Vodafone Cup Final Preview: Chanmari West vs Armed Veng

Central YMA Football Tournament 2012 Closing function chu ni 4 June 2012 (naktuk) tlai dar 2:00 hian A.R. Lammual-ah neih a ni dawn a. Final-ah hian vawithum lo Champion tawh Armed Veng leh final chu sawi loh, Quarterfinal la lut ngai lo (?) Chanmari West te an inkhel ang. Hemi ni vek chhun dar 11-ah CYMA Organising Committe leh Vodafone Staff-ten friendly match an khel dawn a ni.

Chanmari West Vs Armed Veng
Chanmari West hi team chhia tih phal rual an ni lova. Red Ribbon 2012 a Champion team Chanmari a tel Racy K. Lalremmawia leh Lalrinchhana (Etan-a) te an neih bakah Aizawl F.C. Assistant Captain (Captain?) H. Lalnunzira (Zirte-a) te an neih miau avangin veng leh vengah chuan eng team pawh hneh thei tur an ni. Chutihrualin Armed Veng hi CYMA tournament a record nei tha berte zinga mi an ni a. An champion anih nghat chuan CYMA Tournament a Champion zawn hmasa ber an nih dawn bakah Champion ngun ber an ni thei dawn bawk a ni. Tun tumah hian an player tha F. Lalmuanpuia’n (Muanpuia) a rawn ho theih bawk avangin an team hi an phuisui hle a. Hemi anih avang hian mi tam takin Armed Veng hi team tha zawkah an ngai a, player chanchin hrechiang ve ve tan chuan hei hi thil awm tak anih rualin knockout tournament-ah hi chuan sawi lawk a har. Sawi lawk theih awmchhun chu inkhel hmuhnawm tak a ni ang tih zawng hi a ni.

Coach Vs Coach
Chanmari West Coach B. Lalneihsanga (Maneiha) hi Mizoram coach lar berte zing ami a ni a. Mizoram police team pawh vawi duailo a lo champion pui tawh a. Chumai bakah 3rd Division atanga 1st Division a 3rd Bn MAP rawn hruai thleng leh tu kha a ni. Hei bakah amah hi Armed Veng a cheng anih avangin Armed Veng players-te hi a hrechiang em em a. Armed veng Coach Lalbiaksanga Colney (BS-a) pawh hi police-ah a lo enkawl tawh thin a ni. Tunah Final pawh la lut ngai lo Chanmari West final a luh pui avang hian a hmingtha tawh a, a Champion pui theih phei chuan ava hmingtha lehzual dawn em!

Armed Veng Coach Lalbiaksanga Colney (BS-a) hi chu local football a tui tan chuan hriat loh chi a ni lo ang. Mizoram midfielder tha ber zing ami a ni a. A captain-na hnuaiah Armed Veng hi 2003 khan CYMA tournament-ah a lo Champion tawh a, 2004-ah pawh final luh pui lehin final-ah hian Ramthar Veng an hneh lo a ni. Coach lamah pawh sulhnu a nei tha a, Armed Veng team hi 2010 khan a Champion pui a, chumai bakah Pachhunga College vawi hnih a Champion pui tawh a, vawi khat pahnihna a nih pui tawh bawk a ni. Tunah hian 1st MAP-ah coach angin a awm. Champion lai enkawl hi a huphurhawm a, mahse Champion lai final a luh pui leh thei a. A Champion pui leh thei anih chuan a record tluk thei ringawt pawh an awm har tawh khawp ang.
COACH KAWMNA
B. Lalneihsanga (Maneiha)/ Chanmari West
Chakna lai
Kan tanrualna hi ka chakna ber a ni. A bak hi chu han thatna em em kan nei hran lo. Kan striker pahnih Zirte-a leh Racy te hi an chak tha a, defence lamah Etan-a’n min ho thei bawk a. Chu chu kan thatna ve lai a tih theih awm e. Team hi kar khat vel chiah ka enkawl hman a, chumai bakah tournament lai pawh khan vawi hnih ka kal thei lo lehnghal a. Mahse Coaching staff dangte nen kan tangrual a, ka duh dan ka sawi a. Anni lamin ka duhna a awm thei tur player an lo thlang thung a. Kan tangrual a, hei hi kan thatna ber a ni.

