Mizoram Premier League (MPL) inpuahchahna kal zelah Zonet Cable TV Production Crew paw’n tan la zelin publicity leh thildangah tan kan la chho zel a. Hemi atan hian Lalrinsangi Hlawnchhing (Sangsangi) Miss Chapchar Kut, 2010 chu lak luh a ni a, chiang zawka hre duh tan HETAH hian a en theih ang.

Mizoram Premier League (MPL) hi chu October ni 24-ah tan a ni dawn chauh a. Mahse chumi hma chuan Club tinte hi Zonet Cable TV Production Crew chuan an practice ground-ah tlawhin an training te enpui a, Coach, Manager leh Players te kan la kawm dawn a. Chumi enchhin nan chuan MPL club thenkhat State pawn leh Aizawl pawna zin turte an awm avangin heng Club zinchhuak tur bikte hi an training ground theuhva kan va kal chilh a. Kan hriat tur chu hei hi chu MPL nena la sawi pawlh loh tur a ni.

MPL khelh dawnah a hranpain kan la tlawh leh dawn a. Tuna mi hi chu tournament an khelh dawn avang chauhva tlawh kan ni tih kan sawi hmasa duh a ni e.

MPL hi khelh ala ni chiah dawn lo nain MPL khel tur Club te chanchin ngaihven leh promote hi Organiser te tum ber a ni a. Kan hriat angin Aizawl FC hi Federation Cup khel turin naktuk lam hian an fehchhuak dawn a. Chutih rualin Dinthar FC, FC Kulikawn, Luangmual FC leh Mizoram Police FC te hi L&L Memorial Football Tournament khel turin Serchhip-ah karleh lam hian an zin thung dawn a.

Anni tan chuan he tournament hi a pawimawh dawn a, Pre-Season match/tournament ang a ni dawn a ni. Hemi anih avang hian Zonet leh ZoFooty tangkawp chuan an practice na hmunah kal chilhin Club te practice dan te kan enpui a. Coach, Manager leh Coach te kawmna hun neih a ni.

Zanin hian heng club practice kan va chhimna hi Zonet Zawlbuk-ah a en theih dawn a. A dar zat chiah hriat a ni lo nain Football Zone zawhah tihchhuah a ni ang. Mahse tuntum ah hi chuan Aizawl FC, FC Kulikawn leh Luangmual FC te chauh tihchhuah hrih an ni ang. Dinthar FC leh Mizoram Police FC lam hi naktuk zingah kan tlawh leh dawn chauh avangin a hranin tihchhuah leh a ni ang. Video-ah hian Club tin te training lai, Coach, Manager leh Players te kawmna tihchhuah a ni ang.

Zanin programme hi Zonet Cable TV Production Crew member thar Sangsangi vawikhat inlanna tur a ni nghe nghe. Football fans zawng zawng te en vek turin kan insawm a ni. Chutih rualin Sangsangi kawm tak te phei chuan an ngei a rinawm. Football fans mai bakah Sangsangi fans zawng zawng tan zanin show hi miss phal chi a ni lovang.