ZAZA A HNAWNG LO !

Posted on by C Tlanthianghlima
Estimated read time 2 min read

Euro 2016 en te chuan Italy striker Simeone Zaza hi kan theihnghilh theih a rinawm loh. Kum 25 a upa hi a khelh mekna Juventus chuan Premier League club West Ham – ah ‘loan’ in an chhuahtir hnuah La Liga club Valencia – ah tun season tawp thleng atan an thawn chhuak leh ta.

Zaza hian nikum nipui lai khan West Ham hi ‘loan’ in a zawm a, Hammers hian an hawh manah pound maktaduai 4.3 an seng nghe nghe. Premier League match 14 a inlan tling a nih chuan London club hian a nghetin an lei thei ang, tih  ni nain match 11 a khelh hnuah goal khat pawh a la thun thei lo a, bukin a awm a, a tling ta lo !

An huntiam pawh a thlen hma in Slaven Bilic chuan a pet chhuak lehnghal a, mahse Valencia an lo lang. Kum zabi 21-na tir lama club tha ni thin Valencia hi La Liga – ah talbuai mekin 17-na an ni a, goal thuntu an mamawh. Simeone Zaza an hawh manah Valencia hian euro maktaduai 2 an pe phawt a, La Liga atanga an relegate loh a, Zaza hian game 10 tal a inlan a nih chuan kum hnih ral hma ngeiin euro maktaduai 16 zet an pek belh a ngai bawk ang.

Avatar for C Tlanthianghlima
C Tlanthianghlima

Football tui ve tak

You May Also Like

More From Author

52Comments

Add yours

+ Leave a Comment