Chaklohna lai
Chaklohna lai hi chu kan ngah khawp mai a, kan chakna lai lo zawng hi chu kan chaklohna lai a ni mai.

Mahni Veng nge i team enkawl Chanmari West Champion tura i duh?
Team ka nei a, ka team enkawl hi Champion se ka duh. Kan veng mipuite pawhin min hriatthiam ka ring. International level-ah pawh mahni Coach tam takin mahni ram an tum fo a, tuman an dem ngai lo. Tunah pawh hian Chanmari West hi Champion pui ngei ka tum.

Armed Veng Team i hmuh dan.
Armed Veng hi an tangrual a, vengchhung chanchinbu-ah te pawh nasa takin an tarlang a. Team tan pawisa te pawh an khawn a, Armed Veng YMA member ka nih angin kei ngei pawhin ka thawh a, vengchhung mipuite pawh an tang em em bawk. Chumai bakah team tha tak an nei a, kan in bul mai anih avangin an practice hi ka en fo va. Player an nei tha a. An coach BS-a hi ka enkawl tawh a, player tha tak anih mai bakah a administration hi a tha a. Tunah pawh hian fak a phu ka ti a.

Prediction
Champions League Final-ah mi tam zawkin Bayern Munich Champion an ring vek a, mahse Champion chu Chelsea an ni thung. CYMA Final-ah pawh hian Armed Veng hi mi tam zawkin an ring a, mahse kei cuan Chanmari West kan Champion ka ring.

Duh duh sawina
CYMA-in hetiang tournament an siam hi a tha ka ti khawp mai. Mizoram Football Association (MFA) tournament siam-ah hi chuan Mizoram player zawng zawng an tel thei lova. Registered player te chauhvin an khelh theih avangin duh angin a hlawk thlak lova. Mahse CYMA-ah hi chuan Branch hrang hrangin vengchhungah selection-te an nei a. Talent phochhuahna tha tak a ni. Tih chhunzawm zel tlak niah ka ngai.

Lalbiaksanga Colney (BS-a) / Armed Veng

Chakna lai
Winger leh Striker hi kan chakna lai tak a ni.

Chaklohna lai
Midfield lai hi kan that dan a inrual lo deuh a. Chu chu a kan chaklohna lai chu a ni e.

Chanmari West team hmuhdan
An inkhel hi ka la en miah lova, SemiFinal-ah khan ruah a sur nasa lutuk a, an inkhel pawh ka en theilo. Mahse an player Etan-a hi police lama ka player a ni a, ka huphurh hran lo e.

Veng Inpuahchhahna
Nia, kan inpuahchah tha khawp mai, banner-te kan siam a, keipawh ka han kal ve a, in ka thleng chiah a ni.

Prediction
Kan chak chu ka ring.

Duh duh sawina
Khua tha se ka ti khawp mai. Khua a thatloh chuan duh angin a khelh thei lova, ball a lo tleng chak bawk nen. Kan inpuahchahna anga kan khelh theihnan khua a that a ngai a ni.

TLANGKAWMNA
Coach pahnih ten kawmna hun tha tak min pek avangin an chungah kan lawm a. Final an khelhna turah pawh duhsakna kan hlan e.

 

15 thoughts on “Vodafone Cup Final Preview: Chanmari West vs Armed Veng

  1. Pingback: goodrx cialis

  2. Pingback: cialis coupon walmart

  3. Pingback: Real cialis without prescription

  4. Dinga

    Chapion tur chu vannei zawk zawk an ni ang…..chutih rualin Champion hmelthar hmuh a chakawm khawp mai…. Fans nei tha ve ve an in nuai dawn a, a hmuhnawm khawp ang.

