October 28 zan khan MPL inkhel ngaihven hlawh berte zinga mi Zo Classico khelh a ni a, mipui thawm tha tak hnuaiah Chanmari FC leh Dinthar FC te goal khat ve ve inpe in an inhnehtawk.
MPL1 champion-in Lalruatpuia hmangin goal khung hmasa mah se Chanmari FC-in an veng tlangval Rochhingpuia hmangnin an sut. Lalsangzuala Hmar hoten goal khung tumin an nawr chhunzawm a, Dinthar keeper Joseph C. Lalruatfela’n an paltlang nawn tawh lo. Champhai tlangval Joseph hi man of the match a thlan a ni.
Zo Classico a ni tlat!
Chanmari leh Dinthar inkhel tur a nih tawh chuan engtik lai mahin a boruak a nep ngai lo. Tun season-ah Dinthar hi che chhe deuh mah se foreigner te la a an intuaithar lai mek a ni a, an stand khat tlat mipui tawiawmtu an nei bawk. Chanmari hi season tinin team hlauhawm ber pawl an ni ziah a, tun season-ah pawh a chunglam luahlumtu te zinga mi an ni.
Hmuhnawm
Inkhel tan a ni a, MSa chu Chanmari player langsar hmasa niin a freekick hlauhawm tak chuan Dinthar tan buaina a thlen nasa hle. Minute 15-na leka a freekick pawh Dinthar keeper Joseph-a’n a dang hman hram.
Hemi hnu hian Chanmari chuan chance tha lutuk mai hmuin Malsawmfela chuan box chhungah ball a chang a, tibuaitu nei lo in goal-ah a pet; Dinthar goalkeeper Joseph a chetha a, mawi takin a lo dang leh. Heta tanga corner an hmuh hi Rinchhana chuan a tauhlut thelh bawk a, Joseph bawkin a lo dang leh.
Dinthar an rawn che ve thung a, captain Samuel chuan chance tha tak hmuin ho takin a hlah a, a hnu lawkah Michael chuan Ruatpuia tan ball tha pein cool takin an hmahruai nan a lo thun.
Goal a luh hnu hian Chanmari lamin an nawr let ve nghal a, Rammawia chuan chance tha hmuin a pet over chiah chiah. Midfielder Msa a khel tha a, freekick tha tak tak petin goal kham pawh vawi hnih lai a pet per leh a, a hnuhnung zawkah phei chuan a freekick atanga ball kal zel hi Rinchhana chuan tauh pheiin Chhinga’n an siphurh sut nan a lo thun nghe nghe a ni.
Dinthar hian an foreigner pahnihte an hmang tangkai a, game hmuhnawm min entir. An tlarhmaah Ruatpuia leh Michael te an hlauhawmin Chanmari tan thin phutna tur an thlen reng a, mual lehlamah Chanmari tan Lalruatfela Zote leh Sawmfela te an hnawksakin game innawr hmuhnawm tak kan hmu.
Chanmari FC-in chak tumin Rammawia aia Muanzova an luhtir a, hemi hnu hi chuan an game a rangin wing-ah ball hlauhawm tak tak an nei a, Dinthar tlarhnung tan hna siam sak ngun mah se goalkeeper Joseph-a chetthat zarah Dinthar FC an him hram thin. Minute 90 a pel a, team pahnihten goal an khung theih tawh loh ve ve avangin point khat ve ve an insem ta a ni.
ZoFooty Statistics
Chanmari FC 1-1 Dinthar FC
CFC : Rochhingpuia 54’
DFC : Lalruatpuia 30’)
MoM: Joseph C Lalruatfela, Dinthar FC
53% Ball Possession 47%
16 Shots 15
6 On Target 6
0 Yellow Cards 1
0 Red Cards 0
Powered by Rainbow Multibrand Mobile Showroom.
How to buy cialis in canada
Generic cialis online