Kan thil tih tur zawng zawng pawh min pui turin kan sawm duh nghal a.

Keini(Mizoram football hmasawnna duhtu) tan chuan hetiang (zofooty.com) lo awm hi chu a lawmawm tak zet a ni.