Rules

ZoFooty Fantasy League Rules

ZoFooty Fantasy League rules, a hnuaia kan ziah te hi kan League rawm zawm tur reng rengin chhiar a, zawm vek tur ani a. Tin, Fantasy Premier League in rules an siam te hi kan zawm hmasa theuh bawk tur ani.

Registration

ZoFooty Fantasy League hi Mizo tawh phawt, Mizoram chhung leh pawn a awm tan hawn ani a. Rawn zawm tur hian pawisa pek a ngai lova, Fantasy Premier League website, www.premierleague.com ah hian a thlawna in register a ngai hmasa thung.
Season tin kan League rawn join na tur code hi thlak thin ani a, chuvangin season tin a thar in kan rawn tarlang thin ang. Registration tih dan kimchang chu hetah hian en theih in a awm.
ZoFooty Fantasy League ah hian mi pakhat in team PAKHAT aia tam rawn zawm tir phal ani lova. Team pakhat aia tam register hmuhchhuah an nih chuan League atangin suspend nghal theih an ni ang.
Kan league rawn zawm tur hian closing date a awm lova, engtik lai pawhin a rawn zawm theih reng e.
ZoFooty Fantasy League zawm tur user reng rengin keimahni rules bik bakah Fantasy Premier League Rules te hi zawm theuh bawk tur ani.

Lawmman

ZoFooty League a lawmman siam hi a hlut zawk nan lawmman te hi Mizo/Mizoram ami ngei hnenah chauh sem ani ang. (ZoFooty League Prizes can only be awarded to Mizo users or users from Mizoram)
Lawmman te hi Mizoram chhungah chauh sem chhuah theih ani ang a, a sem dan tur leh pek dan tur ruahmanna chu ZoFooty Admin te thu ang zel ani ang.
Mizoram pawna user in lawmman a lo dawnin, lawmman te hi ZoFooty hian Aizawl chhungah bak a hlan thei lovang. ZoFooty Admin te kut atanga lawmman a lak dan tur chu ama mawhphurhna ani ang a, a duh chuan a ai awh tura a ruat ngei a chhungte/thiante Aizawl ami hnenah hlan theih ani ang.
Lawmman dawngtu chu ZoFooty website ah tarlan ani ang a, a theih ang angin amah mimal a hrilh tum ani bawk ang. Lawmman puan anih atanga hun tiam chhung ngeiin a dawngtu hian ZoFooty Admin te a be pawp tur ani a, huntiam chhunga engvang pawha lawmman chu a rawn hauh lo anih chuan lawmman chu midang hnenah sem theih ani ang a, ZoFooty thu tlukna hi thu tawp ani ang a, sawi buai theih ani lovang.
Season tawp a Leagua-a point hmusang ber hi lawmman dawng nghal tur ani kher lova, Admin ten uluk takin team dang a enkawl em, Mizo/Mizoram mi ani ngei em tihte kan finfiah hnuah chauh lawmman hi sem theih ani ang.
Lawmman kan siam hi Sponsor te chungah a in nghah avangin, loh theihloh thilah chuan lawmman te hi thlak danglam theih ani ang a, lawmman sem dan tur pawh hi thlak danglam theih ani bawk ang.
Lawmman dawngtu hming, address, thlalak leh thusawi te chu ZoFooty in a tul a tih angin tiamchin awm lovin, man nei lovin ZoFooty website atan a hmang thei ang.

League Rules

ZoFooty Fantasy League hi Fantasy Premier League game hnuaia League pakhat ve mai ani a. A game hi ZoFooty siam leh enkawl ani lova, points chhiar dan, points update, transfer tih velah ZoFooty in thu kan nei lo a, Famtasy Premier League in an tih dan apiang kan zawm ang. Tin, technical thil vanga points, League table ranking, team selection etc. ah buaina a awm in ZoFooty in mawh kan phur thei lovang a, Fantasy Premier League ho in hei hi chu an rawn siamtha mai thin.
User tu pawh League Rules bawhchhia an awm chuan League Forum emaw Facebook group-ah emaw Notification hmangin warning pek anni ang a, eng vang pawha hun pek chhunga an la zawm lo anih chuan League atangin suspend nghal theih anni ang.
ZoFooty Fantasy League dan kan siam te hi a tul angin ZoFooty Admin ten engtiklai pawhin an thlak thei ang.
League Forum leh Facebook Group a user post leh comment reng reng hi a post tu ngaihdan ani a, ZoFooty pawmpui ani vek kher lo. Tawngkam mawilo leh post nawi lutuk chu Admin ten an paih theih ang.
Eng thu ah pawh ZoFooty Fantasy league chungchangah hian ZoFooty Admin te thutlukna hi thu tawp ani ang. Rawtna, sawiselna, zawhna nei chuan League Forum emaw, ZoFooty Contact Form emaw Facebook Group ah emaw hian a thlen theih reng e.