Pathianni zantirah Champions League leh FA Cup champion lai Chelsea chuan Barclays Premier League 2012/13 a an match hmasa ber an khel ve ta a, Branislav Ivanovic leh Frank Lampard te goal hmangin DW stadium ah Wigan Athletic si hnih faiin an hneh.
Tutenge khel?
Chelsea tân player thar Eden Hazard chu a tir aṭangin a lût a, Oscar chu substitute bench ah a awm bawk. Wigan hian Chelsea-a lût tur nia sawi Victor Moses an luhtir a, Chelsea player hlui Franco di Santo pawh a khel a ni.
Wigan (4-5-1): Al Habsi; Boyce, Alcaraz, Caldwell, Figueroa; Maloney (Jordi Gomez 48′), McArthur (Watson 80′), McCarthy, Ramis, Moses; Di Santo (Kone 67′).
Chelsea (4-2-3-1): Cech; Ivanovic, David Luiz, John Terry, Ashley Cole; Lampard, Mikel; Eden Hazard (Oscar 64′), Juan Mata (Meireless 82′), Bertrand; Torres.
Minute 7 chhungin Chelsea goal hnih
Inkhel an ṭan deuh chiah a, minute 2 lekah Chelsea hian counter attack rang tak aṭangin goal an thun nghal. Field laia ball changtu Eden Hazard chuan mawi lutukin Ivanovic through ball a pe a, Ivanovic hian lei hrulah a pet goal. Minute 7 a ni a, Hazard bawk a langsar leh a. Wigan penalty box chhungah a tal hrep hnuin tihtluk a ni a, penalty a hlawhchhuak. He penalty hi Frank Lampard chuan chiang zetin a pet goal a, minute 7 lekah 2-0 in Chelsea in hma an hruai der. Hazard hian Premier League-a a match hmasa berah assist 2 a nei nghal a, inkhel tirlama Chelsea player ṭha ber a ni.
Goal hnih an thun hnuah Chelsea an inthlahdul hret a, Wigan in hlauhawm tak tak chiah si lovin ball an inpekual nasa a, Shaun Maloney leh Victor Moses te an langsar. Minute 18 ah di Santo chuan hnai angreng tak aṭangin a head goal lo a, di Santo bawk hian first half tâwp dawnah chance ṭha tak a hlah bawk. Wigan player ten Hazard an inpetthluk siak emaw tih turin a tlu ngun a, team pahnihte striker te an langsar vak lo ve ve a, first half hi chu inkhel hmuhnawm tak a ni lem lo.
Second half ah a teuh ral
Rinlawk ang ngeiin second half-ah Wigan in an siphurh sût tumin an nawr a, mahse box chhunga an ball cross ṭha tak tak chu Chelsea defender ten an lo head khalh thei zel. Midfield a tâwt a, striker te an mal dun hle a, hun engemawchen chu chance mumal sawi tur awm lovin an indang tawn a ni.
Minute 64 ah Torres chuan Wigan defender tlanpelin keeper Al Habsi man hman lohin goal ah a pet a, a goal ngei tawh dawn emaw tih hnuah Wigan defender in goal line bul aṭangin a petchhuak hman hlauh. Hemi hnu lawk hian Santo shot chu ṭha takin Cech chuan a lo dang bawk. A tâwplamah a hmuhnawm tur zawng zawng an khêk emaw tih turin hemi hnu hian goal chance a tam a, Hazard thlâktu Oscar chuan Wigan defender a bum hnuah a pet goal teuh hle a, minute 71 ah Wigan tân Jordi Gomez chuan a head goal teuh hle bawk.
Wigan in an siphurh sût tumin an nawr a, counter attack ah Chelsea an hlauhawm zauh zauh bawk. Minute 83 ah substitute Kone chuan a head goal teuh hle a, hemi hnu lawk hian Jordi Gomez chuan penalty box chhung aṭangin a pet goal teuh hle bawk. Wigan tân field sirah Moses a khel ṭha takmeuh a, awlsam takin Ivanovic leh Ashley Cole te a tlanpel leh mai ṭhin. A ball cross in duhthu sam lo deuh ṭhin mahse Wigan player hlauhawm ber a ni.
