Euro 2012 a tawp a, ZoFooties ten Euro a score kan inrinsiak pawh a tawp ve nghal ta. Final ah Spain in beisei phak baka Italy an sawp avangin Spain pet goal zat (goal 4) ringdik kan awm lo a, Italy score (goal 0) ringdik erawh kan awm nual thung. Final a pet goal hmasa ber leh man of the match ringdik kan tlem hle bawk.

A pumpuiah point hmuh theih zat hi point 60 a ni a, Tetea Magnus chuan point 31 hmuin “ZoFooty Euro Prediction Part I” champion a ni a, ZoFooty prediction hrang hranga champion tawh Elnino Bawihtlung, Tetea, Lalthanzama Vanchhawng, btena, ben vangchhia, SteveSoler te ho a zawm ve ta a ni. Tetea hian final prediction bikah point 8 a hmu a, semi final prediction zawha mi pakhat ve mai kha a tawp a khar ṭhat avangin a champion ta daih a ni.

valtea chuan point 30 hmuin pahnihna a ni a, ‘Duat Duata‘ leh ‘eheu‘ ten point 29 ve ve hmuin pathumna an ni bawk. Post hmasa lama kan tarlan tawh angin pakhatna hian Rs. 500 a dawng ang a, pahnihna in Rs 300, pathumna in Rs 200 ve ve an dawng dawn a ni. Lawmman dang turten anmahni kan biakpawh theihna turin Hmingpum, Address, Bank account details te zofooty.11@gmail.com ah min lo thawn turin kan ngen nghal e. Hming inhresa kan nih loh avangin zofooty.com a username dah tel ngei tur a ni ang.

Final score prediction result dik:

1. Spain 4
2. Italy 0
3. David Silva (pet goal hmasa ber)
4. Andreas Iniesta (Man of the match)

Kan predict na en lêt duh tân: EURO FINAL PREDICTION

(Point tihsual a awm a nih chuan darkar 24 ral hmain comments lamah kan sawi dawn nia).

[table id=154 /]