( A hmasain he inkhel review hi ZoFooties zinga active em em mai “The Veteran” tan ka hlan duh a. Tunah hian a hnâr/thawkna dâwt cancer avangin Mumbai-ah enkawl mek a ni. Spain a tan a, an chak zawk a rinthu pawh a rawn sawi a. Spain an chak takah chuan a tan he post hi Admin ai awhin ka hlan a ni. Tin, a dam zel theih nan kan tawngtaipui dawn nia. The Veteran hi prediction lamah chuan hre lo kan awmin ka ring lo. Champion lo tawk vel chiah chiah ni thin mah se mi predict dik loh laia predict dik thin kha a ni. )
Euro 12 quarter final-a ngaihven hlawh ber pawl tihngam zanin khan kan en a. Champion lai Spain chuan Xabi Alonso goal hnih hmangin France an hneh a. Tihian Semi-final an lut ve leh chiah a, Portugal nen an intum dawn a ni.
He inkhel hian ngaihven a hlawh em em na chhan chu European Championship history-a Germany tih lova record nei tha ve ve an ni a. Vawihnih ve ve an champion tawh a. France hian final vawihnih – 1984 leh 2000 khan an lut a, an champion ve ve a. Spain erawhin final vawithum – 1964, 1984 leh 2008 te khan an lut a, mahse 1964 leh 2008 -ah khan champion-in vawihnih an champion a, vawikhat runners’ up an ni thung. Hemi bakah hian preview lamah kan ziah tawhin Spain hian major tournament-ah France hi an la hneh ngai lo a ni.
Tem lineups
France : Lloris, Réveillere, Koscielny, Rami, Clichy, Cabaye, M’Vila (79’ Giroud), Debuchy (64’ Menez), Malouda (65’ Nasri), Ribery, Benzema
Spain : Casillas, Arbeloa, Ramos, Pique, Alba, Busquets, Alonso, Iniesta (84’ Cazorla), Xavi, Silva (65’ Pedro), Fabregas (67’ Torres)
France hian tlemin an squad an siksawi deuh a. Sweden an hneh lo tuma khel players pali ngawt an start tir lova. Chung zinga larsar zualte chu Samir Nasri leh Alou Diarra te an ni. Philippe Mexes chu a khel thei lova, a aiah Laurent Koscielny a khel thung a. Tin, Ben Arfa hmel pawh kan hmu lova, Florent Malouda leh Yohan Cabaye te hmel kan hmu thung a ni.
French chanchinbu thenkhatah chuan Nasri leh Diarra hi Sweden an hneh loh tum khan dressing room-ah an intibuai niin an ziak a. Tin, Ben Arfa pawh coach nen an inti thiam lo deuh a, squad atanga paih a ni mai thei tih thawm a awm bawk a. Heng zawng zawng avang pawh hian a ni mah na anni pathum hi tumah an start lo a ni.
Anthony Reveilere chu right back-ah awmin Mathieu Debuchy erawh a tawlh hma thung a. Tun tournament-a goal shot ngah tak, pet goal thei si lo ‘Benzema’ bawk lone striker a ni leh a. Ribery leh Malouda te’n an nawr pui bawk a ni
Spain hi chuan 4-3-3 formation bawk an rawn hmang leh a. An match hmasa bera an khelhdan ang bawkin an rawn khel leh a. Torres aiah Fabregas a start a. Mi tam tak chuan 4-3-3 ni lovin 4-6-0 formation a ni e an ti bawk. Iniesta, Xavi leh Silva bawk a laiah an awm leh a. An hnungah Alonso leh Sergio Busquets te bawk an awm leh a.
First half-ah Alonso a ‘hero’
Inkhel preview-a kan tarlan tawh angin zanin hi Alonso tan chuan a match 100 na chiah a ni a. Chuvang chuan he game hi a tan chuan a ‘special’ bik em em a ni.
Inkhelh tantirh atang midfielder nei tha zawk Spain bawkin game an thunun leh a. Mawi tak takin midfield-ah ball an inpe kual a. Minute 6 naah Alonso ball vawrh luh chu Fabregas-in um lutin box chhunga Gael Clichy chuan a lo pawt deuh a, Fabregas hi a tlu a mahse referee-in penalty erawh a pe lo thung. Hemi hnu hian centurion Alonso hian chance a nei a. Mahse a goal lova.
