International Football kar hmasa lam ah khelh a ni a, India ram ah Messi in min hip viau na chung in kar khat min han chawlhsan meuh chuan kan lung a leng hman a ni e!! Tunkar ah inkhel a awm leh dawn ta a, inkhel tur te i thlir ho ang u :

September 10,2011 (Saturday) :

Arsenal(17-na) vs Swansea City(15-na) @7:30pm:
Season bul an tha lo Arsenal leh kaithar Swansea te an intum dawn a, Arsenal hi Man utd in 8-2 a an sawp hnu ah player thar JY Park,Arteta,Martesacker,Benayoun te an la lut a, hei hian club lian leh te inkhel tur mah nise Arsenal khel en a ti chakawm a, an player thar te hi an rinrawl an nih nghal dawn avangin inkhel tuimi te leh expert te bengkhawn ber a nilo thei lo. Kaithar zing ah Swansea hi team member in thlak danglam lo ber a ni a, Man City in an sawp hnu ah point 2 game 3 ah an hmuh ve theih mai avang in team inring tawk leh inman tak an ni tih a hriat theih awm e. Arsenal inhliam an tuar a Wilshere,Vermealen te inkhel theilo langsar zual an ni. Gervinho,Frimpong leh Jerkinson te hrem vangin an khel thei lo bawk ang. Emirates Stadium a inkhel tur an ni a, Arsenal hi chak ngei tur a beisei nimahse team thar indin ang deuh an nih na lai a awm a, chu tak chu Swansea tan chance tha a ni thung a. Inkhel hmuhnawm tak beisei ang.
Man-to-Watch : Arteta

Everton(7-na) vs Aston Villa(11-na) @ 7:30pm:
Everton leh Aston Villa intum tur hi Boxing chu ni se Light Middleweight (Pacquiao vs Marquez!!) ang vel in a ngaih theih awm e.! Season tin ah chetha pawl leh top half vel a awm thin team an ni ve ve a, Big club kan tih te pawn an home ah chuan an chei hleih theihloh te an ni fo. Everton home Goodison Park a khelh tur a ni a, an ni club pahnih hi tha ve takin in form thin mahse sum leh pai vang in an player tha te an chan fo a, Aston Villa in an playmaker pahnih Young leh Downing an chan a, Everton in Arteta an chan bawk.Everton in Baines inhliam vang in an chhawr thei dawn lo va, Aston Villa erawh inhliam langsar an nei lo thung,an player thar N.Zogbia khel en a chakawm tawh hle. In hneh tawk tak tur an nih a rinawm a Everton home a nih vang in Everton an dinhmun a tha hret mai thei. A squad en chuan Aston Villa pawh chak zawk tur a beisei theih tho chu a ni.
Man To Watch: N Zogbia

Manchester City(2-na) vs Wigan Athletic(8-na) @7:30pm:
Man City home Etihad Stadium a inkhel tur ah Wigan hian EPL bul an tan that ber kum an hman an chhunzawm thei ang em? Man City stiker Dzeko hian match 3 ah goal 7 a khung der tawh a, Joe hart vawi 2 a clean sheet tawh bawk.Wigan pawh an duai biklo a match 3 ah vawi 2 in draw tawh in vawi 1 an chak tawh bawk.Tun season a chakloh la nei lo ve ve an ni a, chaklohni hmu hmasa zawk chu an awm ngei chuan a rinawm! Man City in an game flow an la vawn nun chuan chak ngei tur a beisei sa an ni a, amaherawh chu International break hian player tam tak that tluan lai a tih tawp ve fo avang in Wigan pawh dah hniam chi an ni bik lo ang.
Man to Watch : Edin Dzeko

Stoke City(9-na) vs Liverpool(3-na) @7:30pm :
Britannia Stadium ah EPL vawi 3 inkhelh tawh ah Liverpool hi vawi khat mah an la chak ngailo a, vawi 1 chak lo in vawi hnih an indraw tawh. Stoke City hi an playmaker leh throw na tak R Delap a inhliam vang in a khel thei lo tur chu channa nasa tak a nih hmel a, chutih laiin Liverpool pawh right back 2 Johnson leh Kelly an inhliam a sir dinglam phuah chawp a ngai dawn a,Johnson hian training a zawm leh tawh a,a khel thei tho maithei bawk.Central midfielder tha Gerrard inhliam a kir hman a rinawm loh a,chutih laiin Adam erawh a khelh theih mai beisei a ni. Kenny Dalglish a hnuai a harhtharna chang Liverpool hian away a an chak theihlohna thin Emirates Stadium an paltlang tawh a, Britannia Stadium an paltlang leh chuan King Kenny tan duhthusam a ni ngei ang, amaherawh chu striker pasang Jones,Crouch ten Stoke tar hma an luah dawn a, Liverpool defender te tan an hnawk tham khop ang.An defender tha Showcross,Huth leh Woodgate te a tlar hnung lam ah palian an nih ve leh tho bawk avang in pet goal chak a tui hal reng mai Suarez tan hna lian tham a tlin a rinawm ve tho bawk.
Man to Watch : Luis Suarez