Chelsea captain John Terry a khel ṭha a, a hun takah awmna tur dik takah a awm thei zel a, ball a petchhuak hnem malh malh hle. Huntawp dawnah David Luiz chuan freekick aṭanga ball lo kal chu Wigan keeper a head per a, Torres leh Oscar te an che hlauhawm viau bawk. Inkhel a tâwp zui a, Chelsea in point 3 an hmu a, goal thun belh theihna chance an nei nual bawk. Wigan player te an thawkrim a, Chelsea an chai theihzia ngaihtuahin an khelhdanah manager Roberto Martinez a lungawi khawp ang.
Sawizui ila
Chelsea hi kum 1998 aṭangin season thara an game hmasa berah hneh loh an la nei ngai lo a, tun season ah pawh big six zinga chak hmasa ber an ni leh ta. Chelsea player thar pahnih, Eden Hazard leh Oscar te an khel ṭha a, inkhel tirlamah Hazard a langsar a, Oscar luh hnuah Chelsea khel a hmuhnawm sawt a tih theih. Anni pahnih khelh danah Chelsea fans te an lungawi ang a, Marko Marin khelh theih hun an nghakhlel tawh khawp ang le.
Wigan Athletic hmatâwngte finishing a ṭha tawk lo a, a goal tawh dawn emaw tih hnuah an ṭhelh leh ṭhin. Chelsea aiin goal shot an ngah zawk a, mahse an shot tam zawk hi goal mouth pawnah a kal a, Chelsea Pter Cech an tibuai tam lo. Anmahni tiatpui club an khelh hunah, Chelsea an khelh anga an khel thei a nih chuan ngaihtuahawm lutuk an ni dawn lo e.
Statistics:
cialis 20
printable cialis coupon
Price viagra
Real viagra
Kan champ20n dawn tho tho.
Hurray 🙂
Ava nuam em..
Oscar hi Olympic ah khan a khel ka en fuh thei khawp mai. A thiam mai piahlamah, goal a thun thei em em a, a tlanchak leh cherang lutuk kha a hmuhnawm thlawt a ni. Champion tur chuan bul tanthat a ngai tlat. An khelhlai hian current kan neilo leh pek a, United fan an duty leh aniang.haha
Kan chak zo ve ta si lova, Chelsea chu an champion ngei ava rinawm ve.
Harzard kha rin aiin a che thei phian, Oscar kha chu a khel tha dawn tih chu ka chiang sa reng a, Chelsea chu an huphurhawm leh tawh khawp mai.
Rin lawk ang ngeiin kan chak e.. mahse, season hmasa ang bawka kan game a la inthlak loh avangin kan khel a hmuhnawm teh chiam lo.. hma kan sawn zel ang chu.. Chak leh hrut hrut ila ni mai
a hmuhnawm khawp mai..mahse ka duh aiin goal an thun tlem ka pawl ten.
Ivanovic gol leh anthun theihna tura movement kha adak thlarh2 khp mai,Torres ani ang tih ahlauhwm,a che chukchu leh ngei awmsia,lo chhinchhiah in wm mial takin tunhnai season ah Chelsea leh Wig hi league match tanni emaw tawpni ah emw hian an insu thei riaua ka hriat ve mai2 chu,adik em aw???
Hazard han that zia kha o. Ivanovic hi chu ka player chuam a ni ve hrim hrim a, first goal tur an passing kual a, a lo tlan that zia kha. fantasy-league ah pawh ka captain ani ngat ania.
Chelsea away jersey thar hi a nalh reuh khop mai.. Alien te pawh an ang Drogba khan ha se ka van ti tak..Lukaku hak pawh ka hmu chak 😀
Post sei viau nain, ka chhiar chhuak dapa, post tha tak ani e, a ngaihnawmin inkhel en ai mahin a chiang zawk in ka hria, Eden Hazzard leh Oscar te hi an tlangnel nghal hle mai, player thatak zawng an lo ni e. Mahse match tam tak an la hmachhawn dawn a eng tak ang zel ang maw! I lo thlir zel phawt mai teh ang..
city poh an chak e, Chelsea khel a nawi angreng, Oscar kha khel regu ta se,lampard ai ah ramirez khel ta bok se, mikel nen a holding midfld ah om in an hma ah mata-Oscar-hazard kha om ta se a fuh viau mythy a ni, an chak a lwm om re2 e, tue zan nghak leh phot ang 🙂