Minute 19 naah Spanish players te hian midfield-ah ball mawi taka inpe kualin Iniesta chuan tha zeta a khalh luh hnuin left back Jordi Alba tan ball a pe lut a. Ani hian cross thla lehin chan lova awm Alonso chuan a match 100 khelh lawmna nipah fawmin chiang zetin a lo head goal a ni. France defence hi a pherh ang reng. Mexes awm se chuan a dang thei mah na. Alonso hian jersey no 14 a ha a, tihian ram tan a goal 14-na a thun chiah bawk a. A game 100-na a ni bawk.
An innawr tawn zak zak a. France lam hi counter attack-ah an hlauhawm thei hle a. Ribery hmel kan hmu tam a. Leh lamah chuan Iniesta hmel kan hmu tam thung. Minute 32 naah Cabaye chuan free kick a pet a, Spanish keeper Casillas chuan a lo dang out hman hram a. Clear chance an nei mumal thei lo ve ve a mahse Spain erawhin game an thunun hle thung. Goal a luh belh tawh lova. Half time a ni zui mai a.
Second-ah pawh Alonso bawk a ‘hero’ leh
Second half tan tirh atang an game a rang dun lehnghal em em a. Spain hian history chhe tak an neih chu nuai bo an tum a. France lam hian history anga hneh leh ngei an tum bawk a. Chance mumal an nei thei lo ve ve a. Half chance a awm leh zeuh zeuh a. Ribery leh Benzema te’n chance an nei leh zeuh zeuh a. Minute 60 naah Ribery cross tha tak chu Debuchy chuan a lo head out hlauh a. Hemi hnu lawh hian Xavi chuan Fabregas hnenah ball tha tak a pe lut a, mahse France keeper Lloris a rawn up hman hlauh a, a goal lo a ni.
Ribery leh Benzema bakah midfielder te hrim hrim hi an in man lo a tih theih. Spain lamah chuan Xavi, Silva leh Iniesta te bawk an langsar leh a, an in man em em thung. Tu zawk mah mahin goal an thun thei lova. France tan Menez, Nasri leh Giroud te an rawn lut a. Spain tan Pedro, Torres leh Cazorla te an lut thung a. Mahse goal a luh belh theih chuang lova, 1-0 in Spain hi an chak mai dawn emaw tih laiin substitute Pedro chuan box chhungah mawi lutuka ball khalhin Rami leh Reveillere te a bum a mahse Reveillere hian a lo ti tlu a, referee-in penalty a pe a.
Centurion leh zanin inkhela hero em em Alonso a rawn pen chhuak a. Chiang zetin keeper a bum a, a pet goal a ni. Ram tana a goal 15-na chiah a ni bawk. Goal dang a luh belh lova. 2-0 in Spain an chak ta a ni.
Sawi zui ang
* Nasri, Diarra leh Ben Arfa te buaina vang khan team spirit a chhe deuh niin a hriat theih a. Nasri-a start tir loh vangin Coach Laurent Blanc chu dem a hlawh hle a ni.
* Benzema hian hian Euro 12 ah hian vawi 16 aia tam goal zawnah a shot tawh a mahse vawikhat mah a la goal lo a ni. Lone striker ni siin goal a thun lo tluan zak a ni.
* Nimin ni 23 kha French player lar pahnih Zinedine Zidane leh Patrick Viera te birthday a ni a, an birthday zanah an ram an chak lo a ni.
* U-17 European Championship, 2004-ah khan France leh Spain hi vawihnih ngawt an lo intum tawh bawk a. Group khatah awmin group match-ah hian 1-0 in France an chak a. Final-ah intum lehin France bawk hi 2-1 in an chak a. France tana chakna goal thuntu chu Samir Nasri a ni a, Spain goal awmchhun thun tu hi Gerrard Pique a ni thung.
* Spain chuan tun hma zawng zawnga major tournament-a an ngam loh thin France chu a vawikhatna atan an hneh ve ta a ni.
* Spain match hnuhnung 25-a an lama goal 1 aia tam thun thei awmchhun chu France chiah hi an ni a. Chu chu 2006 World Cup Round of 16-a France an hneh loh tum kha a ni. France hian 3-1 in an hneh a ni.
* Spain hian major tournament-a an match hnuhnung 13-ah clean sheet vawi 10 lai an nei thei a, goal 3 chiah an la chhuah bawk a ni. Zanin khan clean sheet bawkin France an hneh leh a, chuvang chuan match 14-ah vawi 11 an clean sheet tihna a ni.
