WAVE-ZoFooty Fantasy Premier League boruak a hot

Premier League en tinuamtu, tan loh zawngin an pet goal pawha minti nui ver vertu leh kartawp min nghahhlelh tir thintu WAVE-ZoFooty Fantasy Premier League chu a tawp hnai ta hle. Gameweek li chauh khelh tur a awm tawh chungin champion tur a la hriat loh a, Gameweek 34 zawhah Johnny Ralte chu hmahruaitu a ni.

Gameweek 35 hi July 11, Inrinni hian khelh tan a ni dawn – tlai dar 4:00 thleng squad a siksawi thei a, lawmman dawng pha chin kha chuan theihngilh hmiah suh u. Fantasy khel thang chuan player pahnih khat thlak theihngilhin point a tih danglam theih zia kan hriat vek kha.

ZoFooty Admin atang chuan ngaihdan sawi huai a har rih viau. Admin league bika point hmu sang ber VALJEAN (Lalhmachhuana) hian point 1995 la hmu chauhin ZoFooty League-ah 24-na a ni pha chauh. Chutichung chuan Gameweek 35 tan tips tlem kan han tarlang hram ang e.

Liverpool-in Champions League emaw FA Cup emaw khelh tur an nei tawh lo a, Jurgen Klopp-a tan player hahchawlhtir a tul tawh lo – Mohamed Salah atanga Virgil van Dijk thlengin a hman ngam vek. Manchester United an che tha tluang em em, chuvangin United tantu lo pawhin player United player pathum neih a tul ang.

Chelsea hian Sheffield United an tlawh dawn a, Blades-in keeper Dean Henderson kawl mah se Christian Pulisic leh Willian te hi tun hnaia an chet dan thlir chuan dah tel dan zawn a tha. Manchester City erawh an chak chiang leh viau ang, mah se Pep Guardiola hian squad a siksawi nasat thin avangin first eleven tur hriatthiam a har thin.

A hre zawk vek in ni e. Comment lamah ngaihdan han sawi zui ula.

A sang pathum


1. JRalte (Johnny Ralte) – 2135
2. Galacticos (Vanlal Peka) – 2119
3. Fc Chewbacca (zoremsanga zote) – 2119