Jack Wilshere leh Emmanuel Frimpong te chu rei tak inhliam avanga, an chawlh hnuah Arsenal 1st team training an zawm ve leh ta. Wilshere hian August 2011 thla khan Pre-season friendly match ah a ke artui a ti hliam a season hmasa tluan a khel thei lo a, Frimpong hian january thla khan a khup a tina a, May thla ah tha takin an zai a ni.
Arsene Wenger chuan “Wilshere hi thla 14 ngawt mai inhliam avangin a chawl a, a ni ang kum (20) tan chuan chatuan tluk a rei a ni thei hial awm e, a rawn kir leh thei hi club tan chanchinthar lawmawm tak a ni, a ni hi uluk tak in training season kan neih pui dawn a, a tha chak nge chak lo tih te en phawt a ngai dawn a, he training hi a pawimawh hle dawn” ti in a nau chu uluk tak a enkawl a tum dawn a ni.
Frimpong chungchang ah chuan ” Frimpong pawh rei tak a chawlh hnuah kan zing ah full training a rawn nei leh thei tawh a, a lawmawm hle a ni. Hma pawh a sawn chak hle a ni” a ti bawk. Frimpong hi season hmasa ah Wolves ah loan in a chhuak a, a khup a va ti hliam zui ta a ni.
Arsenal in transfer period ah player tha tak tak Cazorla,Podolski leh Giroud te an la a, an captain Van Persie in an hmelma club Man Utd ah kalsan mahse la tun dinhmunah an chhiat phah lo a, Premier League leh UCl an match hnuhnung ah te an khingpui an hneh ve ve a, Wilshere leh Frimpong te ang rawlthar tha leh thaza in an rawn belh phei chuan squad tha tak a ni chho zel dawn a ang khawp mai.
cialis super active
cialis 20mg
Cialis next day delivery
Cialis professional
Keipwh chunga mi swi khi ka thlwp e,chuan club dang ho tih thaih keuh te’ng
Wilshere chu a lawmpuiawm hle mai. Player ṭha inhliam rei lutuk hi chu eng club ami pawh nise ka lo ui thei khawp a, Wilshere pawh a uihawm ka tih ber pawl a ni.
Kum 20 chauh a la nia, hetiang anga rei hi chu a chawlh tawh loh hram beisei ila, Premier League-a midfielder ṭha ber a la nih theih ka ring.
Wilshere hi ka player thiam tih zawng tak ani.
Arsenal ah no 10 hi Bergkamp, Persie ten an lo mawipui tawh a. Wilshere hian a mawipui ve thei ang ngem? I lo thlir ang..