Statistics
Bonus
Spain keeper leh captain ni bawk Iker Casillas chu a bialnu TV presenter Sara Carbonero chuan a hmunah a en mai ni lovin pitch chhung atang inkhel hi a en a ni. Kumin chu Wags (English ho bialnu/nupui) aiin Spanish players ho ‘chhas’ an lar zawk tlat. Hmanniah lah Pique bialnu Shakira thlalak kan tihlan tawh kha.
cheap cialis online
online cialis
buy generic cialis
cialis price
Low price viagra
viagra professional no prescription
The veteran chu a va han pawi ve aw, lo dam thuai thuai ang che.
Spain nen semi ah kan intum dawn a, kan chak ngei ka beisei.
1st, the Veteran, get well soon, we pray 4 U…
2nd, Chak kan phu lo a ni e, France khan game trang et ot leh tlem a physical deuh, movement rang tak an ron pho chhuah ka lo rin tehreng nen, Italy ho scandal nei teh nuaih poh an tluk lo ania, tlak vang2 kha kan phu e…chuan, Spain leh German hi an final ka ring deuh, Spain hi chu champiom zon lo se ka ti ve mai2 🙂
Chhunah k coment thei lo a,theih lai hian ti tlut ang. Spain chu hneh an har viau ang. Germany deuh ciah hian an hneh theih k ring..
The veteran, get well soon.
Champion tur Spain tan hi a hahdam thlak ber nih hi. Inkhel hmuhnawm tak leh post tha tak a ni.
Spain player te hian ball passing chauh an thiamlo a,lehlamin ball an chana in pass rei theilova va hnaihchilh nghal zug zug an thiam em em mai hi an that leh zualna niin ka gai..france ina anni aia ball thiam zwk khati hnelh hnelha an khel mai kha amak ka ti..! Tunhma france game, rang vet vwt leh tharum nen an beih chiam ka rig ania..an khwlai leng kal mai mai ni i ka hria..an fight twk lo ani..
Spain ho chak lo se ka’n tih nen Alonso penalty pet dawn ah ka mu daih. Ribery kha xerox se, France chu an chak ve mai thei ni. Pawilo ta ber chu, Spain hian Ronaldo (er awr-a) team te sawp hrep mai se la.
The Veteran, dam zel ang che, Lalpa`n engkim a tithei a nia
Striker awm reng a han rinduhloh tlat mai chu ka ngeizwngtak ani,squad ah telh loh lw2 maiawm !..french ho lahhi an displine ava chhe wm ve mwle o, azwnin major tournmnt ah anmualphota insiamthratnan hmag vat tehse..The Veteran, idam lehvat theihnan duhsakna sangber ka hlan ache..
The veteran.
I dam vat dawn nia. LALPAN a awm pui ang che.
Nizan thil thleng hi a mak hran lo ve.GO ALANSO.ka rin a dik e
Spain nge2 chu an lo SPAIN leh ber mai. Alonso lawmpuiawm khawp mai a, tunhma atanga ka player duh em2 kha ani ve reng2. A hmuhnawm dawn tih ka sawi ang khan, a hmuhnawm mah2 em aw…haha.. Torres aia Fabregas ahmang ziah hi a mak ngei mai! Chuan a pawimawh ber mai chu, The Veteran dam leh vat se tih hi a ni. Tawngtainaah i hretheuh ang u.
Ne the veteran tan hlan nwn veleh ag,lo dam thuai teh khai,en ag tho kn nie,Feren h6 cu buaina ti reng mai,khwkhat sualhuai te anla nei ang kati,Spain chu inhmelmakna thuk tak nei Real leh Barca player deuh hlir annh chung pwn buaina switur anneih kn hrelo ania,an fakwm thin
*link-up play ka tihna…heehee…muthra theilo type tih takah 😀
Post bultanna leh tawpna ten rilru leh mit an la tlat ka ti lo theilo… France an tactic a diklo a ni. Debuchy leh Malouda te an hmandan kha a fuhlo, anmahni inkhel leh an team khel danah pawh a hriat…Nasri leh Diarra vang vek!!(France Football Federation hian an National Team player te inlungrual thinlo leh Intibuai reng chungchangah hian hmalakna khauh zawk siam vat teh se!!an ninawm zozai!!)…Spain khan an phu zawk hrim hrim bawk…Fabregas erawh “False Nine” anga khel turin a pace leh movement a tha tawklo thin tih a lang chiang…thawkrimin kink-up play siam tum viau mahse…chuan a tawpna khi ka a fuh ka ti lo theilo!!…. PAWIMAWH BERAH chuan The Veteran kan hre reng che ania…rilru huaisen tak nen bei la…kan tihtheih tam tawklo mahse kan theih chhun tawngtainaah kan lo hre reng zel che ania…
BVT e … FFF ho lah hi buaina an nei reng mai.. An khelh dan atang a hriat khawp mai