Central YMA Final hmuhnawm takah Armed Veng chuan Chanmari West chu 3-1 a hnehin an Champion a. Ti hian Armed Veng team hi CYMA Tournament a Champion zawn hmasa ber leh Champion ngun ber (Vawi li Champion) an ni ta a ni.
Armed Veng tan hian Lalpantluanga’n minute 14-ah goal a thun a, second half-ah Lalbiakhlua’n minute 64-ah a thun belh leh a. Chanmari West in H. Lalnunzira hmangin minute 71 rawn sut mahse Lalfakzuala’n Armed Veng tan minute 75 naah a thun leh tak avangin Chanmari West tan tih ngaihna a awm ta lova. Armed Veng YMA Team chu Central YMA 2012 Champion an ni ta a ni.
Goal Sawisel theih nen first half a tawp!
Lammual atanga inkhel en tan chuan first half a Lalpantluanga thun hi a goal leh goal lohvah inhnial theih tak a ni. Mahse Mizoram a referee tha ber zing ami M.S. Dawngliana (Asst Referee) in goal-ah a phar miau si. Referee tha ber anga ngaih theih C. Lalruatkima (Mizo Collina?) chuan Assistant thu thlukna chu a pawm miau avangin a goal-ah pawm a ni a. Chanmari West tan chuan uihawm tak anih rualin Armed Veng fans tan chuan ava lawmawm dawn em!
Mahse Mizoram Commentator tha ber Francis Paul (Gerrard-a Pa tiha hriat lar zawk) chuan ZoFooty hrilhin,”Kan la fuh em a ni. A goal chiang a ni, goal line leh ball inkar-ah khan awl (Space) a awm a, chu space chu inches 3 vel lai a ni ang” tiin a sawi. Hemi anih avang hian Chanmari west fans hovin a goal ngei tih an hmuh hunah chuan an tawrh dan a zia phah ngei ang le. Chutihrualin kan referee-te pawn hma an sawn tih a lang a. Players ten hma an sawn ang zelin referee-te pawn hma an sawn a tih theih awm e.
Second half-ah Sawisel kailo Goal thum!
Armed Veng goal khatin hma hruai mahse game an thunun zawk a. An phu ang ngeiin Lalbiakhlua shot kawh tak hmangin 2-0 in hma an hruai belh a. Lalbiakhlua goal hi a mawiin a ‘class’ a sang ve hle a ni. Chanmari West in beiseina an la nei fan a, an goal thun khawl K. Lalnunzira’n corner atangin a head goal a. Chanmari West lamin beisei an nei san phah hle. Mahse Chanmari West fans-te lawm pawh ala reh lo tihin an keeper Zonunthara’n a tisual a, Long ball lo kal awmlsam taka man mai theih tur nia lang chu a position laih avangin a sawh khum a. Winger tlanchak Lalfakzuala’n keeper chu tlan pelin Armed Veng chakna goal a thun ta a ni.
Fans-te an ropui!
Chanmari West Fans an tha a, sound system nen an ri dup dup a. Boruak pawh an siam hle. Mahse sound system nei lo Armed Veng fans te an ropui lo chuang lova, Chanmari West ai mahin an thawm a ring zawk a. An jersey colour a fuh bawk nen, an fans kawr eng nena an awm suau chu an langsar ngei mai.
Coach Kawmna
Chanmari West Coach B. Lalneihsanga (Maneiha) chuan,”Champion team (Armed Veng) khan chak an phu ka tia, an kheltha zawk a ni. Mahse a goal dan khan kan player-te rilru a ti down a ni” a ti a. “A goal lovah i ngai tihna a ni maw?” tia ZoFooty zawhna chu.”Goal kha chu ka pawm thlap, inkhel thin ka ni a, referee in decision an siam chu ka pawm tur a ni. Mahse an goal thumna kha rin loh lutuk a ni a. Kan attack dawn chiah a, substitution pawh kan siam dawn chiah a. Mahse mak tak maiin a rawn goal leh a. Kha khan kan rilru a ti ‘down’ a ni. Game plan tur pawn awmzia a nei ta lo a ni” tiin ZoFooty a hrilh.
Armed Veng Coach Lalbiaksanga Colney chuan,”Champion kan phu zawk a, kawng engkimah kan chungnung vekin ka hria. Kha ai khan han hneh tlem hret ila, a hmuhnawm zawk tur” tiin fiamthu pahin ZoFooty a hrilh.
Match Summary
Chanmari West 1-3 Armed Veng
(H. Lalnunzira 71′)(Lalpantluanga 14′; Lalbiakhlua 64′; Lalfakzuala 75′)
Referee: C. Lalruatkima
Asst Referee 1: M.S. Dawngliana
Asst Referee 2: Vanlalhuma
Fourth Official: B. Lalrinkima, R. Lalfakzuala
Chanmari West
Playing XI: Zonunthara, Lalrinchhana, C. Laltanpuia, Laltanpuia, R. Zoramthara, Racy K. Lalremmawia (Yellow 51′), H. Lalnunzira, Zion Lalramluaha (Yellow 8′), Lalremruata, Lalrinzuala, R. Lalrinngheta.
