Edin Dzeko tauh luh hmangin Manchester City chuan DW Stadium-ah Wigan Athletic an hneh a. Dzeko in goal a thun ve tawhna inkhel pakua ah an la chak vek a ni.
Minute 22 naah David Silva freekick pet chu Bosnian Striker palian chuan a lo head goal a, hei hi Man City chuan an chakpui ta a ni.
Tun Season a keeper langsar ber zing ami Ali Al Habsi pawh a kheltha leh hle a, Edin Dzeko, David Silva, James Milner leh Sergio Aguero ten City tan chance tha an thelh. Wigan defender Maynor Figuero in halfway line-ah Aguero clear chance tur a lo ben thlak yellow card chauh a hmu chu a awmlo hle bawk.
Wigan lam tan James McArthur leh James McCarthy ten chance tha tak tak an nei a, mahse England leh City keeper Joe Hart an paltlang thei tlat lo. Joe Hart hian tun premier league-ah clean sheet vawi 9 a nei ta chiah a, clean sheet nei ngah lamah Swansea City keeper Michel Vorm a tluk ta chiah a ni. Hugo Rodallega in Joleon Lescott tihsual a hmang tangkai lo te leh Gareth Barry in Jordi gomez a tihthluk penalty an peklo te chu Roberto Martinez a pawlte tan chuan uihawm tak a ni.
Manchester City tan David Silva a rawn khelh leh tawh avangin an game flow pawh a dik leh tawh hle a, Cup (FA Cup leh League Cup) a vawi hnih an chak loh zawn hnua an chak lehna anih avangin Roberto Mancini chuan lawmloh chi a nilo. He chakna vang hian an thenawm club Manchester United aiin point thumin an sang phah a, a chaklo zawk Wigan Athletic erawh a mawngphah ah an awm thung. Wigan hian Bolton point 1 in an la pha lo a ni.
Wigan starting line-up first: Al Habsi; Stam, Alcaraz, Caldwell, Figueroa; McArthur, Gomez; Crusat, Moses, McCarthy; Rodallega Subs: Pollitt, Gohouri, Boyce, Watson, Di Santo, McManaman, Sammon
Manchester City starting line-up: Hart; Zabaleta, Savic, Lescott, Clichy; Milner, Barry; Silva, Aguero, Nasri; Dzeko. Subs: Pantilimon, Kolarov, Onuoha, Rekik, Johnson, Hargreaves, De Jong
Match Statistics:
Season top ah chuan ti hian a ni dawn….
1. ManU
2. ManC
3. TotHa
4. AraN
Chelsea an tel lo phot.
Tunkar chu, result pakhat chiah ka’n rin dik chu le.. 6pts bak ka pel dawn lo tlats 🙂
Man utd in medal an awrh tur hi an hnungah rawn um zel r’uuu
Nasri chu sum um tih takah a reh tawh khawp mai….
Manu in medal an wrh leh ai cuan city talin wrh zwk se pwilo.chelsea pwn kan la um zel dwn e.
Silva hichu a tha ngawt mai_.. Prediction ah erawh tun GW chu Ramenga leh Hlups Hauhnar ang vel ka ni… ka nawi tlat mai tun GW chu…hahaaiss