Wolverhampton Wanderers chuan an manager Mick McCarthy chu Chawlhni zanaWest Bromlaka 1-5 a an chak loh hnu lawkah an ban.
McCarthy hian 2006 July thla atang khan Wolves hi a lo enkawl tawh a. Tun hnaiah, match 13 an khelhah match khat chauh a chakpui a, relegation zone-ah awmin, Blackburn ai pawhin an hniam tawh zawk a. Tlak thlak hlauhawm taka an din tak avangin, manager tharin, tha tharin enkawl se, Premier League-ah an inhamtan theih an beisei a ni ngei ang, relegation battle-a tha ve tak McCarthy meuh an bân ta tawp mai.
Wolves chuan thuchhuah siamin, “League game 22 ah point 14 chauh kan hmuh avangin harsa ti tak chungin Board chuan he thutlukna hi kan siam ta a ni,” tiin McCarthy an ban thu an sawi a. Manager thar an lakluh hma chuan Terry Connor-a’n a enkawl rih dawn thu an puang nghal bawk.
Tun season-ah match 3-ah point 7 hmuin bul an tan chhe lo hle a. Mahse Tottenham-in 2-0 a an hneh hnu kha chuan an tlahniam tial tial a ni ber a. Nikum August thlaa goal awm lova Aston Villa an draw hnu khan goal chhuah lovin vawikhat mah an la khe leh lova. October thlaaSwanseanen 2-2 a an in draw tum khan 0-2 in an hneh lo hman a, fans-ten an au nawmnah nasa hman hle a ni.
Match 11 chhung hneh nei lova an khelh hnuah February ni 4 khan QPR chu 2-1 in an hneh a, mahse an home-ah vawi 4 ngawt a zawnin an chak lova, a hnuhnung ber chuWest Bromnen Chawlhni zana an inkhelh kha a ni.
Wolves manager hlui Graham Taylor chuan, “Chawlhni zana an inkhelh khan Wolves player-te khan thununtu an nei lova, anmahni khelh khelhin an khel tawp mai a ni. Khatianga an khelh reng kha chuan Premier League-a inkhel tlak an ni lo. Manager thar hian a chang chuan player-teah danglamna an thlen fo thin a, chu chu Steve Morgan (Wolves Chairman) hian a beisei a ni ngei ang,” tiin McCarthy ban a nih chungchanga a ngaihdan a sawi.
McCarthy hi 1959 February ni 7 khan Barnsley khuaah a lo piang a. Barnsley, Manchester City, Celtic, Lyon leh Millwall-ah te football a khel a. Football khelh a chawlhsan hnuin Millwall (1992-96), Republic of Ireland (1996-2002), Sunderland (2003-06) leh Wolves (2006-12) te a enkawl tawh a ni.
cialis 5 mg
generic cialis
Cialis price in canada
Cialis overnight delivery
Player nei tha si lo, player tha leina tur nei bawk si lo, an player tha te club lianin an chhuhsak zel bawk si a, chutih laiin che tha turin an beisei bawk si. Club tenau manager nih hi chu daih rei a harsa a nih hi.
season tantirh khan ka beisei aiin an khel tha a,west brom nena an inkhel kha chu,angaihna a awmlo em alawmle,ball an chan khan an hlauhawmloh em a,west brom goal nawr kha ana bawk si,
A khawngaihthlak ve hle mai,club te ho hi chu aw,player tha an leive thei silo,an coach nipawh ka duhloh zawng tak tur a ni,he5
An khawngaihthlak thin ania…a bantu leh an bana te hi…an duh reng vang a ni awm bik si lo a..
Nia, premier league kaithar (season hmasa nen) ho hian an manager an ban ve paih ngawt mai…
McCarthy hi Roy Keane nena an fuh loh atang khan a vanduai chho tlat..hehe.. A chet chhiatpui tak em a nih hi..
Epl a hmuhnawm mai piah lama ti- hot leh tingaihnawmtu manager bân thu kan hre chho leh tan dawn..?? Champion tum,ucl try leh tlak hlau sapatal te innuai a hmuhnawm leh tan dawn e. Bengvarthlak hle mai, ka like e.