  5. laipuichhuanga

    Keipwh champ th aicuan chmpion hml thar hmuh gei ka duh e,gaihnwm hlemai,Cpt 2 te khlmual chhungah an hna an tlin dun kati,an fakwm,chuan,AV lo champ tase Maneiha tan a lwmna a kal ve a inthlahrunwm duh phian anga…te ka ti mai2

  6. hminga

    Tin, Chanmari West Team hi naupang rual tak tak an ni a an zavai hian Home grown Players vek an ni Ground nei lo veng ah chuan kan thlen chin hi ropui tak ani

  7. hminga

    Chanmari West hi vawi 1 Quarter Final kan lut tawh 2002 bawr vel aniang keipawh ka khel Vaivakawn kan hneh lo, Tunah hian kan veng rau rau ah Team tha tak kan nih lai ani lem lo mahse Team Spirit a tha a Final hi kan lut a ni,Armed Veng hi kan huphurh takzet Champion kan chak ve tawh si hui ha

  8. Frank

    Ava ngaihnawm ve aw! Armem veng an champion chuan kan veng chuan kan va ui dawn ve! CYMA Football Tournament hi neih zel nise, a engngemaw ropui bik tlat (Mizoram chhung)

Leave a Reply

Vodafone Cup Final Preview: Chanmari West vs Armed Veng

Central YMA Football Tournament 2012 Closing function chu ni 4 June 2012 (naktuk) tlai dar 2:00 hian A.R. Lammual-ah neih a ni dawn a. Final-ah hian vawithum lo Champion tawh Armed Veng leh final chu sawi loh, Quarterfinal la lut ngai lo (?) Chanmari West te an inkhel ang. Hemi ni vek chhun dar 11-ah CYMA Organising Committe leh Vodafone Staff-ten friendly match an khel dawn a ni.

Chanmari West Vs Armed Veng

Chanmari West hi team chhia tih phal rual an ni lova. Red Ribbon 2012 a Champion team Chanmari a tel Racy K. Lalremmawia leh Lalrinchhana (Etan-a) te an neih bakah Aizawl F.C. Assistant Captain (Captain?) H. Lalnunzira (Zirte-a) te an neih miau avangin veng leh vengah chuan eng team pawh hneh thei tur an ni. Chutihrualin Armed Veng hi CYMA tournament a record nei tha berte zinga mi an ni a. An champion anih nghat chuan CYMA Tournament a Champion zawn hmasa ber an nih dawn bakah Champion ngun ber an ni thei dawn bawk a ni. Tun tumah hian an player tha F. Lalmuanpuia’n (Muanpuia) a rawn ho theih bawk avangin an team hi an phuisui hle a. Hemi anih avang hian mi tam takin Armed Veng hi team tha zawkah an ngai a, player chanchin hrechiang ve ve tan chuan hei hi thil awm tak anih rualin knockout tournament-ah hi chuan sawi lawk a har. Sawi lawk theih awmchhun chu inkhel hmuhnawm tak a ni ang tih zawng hi a ni.

Coach Vs Coach

Chanmari West Coach B. Lalneihsanga (Maneiha) hi Mizoram coach lar berte zing ami a ni a. Mizoram police team pawh vawi duailo a lo champion pui tawh a. Chumai bakah 3rd Division atanga 1st Division a 3rd Bn MAP rawn hruai thleng leh tu kha a ni. Hei bakah amah hi Armed Veng a cheng anih avangin Armed Veng players-te hi a hrechiang em em a. Armed veng Coach Lalbiaksanga Colney (BS-a) pawh hi police-ah a lo enkawl tawh thin a ni. Tunah Final pawh la lut ngai lo Chanmari West final a luh pui avang hian a hmingtha tawh a, a Champion pui theih phei chuan ava hmingtha lehzual dawn em!

Armed Veng Coach Lalbiaksanga Colney (BS-a) hi chu local football a tui tan chuan hriat loh chi a ni lo ang. Mizoram midfielder tha ber zing ami a ni a. A captain-na hnuaiah Armed Veng hi 2003 khan CYMA tournament-ah a lo Champion tawh a, 2004-ah pawh final luh pui lehin final-ah hian Ramthar Veng an hneh lo a ni. Coach lamah pawh sulhnu a nei tha a, Armed Veng team hi 2010 khan a Champion pui a, chumai bakah Pachhunga College vawi hnih a Champion pui tawh a, vawi khat pahnihna a nih pui tawh bawk a ni. Tunah hian 1st MAP-ah coach angin a awm. Champion lai enkawl hi a huphurhawm a, mahse Champion lai final a luh pui leh thei a. A Champion pui leh thei anih chuan a record tluk thei ringawt pawh an awm har tawh khawp ang.