Sunderland(13-na) vs Chelsea(4-na) @7:30pm :
Tun season ah Chelsea hian result nei mahse an game en in beisei an pha lo va home ah game 2 chak in away game 1 ah an draw tawh a, Chelsea game kan beisei thin an la pha lo deuh! Chutiang in Sunderland pawh an khel tha biklo va, Home ah vawi 1 an chaklo tawh a,away ah vawi 2 an draw tawh thung. Season hmasa ah Stadium of Light ah hian Sunderland in 3-0 in Chelsea an lo mikhual tawh a,kha mi hnu ah Chelsea an tlak hniam phah chho a nih kha. Amaherawh chu season thar a ni a, player leinan sum an hmang ve ve a, Sunderland tlar hnung lam ah Manchester Team B ang deuh tho in West Brown leh Oshea te experience nei an ding dawn a. Torres leh Drogba an form loh lai in Malouda leh Anelka an form thung a, lei thar Mata a chetthat bawk avangin Chelsea tan huphurhawm in a lang lo. Mahse, game a ni a ,season tir phur lai a nih bawk avang in hemi te pahnih inkhel tur hi hmuhnawm tak a nih a rinawm.
Man to Watch :Malouda

Wolverhampton(5-na) vs Tottenham(20-na)@7:30pm:
Tun season a chak loh la neilo Wolves leh chak la neilo Tottenham an intum dawn a, Season hmasa tawp lam ah Wolves khelmual ah hian tlak hlau Wolves leh UCL khelh tum Tottenham te 3-3 in an lo indraw tawh a, kha game kha match hmuhnawm tak a ni ngei mai. Tun season ah an dinhmun dang mahse Tottenham tum hmasak pahnih te kha Man Utd leh Man City an nih vangin an fixture a fuhlo a tih theih awm e.Vander Vaart leh Lennon inhliam tel lo va khel tur Tottenham midfield a thawl dawn in a lang a, Wolves in inhliam langsar an nei lo va, season bul an tan tha bawk a an phur hle a rinawm. Inkhel inhnehtawk tak a nih a beiseiawm.
Man to Watch : Ebanks-Blake

Bolton(10-na) vs Man Utd(1-na) @10:00pm:
Man Utd in Reebok Stadium ah an zin dawn a, season hmasa ah 2-2 a an inhneh tawk hram na khelmual ah kal tur an ni a. Game hmasa a Arsenal suasam tu zing a mi Welbeck a khel thei dawn lo va chutih laiin an Devils pahnih Rooney leh Young ten an form chhawm nung zel in International lam ah England tan an khel tha em em tho avang in beiseina sang tak nen an kal ngei ang.Bolton innghahna tur chu Petrov leh Klasnic a ni dawn a, defensive game khel thiam lo an ni avangin an nawr ngei dawn a, Man Utd lam in a game pangngai in Cleverly in a lai a kaikhawm ang a, Young leh Nani in wing atang in ball an lakluh leh ngei a rinawm,Man Utd innghahna tur erawh Rooney a ni ngei ang.
Man To Watch : Rooney

September 11,2011 (Sunday) :

Norwich(14-na) vs West Brom(18-na) @6:30pm :
Epl kaithar Norwich in chetha lo West Brom an mikhual dawn a, team inhnehtawk tak tur an nih a beiseiawm.West Brom Striker leithar Shane Long in mit a la leh dawn a, club lian pahnih Man Utd leh Chelsea lak a pet goal thei ngat a nih avangin a confidence a sang tawh khop ang. Norwich pawh point 2 hmuthei khop in an tha ve tho a, intum tawk tak an ni ngei ang.
Man to Watch : Shane Long

Fulham(16-na) vs Blackburn(19-na) @8:30pm :
Craven Cottage a inkhel tur in Blackburn an zin chhuak dawn a, mikhual chung a that chhuah vak ngailo leh an home a che thei tak Fulham hian Blackburn hi a hlau loh a rinawm sa a, chutih laiin Blackburn in season tan tir duhawm lo an hmang mek thup mawina tur in result hawn ngei an tum a rinawm bawk. Team lian lak ah chetthat chang nei ve ve thin,mahse league table a sang hleithei lo ve ve an ni a, Fulham in home advantage nei mahse Blackburn ho hi Pedersen leh yakubu ten an rawn ho dawn a, game inhneh tawk tak a nih a beisei awm.
Man to Watch : Dempsey

September 13,2011 (Teusday) :

QPR (12-na) vs Newcastle (6-na) @12:30pm:
Joey Barton vang in he inkhel hi a hmuhnawm dawn tih a chiang a, Newcastle bad boy in a club thar QPR a zawm hnu a, a inkhelh leh hmasak ber tur ah Newcastle a hmachhawn dawn a, hei hian inkhel a ti tang dawn. QPR hian neitu thar hnuai ah player tha an lei nual a, chutih laiin Newcastle in an player pawimawh tak tak an hralh chung in tun ah league ah an dinhmun a tha viau thung a. Game inhnehtawk tak a ni a beisei awm. Chutih rual in QPR player thar te rinrawl an neih hmel a, game balance tak hmuh a la inbeisei awm chiah lo.
Man To Watch : Best