Thawhlehni zan (Nilaini zing) ah Champions League playoff second leg khelh a ni a, club panga, Villareal, Bayern Munich, Dinamo Zagreb, Genk leh APOEL te chu group stage khel thei turin an inpet tling.

Yellow submarines chakna Rossi

First leg a chak lo Villareal chuan Danish club Odense OB an lo mikhual a, Rossi goal hnih leh Marchena goal hmangin 3-0 in an hneh. First leg nen belhkhawmin 3-1 in an chak a ni.

He match ah hian OB goalkeeper Stefan Wessels a che ṭha leh hle a, minute 50 chhung zet chu Villareal forward te goal thun tur a lo dansak. Mahse Italian striker Rossi goal thun hnu ah ‘home’ team hi dan rual an ni ta lo a ni. Villareal in Champions League an khel anga, OB hian Europa League an khel thung ang.

German innghahna Bayern Munich

Bayern Munich hian season hmasa-ah beisei phak lo mahse Champions League group stage khel turin an tling leh tawh a, team tawrhhlelhawm ber pawl an ni leh ngei ang. Bayern hian Mario Gomez goal hmangin khualmualah FC Zurich chu 1-0 in an hneh a ni.

First leg ah 2-0 a an chak tawh avangin Bayern dinhmun a ṭha sa tawh a, minute 7 naa Gomez-a’n a thun hnu phei chuan Zurich tan chance a awm tawh lo a ni ber. Mual neitu lam hian theihtawp chhuahin nawr ve mahse goal an thun hleithei lo a ni. Ribery leh Robben te Champions League ah kan hmu leh dawn e.

Inkhel dang

Dinamo Zagreb chu kum 12 zet an pil bo hnuah Champions League ah an lo let leh. Dinamo hi Malmo FF khelmualah 2-0 in chak lo mahse first leg ah 4-1 a an chak tawh avangin an tlang ta zawk a ni. Belgian club KRC Genk leh Macabi Haifa te inkhel pahnih belhkhawmah 2-2 a an inhnehtawk avangin penalty shootout hmanga ṭhelh an ngai a, Genk goalkeeper chuan vawihnih save in a club hi group stage a luhpui a ni.

Cyprus club APOEL chuan Polish club Wisla Krakow 3-2 (aggregate) a hnehin group stage an lut bawk.

Result kimchang

Zanin (Naktuk zinga) a inkhel turte:

Rubin Kazan vs Lyon

Plzen vs Copenhagen

Sturm vs BATE

Benfica vs FC Twente

Udinese vs Arsenal