COACH KAWMNA

B. Lalneihsanga (Maneiha)/ Chanmari West

Chakna lai

Kan tanrualna hi ka chakna ber a ni. A bak hi chu han thatna em em kan nei hran lo. Kan striker pahnih Zirte-a leh Racy te hi an chak tha a, defence lamah Etan-a’n min ho thei bawk a. Chu chu kan thatna ve lai a tih theih awm e. Team hi kar khat vel chiah ka enkawl hman a, chumai bakah tournament lai pawh khan vawi hnih ka kal thei lo lehnghal a. Mahse Coaching staff dangte nen kan tangrual a, ka duh dan ka sawi a. Anni lamin ka duhna a awm thei tur player an lo thlang thung a. Kan tangrual a, hei hi kan thatna ber a ni.

Chaklohna lai

Chaklohna lai hi chu kan ngah khawp mai a, kan chakna lai lo zawng hi chu kan chaklohna lai a ni mai.

Mahni Veng nge i team enkawl Chanmari West Champion tura i duh?

Team ka nei a, ka team enkawl hi Champion se ka duh. Kan veng mipuite pawhin min hriatthiam ka ring. International level-ah pawh mahni Coach tam takin mahni ram an tum fo a, tuman an dem ngai lo. Tunah pawh hian Chanmari West hi Champion pui ngei ka tum.

Armed Veng Team i hmuh dan.

Armed Veng hi an tangrual a, vengchhung chanchinbu-ah te pawh nasa takin an tarlang a. Team tan pawisa te pawh an khawn a, Armed Veng YMA member ka nih angin kei ngei pawhin ka thawh a, vengchhung mipuite pawh an tang em em bawk. Chumai bakah team tha tak an nei a, kan in bul mai anih avangin an practice hi ka en fo va. Player an nei tha a. An coach BS-a hi ka enkawl tawh a, player tha tak anih mai bakah a administration hi a tha a. Tunah pawh hian fak a phu ka ti a.

Prediction

Champions League Final-ah mi tam zawkin Bayern Munich Champion an ring vek a, mahse Champion chu Chelsea an ni thung. CYMA Final-ah pawh hian Armed Veng hi mi tam zawkin an ring a, mahse kei cuan Chanmari West kan Champion ka ring.

Duh duh sawina

CYMA-in hetiang tournament an siam hi a tha ka ti khawp mai. Mizoram Football Association (MFA) tournament siam-ah hi chuan Mizoram player zawng zawng an tel thei lova. Registered player te chauhvin an khelh theih avangin duh angin a hlawk thlak lova. Mahse CYMA-ah hi chuan Branch hrang hrangin vengchhungah selection-te an nei a. Talent phochhuahna tha tak a ni. Tih chhunzawm zel tlak niah ka ngai.

Lalbiaksanga Colney (BS-a) / Armed Veng

Chakna lai

Winger leh Striker hi kan chakna lai tak a ni.

Chaklohna lai

Midfield lai hi kan that dan a inrual lo deuh a. Chu chu a kan chaklohna lai chu a ni e.

Chanmari West team hmuhdan

An inkhel hi ka la en miah lova, SemiFinal-ah khan ruah a sur nasa lutuk a, an inkhel pawh ka en theilo. Mahse an player Etan-a hi police lama ka player a ni a, ka huphurh hran lo e.

Veng Inpuahchhahna

Nia, kan inpuahchah tha khawp mai, banner-te kan siam a, keipawh ka han kal ve a, in ka thleng chiah a ni.

Prediction

Kan chak chu ka ring.

Duh duh sawina

Khua tha se ka ti khawp mai. Khua a thatloh chuan duh angin a khelh thei lova, ball a lo tleng chak bawk nen. Kan inpuahchahna anga kan khelh theihnan khua a that a ngai a ni.

TLANGKAWMNA

Coach pahnih ten kawmna hun tha tak min pek avangin an chungah kan lawm a. Final an khelhna turah pawh duhsakna kan hlan e.

 

Leave a Reply