Subs: Lalrempuia, Lalbiaktluanga, Lalrinsanga Khiangte, Zosangliana, Vanlalnunpuia, Lalrinsanga, Robert Zoramthara, Eric Zomuanpuia, David Vanlalpeka.
Coach: B. Lalneihsanga
Manager: C. Zonunsanga
Armed Veng
Playing XI: Joseph Zosanglura, F. Lalmuanpuia, Lalbiakhlua (Yellow 64′), Lalfakzuala, Zoremtluanga, K. Lalrinfela, Lalpantluanga, F.C. Vanlalfaka, Lalnghinglova (Mpa), Simon Lalruatkima, Lalramchullova.
Subs: Lalbiakthara, B. Vanlalngaihzuala, Albert Lalnunsanga, R. Lalnuntluanga, Ramdinmawia, Vanlalthafamkima.
Coach: Lalbiaksanga Colney
Manager: B. Vanlalsiama
cialis canada
cialis pills
cialis india
order cialis online
Free trial of cialis
Cialis online canada
Armed Veng hi hmaaaaanah kan khua tournament ah an lo chhuak ve a, defender lukawlh, ball thiam deuh, style nalh deuh kha a awm a, Armed Veng Ronaldo (brazil) kan tia kan lo au vak vak zel. 1997 vel kha a ni ta in ka hria. (Lung a leng thut alawm le).
Thianpa Bsa va chhuanawm ve, ka lawmpui khawp mai che, i thohrimna leh i tum ruhna vang a ni ka ti lo thei lo, Champion in phu e….Armed Veng mipuite ka lawmpui bawk che u….
Armed Veng mipuite pawh tun tum an champion tluka lawm hi an la nei lo maithei a ni. Section tinah veng mipui ten hmuakin an lo lawm a ni
Armed Veng ka lawmpui em eme me em che u, in pawisa hlawh a tlem ka ti em em em em em bawk, Rs 50,000 chu a veng puma beiha hlawhah chuan a va tlem ve, Vodafone pawisa pek zat chiah hriat va chakom ve
Aizawl a ka rawn awm ve zawk tuma ka thlenna Armed Veng chu ka lawmpui e.
Arm veng nge2 an ropui thin e. Ka lawmpui khawp mai. thianpa zirtea chu, goal a thun leh hram aa. lompui awm tho e, final an thleng hrim2 pawh.. An capt Etana a che bawn vak lo mi le aw.. hehe
CHuan tunge top scorer, best player, fair play award adt… hriat a va chakawm ve??
@zodina : khawiah pawh hian CHELSEA hi rawn sawi ve ziah suh. hahha i tanzawng hriat theih lutuk mai. hehe Chuan, In champion ngai lova, in champion ve chauh a, lawm pawh a awm leh tho si.hehe OT, lalroa pawh ka han kah hrep kha. hahahha
Chanmari ‘W’ hi ka tran rilru hle a, mahse voin inkhel kha chu ka thianpa min somna kha zah viau mahila ka en hman ta si lo a, an chak ta bok si lo va, poi hle mai, 1st half goal khi om ta lo se an champ tho angem?…Armed veng ka lompui e, eng Tournament poh nise, league emaw, UCL poh ni se, Champion tur hi chuan that em2 a, experience neih mai bak ah, VANNEIHNA neih tel ve hi angai thin, CHELSEA team in season liam ta khan chiang takin min entir kha 🙂
Armed Veng chu an lo va champion ngun tawh bik ve. Chanmari West ka uipui hle mai.
Preview ah khan Armed Veng in players an nei ṭha zawk ni khan i rawn ziak a, an starting XI han en khian tlem chuan an ṭha deuh zawk chu a nih khi. Ka lawmpui e.
Racy-a kha areh sia,thlak tase…Zirtea akhelin azir vakloh ni pwn athun leh tho e,Pantluanga gol in an tum ram panna kwng ati tluang,Hlutea gol ahlu,Fakzuala sual chhuah gol a fakwm zual…CW ka uipui hlemai,champion thar hmuh ka duh nen,AV ka lawmpui e
Armed Veng chu an midfield Pantluanga leh Muanpuia te kha an chakna hnar annih kha le!!Chanmari West lam khan midfield laiah awmzia an nei lo em2 chunga experience player,ball keng thei Sangliana an luhtir lo kha ka lo ui khawp mai
Veng thenawm ARmed Veng ho chu kan veng kan champion lo bawk a, lawmpui mai ang 🙂 Chuan CHanmari W te ka uipui khawp mai cheu. In kal zelna turah duhsakna ka hlan bawk a che u
Armed veng ka lawmpui e. Armed veng ‘s’ nen khan final ni zawk se, a hmuhnawm leh zual ang mawle(Chanmary west nen a hmuhnawmloh nilo in) an inhneh tawk si a. Chanmary ‘w’ ka tuarpui khawp mai. Champion thar ka lo beisei teh reng nen2 a.